தத்துவம்

உலகத்துல உன்னை விட பெரியவன் யாரும் இல்லை அதனால நீ யாருக்கும் பயப்படாதே! அதே மாதிரி உன்னை விட சின்னவன் யாரும் இல்லை அதனால நீ யாரையும் தாழ்வா நினைக்காதே!!! அய்யம்பேட்டை அறிவுடை நம்பி கலியபெருமாள் சந்திரன்

Wednesday, March 11, 2009

வெறுத்துப் போனவை!

சில சமயம் நாம பார்த்து ரொம்ப ஏங்கிய பொருட்கள், கிடைத்த சில நாட்களில் அதன் மேல் இருக்கும் மோகம் குறைந்து வெறுத்துப் போவது உண்டு. அப்படி நான் வெறுத்துப் போன சில விஷயங்களை பற்றிய பதிவு தான் இது.

ஏரோப்ளேன் பயணம்:
சின்ன வயசுல இருந்து ஏரோப்ளேன்னா அவ்வளவு ஆசை. எப்ப ஏரோப்ளேன் சத்தம் கேட்டாலும் வானத்தைப் பார்க்க பெரிய கூட்டமே இருப்போம். வகுப்பறைல‌ உட்கார்ந்திருக்கும் போது சத்தம் கேட்டுச்சுனா எல்லாரோட பார்வையும் ஜன்னல் வழியா வானத்துல தான் இருக்கும்.

சில சமயம் சத்தம் மட்டும் கேட்கும், ஏரோப்ளேன் எங்க இருக்குனு தெரியாது. மேகத்துக்கு நடுவுல ஒளிஞ்சிக்கிட்டு இருக்கும். வெளிய வந்தவுடனே யாராவது பார்த்து "அங்கப் பாரு, அங்கப் பாரு"னு சொன்னவுடனே எல்லாரும் அதை பார்த்து சந்தோஷமாயிடுவோம்.

வீட்ல இருக்கும் போது சத்தம் கேட்டுச்சுனா மொட்டை மாடிக்கு ஓடிப்போய் வேடிக்கைப் பார்ப்போம். அப்ப எங்க எல்லாரோட லட்சியமும் ஒரு தடவையாவது ஏரோப்ளேன்ல போகனும்னு தான்.

இப்ப‌டி சின்ன‌ வ‌ய‌சுல‌ இருந்து ஏங்கிய‌ ஏரோப்ளேன் ப‌ய‌ண‌ம், முத‌ல் முறையா சென்னைல‌ இருந்து பாஸ்ட‌ன் வ‌ந்த‌ ப‌ய‌ண‌த்துல‌யே வெறுத்துப் போச்சு. சென்னைல‌ ஜெட் ஏர்வேஸ்ல‌ ஏறும் போது இருந்த‌ ச‌ந்தோஷ‌மும், குறுகுறுப்பும், பாரிஸ்ல‌ வ‌ந்து இற‌ங்கும் போதே குறைஞ்சி போச்சி.

ஏதோ பஸ் பயணத்துல‌ இருக்குற‌ ஒரு உயிரோட்ட‌ம் ஏரோப்ளேன் ப‌ய‌ண‌த்துல‌ இல்லை. ஒரே இட‌த்துல‌ உட்கார்ந்திருக்க‌ற‌து ம‌ட்டும் தான் கார‌ண‌மா, இல்லை ப‌க்க‌த்துல‌ உட்கார்ந்திருக்க‌ற‌ ம‌னித‌ர்க‌ளின் இறுகிய‌ முக‌ம் தான் கார‌ண‌மானு தெரிய‌ல‌. ஏரோப்ளேன் ப‌ய‌ண‌த்தை ரொம்ப‌ வெறுக்க‌ ஆர‌ம்பிச்சிட்டேன்.

ஒரு வேளை ரெண்டு ம‌ணி நேர‌ம், மூணு ப‌ணி நேர‌ம் ப‌ய‌ண‌மாக‌ இருந்திருந்தால் பிடித்திருக்கும் போல‌. சின்ன‌ வ‌யசுல‌ ஏங்கி இன்று பிடிக்காம‌ல் போன‌ லிஸ்ட்ல முக்கியமான‌ இட‌த்துல‌ இது தான்.

தொலைக்காட்சி :

சின்ன வயசுல டீவி பார்க்கறதுனா அவ்வளவு ஆர்வம் இருக்கும். தூர்தர்ஷன் வந்த புதுசுல எப்படி ஏங்கி ஏங்கி பார்த்திருக்கோம். முன்னோட்டம்னு ஒரு நிகழ்ச்சி இருக்கும், அதுல அடுத்து வாரம் வர போற எல்லா நிகழ்ச்சியை பத்தியும் சொல்லுவாங்க. அதை விடாம பார்த்து முக்கியமான நிகழ்ச்சியை எல்லாம் குறித்து வைத்துப் பார்ப்போம்.

வெள்ளிக்கிழமை ராத்திரியும், ஞாயிறு சாயந்திரமும் எங்க வீட்ல டீவி பார்க்க ஒரு பெரிய பட்டாளமே இருக்கும். எங்க வீட்ல டீவி வரதுக்கு முன்னாடி எங்க பக்கத்துத் தெருல தான் இருக்கும். நாங்க அங்க போய் பார்க்கறது பிடிக்காம எங்க அப்பா டீவி வாங்கினார். அதுவும் இல்லாமல் எங்க அப்பா டீவி எல்லாம் வாங்க மாட்டாரு, டீ தான் வாங்குவாருனு நான் கிண்டல் பண்ணது கூட காரணமா இருக்கலாம். அப்ப நான் அஞ்சாவது படிச்சிட்டு இருந்தேன். அப்பவே நக்கலு, திமிரு எல்லாம் இருந்தது ;)

சில சமயம் டீவி திடீர்னு மக்கர் பண்ணும். உடனே ஆன்டனாவை திருப்பறதுக்கு ஒரு கூட்டமே இருக்கும். பொதுவா எங்க ஏரியால இருந்து ஊட்டி, கொடைக்கானல் ஸ்டேஷன் தான் தெரியும். ஏதாவது மக்கர் பண்ணுச்சுனா, ஆன்டெனா திருப்பறதுக்கு ஒரு கம்பி இருக்கும். அதை எடுத்துட்டு ஒரு நாலஞ்சி பேர் ஓடுவோம். ஊட்டி பக்கம் இருந்தா கொடைக்கானல் பக்கம் திருப்புவோம். அப்படி திருப்பும் போது பார்த்து பார்த்து திருப்பனும்.

ஒரு நாலஞ்சி டிகிரி மாறினாலும் தெளிவா தெரியாது. மாடில இருந்து தெரியுதா தெரியுதானு கீழ நிக்கறவர்கிட்ட கேட்போம். அவுங்க உள்ள இருக்கறவங்க கிட்ட கேட்டு சொல்லுவாங்க. தெரிய ஆரம்பிச்ச உடனே வேகமா கீழ ஓடி வருவோம். சில சமயம், இப்படி செஞ்சி தெரிய ஆரம்பிக்கறதுக்குள்ள ஒலியும் ஒளியும் முடிஞ்சிடும்.

இப்படி ரசிச்சி ரசிச்சி பார்த்த டீவி நிகழ்ச்சிகள், கேபில் வந்தவுடனே மாற ஆரம்பித்தது. ஊட்டி, கொடைக்கானல் மறந்து போனோம். தடங்கலுக்கு வருந்துகிறோம் மறந்து போனோம். அப்ப ரொம்ப சந்தோஷமா இருந்தது. அதன் பிறகு வந்த தொடர் நாடகங்களை எல்லாரும் ரசித்துப் பார்க்க ஆரம்பித்தோம்.

