கோழியின் அட்டகாசங்கள் - 6!!!

மக்களே மீண்டும் உங்களுக்காக கோழியின் அட்டகாசங்கள்...

"டேய் மச்சானுக்கு ஆன்சைட் வந்துடுச்சுடா அடுத்த மாசம் கெளம்பறான்" இது OP

"வாவ்!!! கங்கராட்ஸ்டா மச்சான்..."

"பாலாஜி, அதனால கோழி இப்பல இருந்து டயட்ல இருக்கான்..."

"ஏன்டா அதுக்கும் இதுக்கும் என்னடா சம்பந்தம்?"

"அது ஒண்ணுமில்லை... அமெரிக்கா போகும் போது 64 கிலோ வெயிட்ட எடுத்துட்ட்டு போகலாம்னு மச்சான் சொன்னான். அதனால இன்னும் 6 கிலோ குறைச்சிட்டா மச்சான் கூட அமெரிக்கால போயி வேலை தேடலாம்னுதான்..."

"டேய் கோழி உண்மையாடா???"

"ஆமான்டா பாலாஜி... எனக்கும் இங்க போர் அடிக்குது... பேசாம அமெரிக்கா போயிடலாம்னு இருக்கேன்... "

"டேய் கோழி, அது பெட்டி படுக்கைக்கு தான்டா... ஆளுங்களை எல்லாம் கூப்பிட்டு போக முடியாது. அப்படியே இருந்தாலும் மச்சான் எதாவது ஃபிகரை பிக்கப் பண்ணிட்டு கூப்பிட்டு போகமா உன்னைய கூப்பிட்டு போவானா?"

"டேய் நெஜமாவாடா??? இது தெரியாம ஊர்ல இருந்து வண்டிக்கூட அனுப்ப சொல்லிட்டேன்", இது கோழி

"என்னடா சொல்ற?"

"ஆமாண்டா ஊர்ல நம்ம ஸ்பெலண்டர் சும்மாதான் இருக்கு... அங்க போனா யூஸ் ஆகுமில்ல... அங்க பஸ் எல்லாம் காஸ்ட்லியா இருந்தா என்ன பண்றதுனு?"

"சரிடா இந்த வண்டிய எப்படிடா அங்க எடுத்துட்டு போய் ஓட்டுவ?"

"ஏன்டா நான் என்ன லூசா?
நம்பர் பேட்ல இருக்கற "TN" க்கு பதிலா வண்டில "US"னு எழுதிட்டா போச்சு... போலிஸ் எப்படி கண்டுபிடிப்பாங்க?"

ஆஹா ஆரம்பிச்சிட்டான்யா...

கோழியின் அட்டகாசகங்கள் - 5

இதுவரை நான் கோழி செய்ததாக சொன்னதில் 2-3 தான் உண்மை. மத்ததெல்லாம் கோழி செய்தான்னு OPதான் கதை கட்டிவிட்டது. ஆனால் எல்லோரும் அது உண்மைனு நம்பிடுவாங்க. கோழியும் எதுவும் பெருசா கண்டுக்கமாட்டான். அவர்களுக்குள் அப்படி ஒரு நட்பு...

கோழி பெங்களூர் வந்த புதிதில், எங்கள் நண்பர்களுள் ஒருவன் சொன்னது இன்னும் என் நினைவில் இருக்கிறது.
"டேய் கோழி பெங்களூர் சுத்தி பார்க்க வந்திருக்கான். 1 மாசத்துல கிளம்பிடுவான். ஒழுங்கா அவனுக்கு எல்லா இடத்தையும் சுத்திக் காட்டுங்க"

ஆனால் ரூம்ல ஒவ்வொருவருக்கா வேலை கிடைக்க ஆரம்பித்தது. அதுவரைக்கும் விளையாட்டுப் பையனா நான் பார்த்த கோழி தீவிரமா படிக்க ஆரம்பிச்சான். சின்ன சின்ன டவுட்னாக்கூட கூச்சப்படாமக் கேட்டு தெரிஞ்சிக்கிட்டான்.

நான் தூங்கும் போதும் படிச்சிட்டுதான் இருப்பான், நான் எழுந்திரிக்கும் போதும் படிச்சிக்கிட்டு தான் இருப்பான். (நான் அப்போழுது வேலையில் சேர்ந்துவிட்டேன்). அவனுக்கு எது தேவையோ அதை மட்டும் படிச்சான். முதல்ல 4-5 கம்பெனி இண்டர்வியுவில ஊத்திக்கிச்சி... ஆனால் அதுல அவன் இண்டர்வியு போனதே எங்களுக்கு எல்லாம் ஆச்சரியம்.