ஆனால் இப்ப அந்த டீவியை பார்த்தாலே எனக்கு எரிச்சல் தான் வருது. கொஞ்ச நேரம் டீவி பார்க்கறேனேனு கெஞ்சிக் கொண்டிருந்த காலம் மாறி கொஞ்சம் டீவியை ஆஃப் பண்ணுங்களேன், ஒரே தலைவலினு சொல்ற மாதிரி இருக்கு. இன்னைக்கு ரேஞ்ச்ல அறிவியல் வளர்ச்சியில் ஏற்பட்ட மாற்றத்தின் முதல் வில்லன் யார் என்று கேட்டால் நான் யோசிக்காமல் சொல்வது டீவியை தான்.

க்ளாடியேட்டர் படத்துல கமாடஸ் மக்கள் எதை பத்தியும் சிந்திக்கக் கூடாதுனு க்ளாடியேட்டர் ஆட்டத்தை நடத்தற மாதிரி, இன்னைக்கு மக்கள் எதைப் பத்தியும் சிந்திக்கக் கூடாதுனு டீவி நிகழ்ச்சிகளை நடத்துற மாதிரி ஒரு எண்ணம்.

செல் ஃபோன் :

வேலைக்குப் போனவுடனே முதல்ல வாங்கனும் நான் நினைச்சது செல் ஃபோன் தான். அது வரை என்னிடம் செல் ஃபோன் இல்லை. சம்பளம் வந்த முதல் மாசமே வாங்கினேன். அந்த அளவுக்கு செல் ஃபோன் மேல ஒரு க்ரேஸ் இருந்தது.

செல் ஃபோன்ல எந்நேரமும் பேசிட்டு இருந்தது எல்லாம் கூட ஒரு கனாக்காலம் மாதிரி தான் இருக்கு.

இப்ப ஏனோ எனக்கு செல் ஃபோன் பிடிப்பதில்லை. ஏதோ என் தனிமையைக் கலைக்க வந்த ராட்சசன் மாதிரி இருக்கு. அதுவும் ஒரு வாரம் விடாம சனி, ஞாயிறு காலைல ஃபோன் பண்ணி, பாலாஜி ரொம்ப முக்கியமான ஒரு பிரச்சனை, உடனே நீ லாகின் பண்ணனும்னு சொல்ற இந்த ஃபோன் கால் தான் எனக்கு இது மேல வெறுப்பு வர முதல் காரணம்.

அடுத்து ஆறு மணிக்கு வீட்டுக்கு போய் ஒரு ஒரு மணி நேரத்துல, பாலாஜி இப்ப ஒரு முக்கியமான டெஸ்ட் ரன் பண்ணனும், நீ கொஞ்சம் பார்த்து ஆரம்பிச்சிடறயா? ஆறு மணி நேரமும் பார்க்க வேண்டியதில்லைனு சொல்லும் போது அதை தூக்கி போட்டு உடைக்கலாமானு ஒரு கோபம் வருது.

லேப் டாப் :

நான் முத‌ன் முத‌லா லேப் டாப் தொட்டு பார்த்த‌து எங்க‌ ஃபைன‌ல் இய‌ர்ல (2003) தான். அதுவும் எங்க டிப்பார்ட்மெண்ட் செக்ர‌ட்ரி (எங்க‌ க்ளாஸ் மேட் தான்), சிம்போசிய‌ம் அப்ப‌ லேப் டாப் எடுத்துட்டு வ‌ந்தான். அவுங்க‌ அப்பா யூ.எஸ்ல‌ இருந்து அதை வாங்கி வ‌ந்து ஒரு வார‌ம் தான் ஆகியிருந்த‌து. அதை தொட்டு பார்க்க‌ற‌துக்கு அப்ப‌ அவ்வ‌ள‌வு போட்டி இருந்த‌து.

அதுக்கு அப்ப‌ற‌ம் நான் க‌ம்பெனில‌ ஜாயின் ப‌ண்ண கொஞ்ச‌ நாள்ல‌ எங்க‌ மேன‌ஜ‌ர் என்னை கூப்பிட்டு சில‌ ச‌ந்தேக‌ங்க‌ளை கேட்கும் போது அவ‌ர் லேப் டாப்பை என்கிட்ட‌ கொடுத்து அந்த‌ குறிப்பிட்ட‌ அப்ளிகேஷ‌னை ப்ர‌வுஸ் ப‌ண்ணிக் காட்ட‌ சொன்னாரு. என‌க்கு அதுல‌ ம‌வுஸ் இல்லாம‌ எப்ப‌டி நேவிக‌ட் ப‌ண்ற‌துனு தெரிய‌லை. அதை அவ‌ர் தான் சொல்லி கொடுத்தாரு.

அப்ப‌ற‌ம் ஆன்சைட் வ‌ரும் போது என‌க்கு எங்க‌ க‌ம்பெனில டொஷிபா லேப்டாப் கொடுத்தாங்க‌. வாங்கும் போது அவ்வ‌ள‌வு ஆசையா வாங்கினேன். ரொம்ப‌ நாள் அது எப்ப‌வும் என்கூட‌வே இருக்கும். ப‌டுக்கும் போது கூட‌ ப‌க்க‌த்துல‌ தான் இருக்கும். தூங்க‌ற‌ வ‌ரைக்கும் ஏதாவ‌து ப‌ண்ணிட்டே இருப்பேன். அப்ப‌ அப்ப‌ எழுந்து பின்னூட்ட‌த்தை வெளியிடுவேன் (2006ல‌).

எங்க ரூம்ல இப்ப ரெண்டு பேருக்கு, மொத்தம் ஆறு லேப் டாப். ஆளுக்கு மூணு லேப் டாப். எங்க கம்பனி லேப் டாப் ஒண்ணு, க்ளைண்ட் லேப் டாப் ஒண்ணு, பர்சனல் லேப் டாப் ஒண்ணு. இதுல‌ க்ளைண்ட் லாப் டாப்பால‌ தான் நிறைய‌ பிர‌ச்ச‌னை. எல்லா நேர‌மும் ஃபோன் ப‌ண்ணி க‌னெக்ட் ப‌ண்ண சொல்லுவாங்க‌. செம‌ டார்ச்ச‌ரா இருக்கும். லேப் டாப் எடுத்தாலே இப்ப‌வெல்லாம் க‌டுப்பா இருக்குது. இதை எவ‌ன்டா க‌ண்டுபிடிச்சான்னு கோப‌ம் வ‌ருது.

இந்த‌ப் ப‌திவுல‌ இருக்க‌ற‌தெல்லாம் நான் ரொம்ப‌ விரும்பி இப்ப‌ வெறுத்து போன‌ விஷ‌ய‌ங்க‌ள். ஒரு சில‌ர் இதை எல்லாம் கொஞ்ச‌ம் முன்னாடியே வெறுத்திருக்க‌லாம், ஒரு சில‌ர் இவைக‌ளை இன்னும் நேசித்து கொண்டிருக்க‌லாம். இதை நீங்க‌ள் வெறுக்க‌ ஆர‌ம்பிக்கும் போது என் ஞாப‌க‌ம் வ‌ர‌லாம்.

79 comments:

ILA (a) இளா said...

இன்னும் டிவி மட்டும் அலுக்கலை. மீதி ரெண்டும் கடுப்புதான். எனக்கில்லே, நான் அதை உபயோகப்படுத்தும் சமயம்.. தங்கமணிக்கு

குடுகுடுப்பை said...

முத மூணும் எனக்கு கடுமையான வெறுப்பு, லாப்டாப் இல்லாட்டி நான் எப்படி கமெண்டுறது இப்போ.

Divyapriya said...

ohh no :(( me not the first :(

Divyapriya said...

சூப்பர் பதிவுண்ணா....i think, இதுல இருக்கற ஒவ்வொரு வரியும் almost எல்லாருக்குமே applicable ஆ இருக்கும் :))

ILA (a) இளா said...

அப்புறம் பதிவுலகுல இப்போ இருக்குற கடுப்பு Me the First. ஆரம்பிச்சு வெச்ச மலேசியா மாரியாத்தாவ கொல்லனும்

Divyapriya said...

முழுக்க முழுக்க தூர்தர்ஷன் நினைவுகள பத்தி நீங்க ஒரு பதிவு போட்டா நல்லா இருக்கும்னு நினைக்கறேன் :)

Divyapriya said...

@ILA said...

// அப்புறம் பதிவுலகுல இப்போ இருக்குற கடுப்பு Me the First. ஆரம்பிச்சு வெச்ச மலேசியா மாரியாத்தாவ கொல்லனும்//

:))

MSATHIA said...

அண்ணாத்தே, பாஸ்டன்னா கொஞ்சம் ஐரோப்பா வழியா ஒரு நிறுத்தம் போட்டு வர வாய்ப்பு இருக்கு. கொஞ்சம் ஆசுவாசப்படுத்திக்கலாம்( தொல்லைதான் பரவாயில்லை) ஆனா இங்க அட்லாண்டா வந்து பாருங்க மும்பை அட்லாண்டா ஒரே பேருந்து.. சீ.. ஆகாயப்பேருந்து பதினாறுமணிநேரம் ஒரே இருக்கைல உங்காந்து இருக்கணும். மண்டை காஞ்சு போயிடுவீங்க. தண்ணியடிக்கறவன் சரக்கடிச்சுட்டு மட்டையாயிடறான். நான் நொந்து இடியாப்பமாயிடறேன்.

நாகை சிவா said...

நச்!

பிளேன் + ஹெலி

டிவி என்னிக்கு சீரியலும், மயூசிக் சேனலும் ஸ்டார்ட் ஆச்சோ அன்னிக்கே அது பிடுங்கல் ஆகிடுச்சு.

லேப்டாட் விட முடியல. சில சமயம் ஊருக்கு போகும் போது வச்சுட்டு போயிடுவது, சில சமயம் ஆபிஸ்லே விடுவதுனு சமாளிக்குறோம்.

கைப்பேசி - சுகமான சுமை போயிடுச்சு. வேற வழி இல்ல அனுபவிச்சு தான் ஆகனும்.

நாகராஜன் said...

நல்லா சொன்னீங்க பாலாஜி. நீங்க கொடுத்த லிஸ்ட்ல இருக்கறது எல்லாம் ஒரு சமயத்துக்கு மேலே அனைவருக்குமே பிடிக்காம போக கூடியவை தான்.

எனக்கு ஏரோப்ளேன் பயணம் என்பது என்னவோ மிக பெரிய காரியமாக இருந்தது. நீங்க சொல்லிய அனைத்தும், அதுக்கும் மேலே, நான் படித்த கதை புத்தகங்களில் எல்லாம் என்ன என்னவோ சொல்லி வர்ணிதிருப்பாங்க (முக்கியமா ராஜேஷ் குமார் அவர்களது நாவல்கள்). என்னுடைய முதல் ஏரோப்ளேன் பயணம் பத்து வருடங்களுக்கு முன் மலேசியா நாட்டுக்கு ஆரம்பம் ஆனது. அப்படியே என் அத்தனை எதிர் பார்ப்புகளும தவிடு பொடி ஆனதுனே சொல்லலாம். என்னமோ ஒரே ஜிவ்வுன்னு இருக்கும் (take off ஆகும் போது) அப்படி இப்படின்னு எல்லாம் படிச்சிருந்தேன். ஆனல் ஒன்னுமே இல்லாம சும்மா சப்புன்னு போச்சு. அதுவும் போக நீங்க சொன்ன மாதிரி, நிறைய தடவை போயாச்சு அதுவும் ஒரு சலிப்பு தான். ஆனால் இப்பவும் நான் ஊருக்கு போகும் போது, சின்ன பையன்கள் எல்லாம் ரொம்பவுமே ஆர்வத்தோட தான் இருக்காங்க (நாம் இருந்தது போலவே).

தொ(ல்)லைக்காட்சி: அது ஒரு காலம். எப்போடா வெள்ளிக்கிழமை வரும்... ஒலியும் ஒளியும் பார்க்கலாம்னு இருந்தது எல்லாம். இப்போ அந்த அளவுக்கு பிடிக்கறது இல்லை.

ஆனால் ஒன்னு... எதுவா இருந்தாலும் கிடைக்கற வரைக்கும் தான் ஆசை, ஏக்கம் எல்லாம். கிடைத்து கொஞ்ச நாள் பழகிருசுன்னா எல்லாமே முதல்ல நினைச்ச அளவுக்கு பிடிக்காம போய் விடுகின்றன. இது என்னோட அனுபவம்.

ரொம்ப நல்லா எழுதியிருக்கீங்க பாலாஜி.

Anonymous said...

List-la mukkiyamaana onnu miss aaguthey. Adhukku ellaam Thamira maadhiri thehirium venumo ??!!

-Same side player , one more GoldBell

வெட்டிப்பயல் said...

//Maya said...
List-la mukkiyamaana onnu miss aaguthey. Adhukku ellaam Thamira maadhiri thehirium venumo ??!!

-Same side player , one more GoldBell
//

ha ha ha...

Innaiku varaikum Paati melayoa, Amma melayoa verupu varalai (varavum varathu). Athe maathiri Manaivi melayum varathunu nambaren.

summa vilaiyatuku sollalai. eppadiyum veetla ithaiyellam padika maataanga. oorla internet illai :)

அமர பாரதி said...

நல்லா இருக்கு வெட்டி. என்ன பிரச்சினைன்னா உடனே பதிவுலக சிங்கங்கள் இதே மாதிரி "சலித்துப் போனவை" "பெருத்துப் போனவை" ண்னு காப்பியடிச்சு தாளிச்சுடுவாங்க.

SurveySan said...

எனக்கு இன்னும் எதுவும் அலுக்கலை.
இப்பவும், ஃபீடா போய் டேக்-ஆஃப் ஆகரது த்ரில்லிங்காதான் இருக்கு.
அப்பப்ப, ஏர் பாக்கெட்ல மாட்டிக்கிட்டு தடக் தடக்னு விழரதும் த்ரில்லிங்க்.

டிவிக்கு நான் இன்னும் அடிமை தான்.
மத்த ஐட்டம்ஸுக்கும்.

சின்ன வயசுல நீங்க சொன்ன பல காட்சி எனக்கும் பொறுந்தும்.
எங்க தெருவுல என் ஃப்ரெண்டு வீட்ல தான் டிவியிருக்கும். ப்ளாக் அண்ட் வயிட் டிவில கலர் பேப்பர் ஒட்டி வச்சிருப்பான், வெளங்காம போரவன். ;)

சின்னப் பையன் said...

அமெரிக்காவிலிருந்தோ, தில்லியிலிருந்தோ சென்னை போகும்போது மட்டும் விமானம் ஜாலியா இருக்கும். ஏன்னா வீட்டுக்குப் போறோமே? திரும்ப வேலை பார்க்கும் இடத்துக்கு வரும்போது அதே பயணம் பயங்கர போர்தான்...

வெட்டிப்பயல் said...

//அமர பாரதி said...
நல்லா இருக்கு வெட்டி. என்ன பிரச்சினைன்னா உடனே பதிவுலக சிங்கங்கள் இதே மாதிரி "சலித்துப் போனவை" "பெருத்துப் போனவை" ண்னு காப்பியடிச்சு தாளிச்சுடுவாங்க.

//

Amarabharathi,
Ivvalavu kadumaiyana vaarthaigal thevai illaiye. Appadi intha pathivai padichitu avunga anubavathai ezhuthinalum ethuvum thappillaiye. Ithe pathivai yaaravathu copy, paste panna thaan thappu.

அமர பாரதி said...

எழுதும்போதே யோசித்தேன் வெட்டி. ஆனால் மனதில் பட்டதை எழுதினேன். இதில் சீரியஸ் ஆக என்ன இருக்கிறது? சீரியஸ் என்று நீங்கள் உணர்ந்தால் பின்னூட்டத்தை எடுத்து விடவும். நான் சொன்னது இன்னும் சில நாட்களுக்கு நன்றாக பொழுது போகும் என்ற அர்த்தத்தில்தான்.

யாத்ரீகன் said...

Blogger ?! :-)

வெட்டிப்பயல் said...

//அமர பாரதி said...
எழுதும்போதே யோசித்தேன் வெட்டி. ஆனால் மனதில் பட்டதை எழுதினேன். இதில் சீரியஸ் ஆக என்ன இருக்கிறது? சீரியஸ் என்று நீங்கள் உணர்ந்தால் பின்னூட்டத்தை எடுத்து விடவும். நான் சொன்னது இன்னும் சில நாட்களுக்கு நன்றாக பொழுது போகும் என்ற அர்த்தத்தில்தான்.

//

Pathivulaga Singangalnu sonnathu nakkala solliteengaloanu ninaichiten. oru smiley poatiruntha purinjirukum :)

Thats fine. neenga ethuvum thappana arthathala sollatha poathu athai remove panna vendiyathillai :)

வெட்டிப்பயல் said...

// ILA said...
இன்னும் டிவி மட்டும் அலுக்கலை. மீதி ரெண்டும் கடுப்புதான். எனக்கில்லே, நான் அதை உபயோகப்படுத்தும் சமயம்.. தங்கமணிக்கு

//
அண்ணே,
நீங்க ஃபோன் பேச ஆரம்பிச்சா, அண்ணி மட்டும் இல்லை எதிர் சைட்ல பேசறவங்களும் கொஞ்ச நேரத்துல கடுப்பு ஆகிடறாங்களாமே ;)

வெட்டிப்பயல் said...

//குடுகுடுப்பை said...
முத மூணும் எனக்கு கடுமையான வெறுப்பு, லாப்டாப் இல்லாட்டி நான் எப்படி கமெண்டுறது இப்போ.//

இதுக்கு மட்டும்னா PC இருந்தா கூட ஓகேனு தானே படும் ;)

வெட்டிப்பயல் said...

//Divyapriya said...
ohh no :(( me not the first :(

2:59 PM//

மூணாவதா வரதும் ஸ்பெஷல் தான் ;)

என் பதிவுல பின்னூட்டம் போட்டாலே ஸ்பெஷல் தான்...

வெட்டிப்பயல் said...

//Divyapriya said...
சூப்பர் பதிவுண்ணா....i think, இதுல இருக்கற ஒவ்வொரு வரியும் almost எல்லாருக்குமே applicable ஆ இருக்கும் :))

//

அப்படியா என்ன? எல்லாருமே இன்னும் வெறுத்திருக்க மாட்டாங்களே!

வெட்டிப்பயல் said...

//ILA said...
அப்புறம் பதிவுலகுல இப்போ இருக்குற கடுப்பு Me the First. ஆரம்பிச்சு வெச்ச மலேசியா மாரியாத்தாவ கொல்லனும்//

ஏன் இந்த கொல வெறி? உங்க பதிவுல யாரும் மீ த ஃபர்ஸ்ட் போட மாட்றாங்கனு உங்கலுக்கு பொறாமை :)))

வெட்டிப்பயல் said...

// Divyapriya said...
முழுக்க முழுக்க தூர்தர்ஷன் நினைவுகள பத்தி நீங்க ஒரு பதிவு போட்டா நல்லா இருக்கும்னு நினைக்கறேன் :)

3:05 PM//

போட்டுட்டா போச்சு. ஆனா அது என்னை விட எங்க தல கைப்ஸ் தான் பட்டையை கிளப்புவாரு. ஏற்கனவே அவர் பல பதிவுகளை இப்படி போட்டிருக்காரு :)

வெட்டிப்பயல் said...

// Sathia said...
அண்ணாத்தே, பாஸ்டன்னா கொஞ்சம் ஐரோப்பா வழியா ஒரு நிறுத்தம் போட்டு வர வாய்ப்பு இருக்கு. கொஞ்சம் ஆசுவாசப்படுத்திக்கலாம்( தொல்லைதான் பரவாயில்லை) ஆனா இங்க அட்லாண்டா வந்து பாருங்க மும்பை அட்லாண்டா ஒரே பேருந்து.. சீ.. ஆகாயப்பேருந்து பதினாறுமணிநேரம் ஒரே இருக்கைல உங்காந்து இருக்கணும். மண்டை காஞ்சு போயிடுவீங்க. தண்ணியடிக்கறவன் சரக்கடிச்சுட்டு மட்டையாயிடறான். நான் நொந்து இடியாப்பமாயிடறேன்.

3:58 PM//

அதுவும் கடுப்பு தான் தல. நடுவுல ஐரோப்பால இறங்கி அங்க நிறைய நேரம் வீணாகும். மறுபடியும் எல்லா செக்கிங்கும் பண்ணி, விமானம் தாமதமாகமல் வர வேண்டும். இப்படி பல க்ரைட்டீரியா இருக்கு.

நானும் ஏதாவது மொக்கை படத்தை பார்த்து நேரத்தை ஓட்டலாம்னு பார்த்தாலும் செம கடுப்பா இருக்கும். இதுக்கா இவ்வளவு ஆசைப்பட்டோம்னு இருக்கும் :)

வெட்டிப்பயல் said...

//நாகை சிவா said...
நச்!

பிளேன் + ஹெலி
//
இன்னும் ஹெலில நான் போனதில்லை. சௌந்தர்யா செத்ததுக்கு அப்பறம் ஹெலினா கொஞ்சம் டெர்ரர் தான் :)

//டிவி என்னிக்கு சீரியலும், மயூசிக் சேனலும் ஸ்டார்ட் ஆச்சோ அன்னிக்கே அது பிடுங்கல் ஆகிடுச்சு.
//
சேம் ப்ளட் :)

//
லேப்டாட் விட முடியல. சில சமயம் ஊருக்கு போகும் போது வச்சுட்டு போயிடுவது, சில சமயம் ஆபிஸ்லே விடுவதுனு சமாளிக்குறோம்.
//
கொஞ்ச நாள் போகட்டும். பார்க்கலாம் ;)

//கைப்பேசி - சுகமான சுமை போயிடுச்சு. வேற வழி இல்ல அனுபவிச்சு தான் ஆகனும்.//
இதுவும் கொஞ்ச நாள்ல மாறும் ;)

வெட்டிப்பயல் said...

ராசுக்குட்டி,
சூப்பர்...

//ஆனால் ஒன்னு... எதுவா இருந்தாலும் கிடைக்கற வரைக்கும் தான் ஆசை, ஏக்கம் எல்லாம். கிடைத்து கொஞ்ச நாள் பழகிருசுன்னா எல்லாமே முதல்ல நினைச்ச அளவுக்கு பிடிக்காம போய் விடுகின்றன. இது என்னோட அனுபவம்.
//
எனக்கும் தான். ஆனா ஐ பாட் எல்லாம் இன்னும் பிடிக்குது :)

வெட்டிப்பயல் said...

//SurveySan said...
எனக்கு இன்னும் எதுவும் அலுக்கலை.
இப்பவும், ஃபீடா போய் டேக்-ஆஃப் ஆகரது த்ரில்லிங்காதான் இருக்கு.
அப்பப்ப, ஏர் பாக்கெட்ல மாட்டிக்கிட்டு தடக் தடக்னு விழரதும் த்ரில்லிங்க்.
//
சூப்பர் சர்வேஸ். இந்த மாதிரி ஒரு சிலராவது இருக்கீங்களே!

//
டிவிக்கு நான் இன்னும் அடிமை தான்.
மத்த ஐட்டம்ஸுக்கும்.
//
உங்களை எல்லாம் தமிழ்நாட்ல கொண்டு போய் தினமும் சீரியல் பார்க்கவிடனும்.

//சின்ன வயசுல நீங்க சொன்ன பல காட்சி எனக்கும் பொறுந்தும்.
எங்க தெருவுல என் ஃப்ரெண்டு வீட்ல தான் டிவியிருக்கும். ப்ளாக் அண்ட் வயிட் டிவில கலர் பேப்பர் ஒட்டி வச்சிருப்பான், வெளங்காம போரவன். ;)//

சூப்பர்... உங்களை மாதிரியே இருப்பார் போல உங்க ஃபிரெண்ட் :)

வெட்டிப்பயல் said...

//ச்சின்னப் பையன் said...
அமெரிக்காவிலிருந்தோ, தில்லியிலிருந்தோ சென்னை போகும்போது மட்டும் விமானம் ஜாலியா இருக்கும். ஏன்னா வீட்டுக்குப் போறோமே? திரும்ப வேலை பார்க்கும் இடத்துக்கு வரும்போது அதே பயணம் பயங்கர போர்தான்.//

ச்சி.பை,
அது ஊருக்கு போறதுல இருக்கற சந்தோஷம் தானே தவிர, விமானப் பயணத்துல இல்லை ;)

இன்னும் ஏரோப்ளேன் பயணத்துக்காக ஏங்கறவங்க நிறைய பேர் இருக்காங்க. ஒரு தடவை ஏத்திவிட்டு இறக்கிட்டா சரி ஆகிடும் ;)

வெட்டிப்பயல் said...

// யாத்ரீகன் said...
Blogger ?! :-)//

இதுக்காக ஏங்கனதில்லை யாத்ரீகன். ஆனா நட்சத்திர வாரத்துக்கு அப்பறம் வெறுத்து போனது நிஜம் தான் :)

மறுபடியும் பிடிக்க ஆரம்பிச்சிடுச்சி ;)

முரளிகண்ணன் said...

என்னத்தச் சொல்ல?

இன்னும் பிளேன் ஏறல. லாப்டாப் பிரண்ட் உடையத தொட்டுப்பார்த்த தோட சரி

செல்லும்,டிவியும் இன்னும் அலுக்கல.

வேற்று கிரக மனிதரோட பதிவ படிச்ச மாதிரி இருக்கு

Kavinaya said...

laptop வேலை பாக்க வேணுமோ இல்லையோ, எழுதவும் படிக்கவும் வேணும்! மத்ததெல்லாம் போர்தான் :) நல்ல observation.

Balamurugan,S said...

பாலாஜி... பதிவுகள் எழுதவது வெறுத்துப் போகம இருந்த சரி தான்... உங்கள மாதிரி எழுதுற தமிழ் பதிவுகள் இல்லனா எனக்கு வலைஉலகமும் வெறுத்து போய் விடும் :)

வெட்டிப்பயல் said...

// முரளிகண்ணன் said...
என்னத்தச் சொல்ல?

இன்னும் பிளேன் ஏறல. லாப்டாப் பிரண்ட் உடையத தொட்டுப்பார்த்த தோட சரி

செல்லும்,டிவியும் இன்னும் அலுக்கல.

வேற்று கிரக மனிதரோட பதிவ படிச்ச மாதிரி இருக்கு//

ஹா ஹா ஹா...

டீவில விரும்பிய படம் பார்க்க பிடிக்கும். ஆனா கேபிள் டீவி பிடிக்கல.

இதெல்லாம் பழக்கமாக பழக்கமாக வெறுத்து போற விஷயங்கள். ஃபோன்ல வர கால் பொறுத்து மாறுபடும் ;)

இப்ப கூட உங்களுக்கு பின்னூட்டம் போட ஆரம்பிச்சி முடிக்கறதுக்குள்ள ஃபோன் வந்துடுச்சி. இருபது நிமிஷம் போச்சு :)

வெட்டிப்பயல் said...

//கவிநயா said...
laptop வேலை பாக்க வேணுமோ இல்லையோ, எழுதவும் படிக்கவும் வேணும்!//
சரி தான்... சில சமயம் படம் பார்க்கவும். ஆனா ஏனோ இது இல்லாமல் இருக்கற நேரம் சந்தோஷமா இருக்குற மாதிரி இருக்கு :)

//மத்ததெல்லாம் போர்தான் :) நல்ல observation.//
மிக்க நன்றி கவிநயா!

வெட்டிப்பயல் said...

//Balamurugan,S said...
பாலாஜி... பதிவுகள் எழுதவது வெறுத்துப் போகம இருந்த சரி தான்... உங்கள மாதிரி எழுதுற தமிழ் பதிவுகள் இல்லனா எனக்கு வலைஉலகமும் வெறுத்து போய் விடும் :)

//

பாலமுருகன். இன்னும் கொஞ்ச நாளைல இதுவும் வெறுத்துப் போகலாம் :)

ஆனா இப்ப இல்லை.

உங்கப் பின்னூட்டத்துக்கு மிக்க நன்றி பாஸ் :)

ஆயில்யன் said...

//வீட்ல இருக்கும் போது சத்தம் கேட்டுச்சுனா மொட்டை மாடிக்கு ஓடிப்போய் வேடிக்கைப் பார்ப்போம். அப்ப எங்க எல்லாரோட லட்சியமும் ஒரு தடவையாவது ஏரோப்ளேன்ல போகனும்னு தான்.//
மீ டூ ஸேம் பீலிங்க

சூப்பரா இருக்கு :)))

ஆ! இதழ்கள் said...

ஏரோப்ளேன் பயணம்:

இதில் எனக்கு வெறுப்பு, 3 மணிநேரம் செக் இன் செய்து விட்டு அமர்ந்திருப்பது தான், அதுவும் கனெக்டிங் ஃப்ளைட் என்றால் வெறுப்போ வெறுப்பு.

செல்போன் வேணும் ஆனா வேணாம்.

மற்ற இரண்டும் வேலையில் இருந்து சிறிது ரிலேக்ஸ் பண்ண.

நல்ல பதிவு

ஜ்யோவ்ராம் சுந்தர் said...

நீங்க எழுதின மாதிரியேதான் ஏரோப்ளேன், செல்ஃபோன், டீவியெல்லாம் ஏக்கமா இருந்துச்சு முதல்ல - இப்ப வெறுத்துப் போச்சு. ஆனாலும் லேப்டாப் வெறுக்கல :)

நல்லா எழுதியிருக்கீங்க வெட்டிப்பயல்.

SK said...

நல்லா இருக்கு பாஸ்

Random Thoughts said...

Hello,
Nice blog !! Appuram chocolates, ice cream, biscuit (especially cream biscuit) ku ellam kooda craze irundhadhu.

Eppo office la Good day biscuit freeya vachano, anilarndhu thodardhu kedaydhu :)

Anonymous said...

tv,mobile,laptop¡ than wifekum villan.naanga cell jammer pathi yosikirom..

Karthik said...

எனக்கு இன்னும் மூணுமே அலுக்கலை. ஏன்னா,

1. நான் இன்னும் ப்ளைட்ல ஏறவே இல்லை.

2. இங்கே ஹாஸ்டல்ல டி.வி இல்லை.

3. என்கிட்ட லேப்டாப் இல்லை. என் ரூம் மேட் லேப்டாப்பை அதிகமா யூஸ் பண்ணுவது நான் தான்.

:))

Karthik said...

//ப‌க்க‌த்துல‌ உட்கார்ந்திருக்க‌ற‌ ம‌னித‌ர்க‌ளின் இறுகிய‌ முக‌ம் தான்

'உன்னாலே உன்னாலே' மாதிரி பக்கத்துல ஒருத்தர் கன்னா பின்னானு பேசிக்கிட்டே வரமாட்டாங்களா?? ;)

மொக்கை படம் போடுவாங்களே? அதை பார்க்கலாம். ;)

நாமக்கல் சிபி said...

எனக்கென்னவோ செல்ஃபோன்தான் வெறுப்பா இருக்கு!

லீவு போட்டுட்டு ஊருக்கு போனாக் கூட கஸ்டமர் கால் வருது!

அதுக்காகவே பல நேரம் ஆஃப் பண்னி வைக்கிறேன் லீவு நாட்களில்!

கார்த்தி said...

Aeroplane veruthu thaan poiduchu,,, aaana TV (Thanks to ESPN, STAR SPORTS) innum avalava verukala.... Laptop veruthaalum athu illama irukka mudiala... Even Desktop's same ... veruthaalum athu illama irukka mudiala

Cellphone eppavum nammaloda list'la last thaan (Pinna Call vantha thaaaney atha use panna viruppam irukkum)

மருதநாயகம் said...

பலர் வாழ்க்கையே வெறுத்து போய் இர்க்காங்க, இஹுக்கெல்லாம் ஃபீல் பண்ணா எப்படி?

மங்களூர் சிவா said...

/
இன்னும் ஏரோப்ளேன் பயணத்துக்காக ஏங்கறவங்க நிறைய பேர் இருக்காங்க. ஒரு தடவை ஏத்திவிட்டு இறக்கிட்டா சரி ஆகிடும் ;)
/

ம் இப்படி எதும் ஆகக்கூடாதுன்னுதான் பாஸ்ப்போர்ட் எக்ஸ்பைரி ஆனதும் ரினியூ பண்ணலை.

லோக்கல்லயும் விமானத்துல போற ஐடியா இல்லை

லேப்டாப் சொந்தமா இல்லை எப்பவாச்சும் கரண்ட் கட்டாச்சுண்ணா எங்க வீட்டம்மணி லேப்டாப்ல கேம்ஸ் விளையாடுவேன் அதோட சரி (அதுதான் கரண்ட் இல்லைனாலும் 2 மணி நேரம் வர்க் ஆகுமே)

மொபைல் வேற வழி இல்லை சொமாந்துதான் ஆகணும் :((

டிவியும் அப்படித்தான் வெறுத்துப்போனாலும் விட முடியாதுன்னு நினைக்கிறேன். :((

Felix Raj said...

antha antena thirupura visayam ennalum maraka mudiyavillai,

G.Ragavan said...

// ஒரு வேளை ரெண்டு ம‌ணி நேர‌ம், மூணு ப‌ணி நேர‌ம் ப‌ய‌ண‌மாக‌ இருந்திருந்தால் பிடித்திருக்கும் போல‌. சின்ன‌ வ‌யசுல‌ ஏங்கி இன்று பிடிக்காம‌ல் போன‌ லிஸ்ட்ல முக்கியமான‌ இட‌த்துல‌ இது தான். //

அதே அதே.... முதல்லயே நீளமான பயணம். வெளிய எதும் பாக்க முடியாது. பகல்னா வெறும் மேகம். ராத்திரின்னா இருட்டு.

நான் மொதல்ல போனது பெங்களூருல இருந்து டெல்லிக்கு. ஆப்பீஸ் வேலையாத்தான். ஜெட் ஏர்வேஸ். கிட்டத்தட்ட மூனு மணி நேரம். நல்லா சொகமா அனுபவிச்சேன். இப்பல்லாம் ஏரோப்பிளேன் கெளம்புனதும் தூக்கம் வந்துருது.

ஒரு வாட்டி நண்பர்கள்ளாம் சேந்து பெங்களூர்ல இருந்து கேரளத்துக்கு டூர் போனோம். ராத்திரி பஸ். வண்டி பெங்களூர விட்டு வெளியேறுனதும்...நான் தூங்கீட்டேன். நடுவுல எங்கயோ டீக்கு நிப்பாட்டினாங்க. பக்கத்துல இருந்த வங்காள நண்பன்.. கொட்டக்கொட்ட முழிச்சிக்கிட்டிருந்தான். ஏன்டா தூங்க வேண்டியதுதானேன்னு கேட்டா... ஓடுற பஸ்ல எப்பிடித் தூங்குறதுன்னு கேக்குறான். நம்ம தூத்துடி-சென்னை, தூத்துடி-பெங்களூர், கோயில்பட்டி-சென்னை, கோயில்பட்டி-பெங்களூர்னு எவ்ளோ பயணிச்சிருப்போம். அந்த அனுபவம் கொல்கொத்தாவுலயே பொறந்து வளர்ந்து படிச்சி பெங்களூருக்கு வேலைக்கு வந்த அவனுக்கு இல்லாமப் போச்சே!

Anonymous said...

hi,
i came across ur interesting blog in tamilish.so,started reading ur old posts.i was happy to know that u r from st.josephs,cuddalore.i read ur hostel life.kan munne tortoise vathi suthuchu!appuram intha "mallatai"chutney. rev.ratchagar was the principal when i studied too!. i enjoyed thoroughly.i am a pediatric cardiologist working in kuwait.hope to read more from u!

G.Ragavan said...

// நான் அஞ்சாவது படிச்சிட்டு இருந்தேன். அப்பவே நக்கலு, திமிரு எல்லாம் இருந்தது ;) //

இப்பயும் அதெல்லாம் இருக்குறதா அமெரிக்காவுல மாநாடு போட்டுச் சொன்னாங்களாமே! :D

எங்க வீட்டுலயும் டீவி இல்லாமத்தான் இருந்துச்சு. பக்கத்து வீட்டுக்கு அடிக்கடி இதுக்காகவே போறோம்னு வீட்டுல வேற வழியில்லாம டீவி வாங்குனாங்க. நான் ஒழுங்காப் படிக்காம டீவி பாக்குறேன்னு எங்கப்பா பூஸ்டரக் கழட்டி வெச்சிருவாரு. எனக்கு ஒரு வீராப்பு உண்டு. இந்த மாதிரி ஏதாச்சும் செஞ்சா ... அதுக்கு எதிராவே செய்வேன். பூஸ்டரைக் கழட்டீட்டா டீவிதான பாக்க முடியாது. படிக்கனும்னு அவசியமில்லையே. :-) ஒழுங்கா அரமணி நேரம் டீவி பாக்க விட்டிருந்தா கூடக் கொஞ்ச நேரம் படிச்சிருப்பேன். :-)

வெட்டிப்பயல் said...

//ஆயில்யன் said...
//வீட்ல இருக்கும் போது சத்தம் கேட்டுச்சுனா மொட்டை மாடிக்கு ஓடிப்போய் வேடிக்கைப் பார்ப்போம். அப்ப எங்க எல்லாரோட லட்சியமும் ஒரு தடவையாவது ஏரோப்ளேன்ல போகனும்னு தான்.//
மீ டூ ஸேம் பீலிங்க

சூப்பரா இருக்கு :)))//

நன்றி ஆயில்ஸ் :)

வெட்டிப்பயல் said...

//ஆ! இதழ்கள் said...
ஏரோப்ளேன் பயணம்:

இதில் எனக்கு வெறுப்பு, 3 மணிநேரம் செக் இன் செய்து விட்டு அமர்ந்திருப்பது தான், அதுவும் கனெக்டிங் ஃப்ளைட் என்றால் வெறுப்போ வெறுப்பு.

செல்போன் வேணும் ஆனா வேணாம்.

மற்ற இரண்டும் வேலையில் இருந்து சிறிது ரிலேக்ஸ் பண்ண.

நல்ல பதிவு//

மிக்க நன்றி ஆ இதழ்கள்!

இந்த முறை என்னோட ஐட்டினரி
1. சென்னை - பெங்களூர்
2. பெங்களூர் - ப்ரசல்ஸ்
3. ப்ரசல்ஸ் - நியூ யார்க்
4. நியூ யார்க் - பாஸ்டன்

இதுல அப்ப அப்ப லக்கேஜ் வேற எடுத்து மாத்தனும். ப்ரசல்ஸ்ல மாறிடுச்சானு கன்ஃபர்ம் பண்ணனும். கொடுமைடா சாமினு ஆகி போச்சு.

லேப் டாப்பும், செல் ஃபோனும் வெறுத்து போனதுக்கு காரணம் வேலை :)

வெட்டிப்பயல் said...

//ஜ்யோவ்ராம் சுந்தர் said...
நீங்க எழுதின மாதிரியேதான் ஏரோப்ளேன், செல்ஃபோன், டீவியெல்லாம் ஏக்கமா இருந்துச்சு முதல்ல - இப்ப வெறுத்துப் போச்சு. ஆனாலும் லேப்டாப் வெறுக்கல :)

நல்லா எழுதியிருக்கீங்க வெட்டிப்பயல்.

//

வாங்க வாங்க.
முதல் முறையா நம்ம பக்கம் வந்திருக்கீங்க போல.

மிக்க மகிழ்ச்சி & நன்றி :)

சனி, ஞாயிறு வீட்ல இருந்து கனெக்ட் பண்ணி வேலை பாருங்கனு லேப் டாப் கொடுத்தா வெறுத்து போயிடுவீங்கனு நினைக்கிறேன் ;)

வெட்டிப்பயல் said...

//keerthi said...
நல்லா இருக்கு பாஸ்//

மிக்க நன்றி கீர்த்தி :)

வெட்டிப்பயல் said...

// Random Thoughts said...
Hello,
Nice blog !! Appuram chocolates, ice cream, biscuit (especially cream biscuit) ku ellam kooda craze irundhadhu.
//
இப்பவும் நான் சாக்லேட், ஐஸ்கிரீம் எல்லாம் விரும்பி சாப்பிடுவேனே :)

//
Eppo office la Good day biscuit freeya vachano, anilarndhu thodardhu kedaydhu :)

6:07 AM//
எங்க ஆபிஸ்ல எல்லாம் எதுவுமே ஃபிரி இல்லை. கேவலமா காபி இருக்கும். அதை குடிக்கறதுக்கு பேசாம தண்ணி குடிச்சிடலாம் :)

வெட்டிப்பயல் said...

// Anonymous said...
tv,mobile,laptop¡ than wifekum villan.naanga cell jammer pathi yosikirom..//

ஹி ஹி ஹி...

வீட்ல இருக்கும் போது நான் லேப் டாப் எடுத்துட்டு உட்கார்ந்த கொலை வெறில தான் பார்ப்பாங்க :)

Anonymous said...

Nice one Vetti.

Cell phone ellam enakku veruthu poga karanam mathavanga romba use senchathu thaan. Naan hostel'la irunthapo en roommate pesina pechu thaan...vidiya vidya pechu nadanthute irukkum.. velilayum poi pesa maatanga.. enakku udambu sari illama irukkum pothum athe kathai..:( Onnu solla maranthuten avigha Aircel'la work senchanga..innoru roommate Airtel :)

Antenna thiruparathu chance'e illa..ellorum senchu irukkom.

Aeroplane..he he innum naan parpen. :) Officela irunthu trainla varum pothu Newark airport'la land seyvatharkaga keela varum..enna flight varuthunu parpathil oru aarvam.

வெட்டிப்பயல் said...

// Karthik said...
எனக்கு இன்னும் மூணுமே அலுக்கலை. ஏன்னா,

1. நான் இன்னும் ப்ளைட்ல ஏறவே இல்லை.

2. இங்கே ஹாஸ்டல்ல டி.வி இல்லை.

3. என்கிட்ட லேப்டாப் இல்லை. என் ரூம் மேட் லேப்டாப்பை அதிகமா யூஸ் பண்ணுவது நான் தான்.

:))//

காலேஜ் படிக்கும் போது எல்லாம் இது தெரியாதுப்பா.. ஃபீல்டுக்கு வந்து ஒரு அஞ்சு ஆறு வருஷமான தெரியும் :)

வெட்டிப்பயல் said...

//Karthik said...
//ப‌க்க‌த்துல‌ உட்கார்ந்திருக்க‌ற‌ ம‌னித‌ர்க‌ளின் இறுகிய‌ முக‌ம் தான்

'உன்னாலே உன்னாலே' மாதிரி பக்கத்துல ஒருத்தர் கன்னா பின்னானு பேசிக்கிட்டே வரமாட்டாங்களா?? ;)
//
அப்படி வந்தா அது இந்த லிஸ்ட்ல வருமா?

//
மொக்கை படம் போடுவாங்களே? அதை பார்க்கலாம். ;)//
அதெல்லாம் பார்க்கற மாதிரி இருக்காதுப்பா. கொஞ்ச நேரத்துல போர் அடிக்க ஆரம்பிச்சிடும் :)

வெட்டிப்பயல் said...

//நாமக்கல் சிபி said...
எனக்கென்னவோ செல்ஃபோன்தான் வெறுப்பா இருக்கு!

லீவு போட்டுட்டு ஊருக்கு போனாக் கூட கஸ்டமர் கால் வருது!

அதுக்காகவே பல நேரம் ஆஃப் பண்னி வைக்கிறேன் லீவு நாட்களில்!//

சேம் ப்ளட்டா தள...

இந்த வீக் எண்ட் கால் தான் தொல்லை :)

வெட்டிப்பயல் said...

// கார்த்தி said...
Aeroplane veruthu thaan poiduchu,,, aaana TV (Thanks to ESPN, STAR SPORTS) innum avalava verukala.... Laptop veruthaalum athu illama irukka mudiala... Even Desktop's same ... veruthaalum athu illama irukka mudiala
//
வீட்ல இருந்தா நம்மல இந்த சேனல் எல்லாம் பாக்க விடமாட்டாங்க...

//
Cellphone eppavum nammaloda list'la last thaan (Pinna Call vantha thaaaney atha use panna viruppam irukkum)//

அப்படி இருந்தாலும் அது தேவையில்லைனு இருக்கற பட்டியல்ல வந்துடுமே :)

வெட்டிப்பயல் said...

//மருதநாயகம் said...
பலர் வாழ்க்கையே வெறுத்து போய் இர்க்காங்க, இஹுக்கெல்லாம் ஃபீல் பண்ணா எப்படி?//

ஆஹா...
இப்படி சொல்லிப்புட்டீங்களே :)

வெட்டிப்பயல் said...

//மங்களூர் சிவா said...
/
இன்னும் ஏரோப்ளேன் பயணத்துக்காக ஏங்கறவங்க நிறைய பேர் இருக்காங்க. ஒரு தடவை ஏத்திவிட்டு இறக்கிட்டா சரி ஆகிடும் ;)
/

ம் இப்படி எதும் ஆகக்கூடாதுன்னுதான் பாஸ்ப்போர்ட் எக்ஸ்பைரி ஆனதும் ரினியூ பண்ணலை.

லோக்கல்லயும் விமானத்துல போற ஐடியா இல்லை

லேப்டாப் சொந்தமா இல்லை எப்பவாச்சும் கரண்ட் கட்டாச்சுண்ணா எங்க வீட்டம்மணி லேப்டாப்ல கேம்ஸ் விளையாடுவேன் அதோட சரி (அதுதான் கரண்ட் இல்லைனாலும் 2 மணி நேரம் வர்க் ஆகுமே)

மொபைல் வேற வழி இல்லை சொமாந்துதான் ஆகணும் :((

டிவியும் அப்படித்தான் வெறுத்துப்போனாலும் விட முடியாதுன்னு நினைக்கிறேன். :((

2:03 PM//

ஏன் சிவா... ஜெர்மனி போகற ஐடியா எல்லாம் இல்லையா? ;)

செல் ஃபோன் வெறுக்கற நிலைமைக்கு அதுக்குள்ள வந்துட்டீங்களா :))

வெட்டிப்பயல் said...

// Felix Raj said...
antha antena thirupura visayam ennalum maraka mudiyavillai,

4:17 PM//

வாவ் சூப்பர்...

வெட்டிப்பயல் said...

//ஒரு வாட்டி நண்பர்கள்ளாம் சேந்து பெங்களூர்ல இருந்து கேரளத்துக்கு டூர் போனோம். ராத்திரி பஸ். வண்டி பெங்களூர விட்டு வெளியேறுனதும்...நான் தூங்கீட்டேன். நடுவுல எங்கயோ டீக்கு நிப்பாட்டினாங்க. பக்கத்துல இருந்த வங்காள நண்பன்.. கொட்டக்கொட்ட முழிச்சிக்கிட்டிருந்தான். ஏன்டா தூங்க வேண்டியதுதானேன்னு கேட்டா... ஓடுற பஸ்ல எப்பிடித் தூங்குறதுன்னு கேக்குறான். நம்ம தூத்துடி-சென்னை, தூத்துடி-பெங்களூர், கோயில்பட்டி-சென்னை, கோயில்பட்டி-பெங்களூர்னு எவ்ளோ பயணிச்சிருப்போம். அந்த அனுபவம் கொல்கொத்தாவுலயே பொறந்து வளர்ந்து படிச்சி பெங்களூருக்கு வேலைக்கு வந்த அவனுக்கு இல்லாமப் போச்சே!//

ஓ நோ!!!

நமக்கு பஸ் பயணம்னா ரொம்ப பிடிக்கும்.

வெட்டிப்பயல் said...

// Dr.Senthilkumar said...
hi,
i came across ur interesting blog in tamilish.so,started reading ur old posts.i was happy to know that u r from st.josephs,cuddalore.i read ur hostel life.kan munne tortoise vathi suthuchu!appuram intha "mallatai"chutney. rev.ratchagar was the principal when i studied too!. i enjoyed thoroughly.i am a pediatric cardiologist working in kuwait.hope to read more from u!//

மிக்க நன்றி சீனியர்.

நிச்சயம் தொடர்ந்து எழுதறேன். நீங்களும் தொடர்ந்து வரவும்.

வெட்டிப்பயல் said...

//G.Ragavan said...
// நான் அஞ்சாவது படிச்சிட்டு இருந்தேன். அப்பவே நக்கலு, திமிரு எல்லாம் இருந்தது ;) //

இப்பயும் அதெல்லாம் இருக்குறதா அமெரிக்காவுல மாநாடு போட்டுச் சொன்னாங்களாமே! :D
//
நோ சான்ஸ்... இப்பவெல்லாம் அடக்கமா இருக்கோம் :)

//எங்க வீட்டுலயும் டீவி இல்லாமத்தான் இருந்துச்சு. பக்கத்து வீட்டுக்கு அடிக்கடி இதுக்காகவே போறோம்னு வீட்டுல வேற வழியில்லாம டீவி வாங்குனாங்க. நான் ஒழுங்காப் படிக்காம டீவி பாக்குறேன்னு எங்கப்பா பூஸ்டரக் கழட்டி வெச்சிருவாரு. எனக்கு ஒரு வீராப்பு உண்டு. இந்த மாதிரி ஏதாச்சும் செஞ்சா ... அதுக்கு எதிராவே செய்வேன். பூஸ்டரைக் கழட்டீட்டா டீவிதான பாக்க முடியாது. படிக்கனும்னு அவசியமில்லையே. :-) ஒழுங்கா அரமணி நேரம் டீவி பாக்க விட்டிருந்தா கூடக் கொஞ்ச நேரம் படிச்சிருப்பேன். :-)

//

அப்பவே ரவுடிசம் பண்ணிருக்கீங்க :)

வெட்டிப்பயல் said...

// J said...
Nice one Vetti.

Cell phone ellam enakku veruthu poga karanam mathavanga romba use senchathu thaan. Naan hostel'la irunthapo en roommate pesina pechu thaan...vidiya vidya pechu nadanthute irukkum.. velilayum poi pesa maatanga.. enakku udambu sari illama irukkum pothum athe kathai..:( Onnu solla maranthuten avigha Aircel'la work senchanga..innoru roommate Airtel :)
//
ஓ.. அடத்தவங்க பேசனதுல நீங்க வெறுத்துட்டீங்களாக்கா. நான் எனக்கு வந்த கால்ல தான் வெறுத்து போனேன் :)

//Antenna thiruparathu chance'e illa..ellorum senchu irukkom.
//
கோவைலயும் அப்படித்தானா?

//Aeroplane..he he innum naan parpen. :) Officela irunthu trainla varum pothu Newark airport'la land seyvatharkaga keela varum..enna flight varuthunu parpathil oru aarvam.//

இப்பவும் நான் பார்ப்பேன். ஆனா போற ஆசை தான் போயிடுச்சி :)

ஆ! இதழ்கள் said...

இந்த முறை என்னோட ஐட்டினரி
1. சென்னை - பெங்களூர்
2. பெங்களூர் - ப்ரசல்ஸ்
3. ப்ரசல்ஸ் - நியூ யார்க்
4. நியூ யார்க் - பாஸ்டன்//

Bostonல ஆம்புலன்ஸ்க்கு முதல்லயே சொல்லி வச்சுருவீங்களா? :P

Anonymous said...

. அருமை பாலாஜி !! இது மாதிரி , நாம் வெறுத்த சில விசயங்களை , இப்போது நினைத்து ஏங்குவது உண்டே - ஸ்கூல் , டியூஷன், தினமும் வீட்டுல செய்யுற இட்லி , தோசை ,etc etc [எனக்கு இது எல்லாம் பொருந்தும்] .இது மாதிரி உங்களுக்கு சின்ன வயசுல வெறுத்து போன ,பட் இப்போ ஏங்குற சில விசயங்கள கூட ஒரு blog ஆ போடலாமே ..

வெட்டிப்பயல் said...

//ஆ! இதழ்கள் said...
இந்த முறை என்னோட ஐட்டினரி
1. சென்னை - பெங்களூர்
2. பெங்களூர் - ப்ரசல்ஸ்
3. ப்ரசல்ஸ் - நியூ யார்க்
4. நியூ யார்க் - பாஸ்டன்//

Bostonல ஆம்புலன்ஸ்க்கு முதல்லயே சொல்லி வச்சுருவீங்களா? :P//

அவ்வ்வ்வ்

ஜனவரி முதல் வார இறுதில எப்படியாவது போய் சேரணும்னு சொல்லிட்டானுங்க. ஒரு வாரம் போராடி இந்த ஐட்டனரி கிடைச்சது :(

நான் சொந்த செலவுல போகும் போது கூட இப்படி கஷ்டப்பட்டது இல்லை :)

வெட்டிப்பயல் said...

// harz said...
. அருமை பாலாஜி !! இது மாதிரி , நாம் வெறுத்த சில விசயங்களை , இப்போது நினைத்து ஏங்குவது உண்டே - ஸ்கூல் , டியூஷன், தினமும் வீட்டுல செய்யுற இட்லி , தோசை ,etc etc [எனக்கு இது எல்லாம் பொருந்தும்] .இது மாதிரி உங்களுக்கு சின்ன வயசுல வெறுத்து போன ,பட் இப்போ ஏங்குற சில விசயங்கள கூட ஒரு blog ஆ போடலாமே ..//

Harz,
கலக்கலோ கலக்கல். இதை தான் மாத்தி யோசினு சொல்றது.

இதை அடுத்து நிச்சயம் போட்டுடலாம் :)

sriram said...

ஹாய் வெட்டி
முதல் மூன்றும் எனக்கும் வெருத்துப்போய்விட்டது. அதிலும் Airplane & Cellphone பற்றி படிக்கும்போது எனது எண்ண ஓட்டம் போலவே இருந்தது, எனக்கு இன்னும் Laptop அலுக்க வில்லை. நான்Software ல் இல்லாதது காரணமாக இருக்கலாம்.
இப்பொழுதும் Boston ல யா வாசம்? முடிந்தால் 781 363 9168 ல் அழைக்கவும்.
என்றும் அன்புடன்
ஸ்ரீராம்

தமிழினி..... said...

கம்பெனி ல கொடுக்குற டோஷிபா லேப்டாப் பத்தி நீங்க ஒரு பதிவே தனியா வெளியிடனும் வெட்டியண்ணே..... :)

வாழவந்தான் said...

உங்க லிஸ்ட்ல பஸ்ட்டு அயிட்டம் இன்னும் போனதில்லை. 2,3 மாற்று கருத்தே இல்லை. 4 இப்பதான் எண்டரி கொடுத்திருக்கு(அதே பிராண்டு).
எல்லாமே அக்கரை பச்சை!

SUFFIX said...

ரசிச்சேன் இதை நான் நல்லா எழுதினதை நீங்க‌....(என்ன புரிகிறதா DD புகழ் ஜுனூன் தமிழ்)