கடைசியா அவனுக்கு ஒரு பெரிய MNCல வேலை கிடைச்சிது. கோழிக்கு வேலை கிடைச்சது எங்க பசங்க எல்லோருக்கும் நம்பிக்கையை கொடுத்தது. அதற்கு பிறகு ஊர்ல இருந்து வந்து வேலை வாங்கனவங்க நிறையப் பேர். அவர்களுக்கு கோழியும் சில சமயம் சொல்லி கொடுப்பான். எனக்கு ரொம்ப ஆச்சரியமாக இருந்தது.

அவனுக்கு லக்குல வேலை கிடைச்சதுன சொல்றவங்களும் இருக்காங்க... ஆனால் கூட இருந்து பாத்தவன் நான். அவனுடைய உழைப்பும், விடாமுயற்சியுமே அவனுக்கு வேலை வாங்கி கொடுத்தது...
இப்ப பிரமோஷன் எல்லாம் வாங்கி... மற்றவர்களை இண்டர்வியு செய்யும் நிலையில் அவன் இருக்கிறான்...

என்னை பொருத்தவரை கோழி ஒரு கதாநாயகன்!!!

கோழியின் அட்டகாசங்கள் - 4

ஒரு வழியாக டிகிரி முடிச்சி கோழி பெங்களூர் வந்து சேர்ந்தான்.

கோழியும், OPயும் பிரௌசிங் சென்டர் சென்று வந்தார்கள்.

OP: டேய், இன்னைக்கு பிரௌசிங் சென்டர்ல கோழி என்ன பண்ணான் தெரியுமா???

நான்: என்ன பண்ணான்?

கோழி: டேய் அதெல்லாம் ஒன்னும் இல்லை... இவன் கதைவிடறான்.

OP: இல்லை இல்லை உண்மைதான். கோழி தனியா ஒரு கேபின்ல உட்கார்ந்து பிரௌசிங் பண்ணிட்டு இருந்தான். சரி தனியா என்ன பண்றான்னு எட்டிப் பார்த்த CD-ROMஓட உள்ளே, வெளியே விளையாடிட்டு இருந்தான். டேய் கோழி என்னடா பண்றனு கேட்டேன். அதுக்கு "Click here to get a free DVD"னு ஒரு லிங் இருந்துச்சி, அதை கிளிக் பண்ணிட்டு DVD வரும்னு CD - ROMல செக் பண்ணிட்டு இருந்தான்.

கோழி: டேய் அதெல்லாம் ஒண்ணும் இல்லை. ஏண்டா DVD போய் CD - ROMல வருமா??? DVD ROMஆ இருந்தா வந்திருக்கும்.

OP: கேளுடா!!! DVD ROMஆ இருந்தா வந்திருக்குமாம் :-)... இதை சொல்லிதான் நான் அவனை சமாதானப்படுத்திக் கூப்பிட்டு வந்தேன்....

ஒரு வாரத்திற்குள் கோழி C படிக்க ஆரம்பித்துவிட்டான்.

Swap two numbers... இதை கோழிக்கு OP சொல்லி கொடுத்துக் கொண்டிருந்தான்.

OP: a, b, c மூணு வேரியபுல்ஸ் (Variables)
இப்ப என்ன பண்ணனுமா a ல இருக்கற வேல்யூ b க்கு வரணும். ஒகே வா?

கோழி: ஹிம்... ஓகே

OP:
இது தான் லாஜிக்.
c=a;
a=b;
b=c;
புரியுதா???

கோழி திருதிருன்னு முழிச்சிட்டு இருந்ததை பார்த்த இருமி சொல்லிக் கொடுக்க ஆரம்பிச்சான்.

இருமி: டேய் கோழி, உன் 2 கையை நீட்டு.

கோழி கையை நீட்டினான்.

இருமி ரெண்டு கையிலும் 2 பந்தை கொடுத்து...

இருமி: இப்ப இந்த கைல இருக்கிற பந்து அந்த கைக்கு வரணும்... அந்த கைல இருக்கிற பந்து இந்த கைக்கு வரணும். எப்படி மாத்துவ?

கோழி: அப்படியே மாத்திக்க வேண்டியதுதான்... (கோழி ரெண்டு கைல இருக்கற பந்தையும் அப்படியே மாத்திக்கிட்டான்)

இருமி: அப்படியெல்லாம் மாத்தக் கூடாது. இரு... இப்ப உன்னோட இந்த கை- i , அந்த கை - j, என்னொட இந்த கை - K... இப்ப உன் கை-i ல இருக்கிற பந்தை என் கை-K க்கு மாத்து. அப்பறம் உன் கை-j ல இருக்கிற பந்தை i-க்கு மாத்து...
இப்ப என் கை-K ல இருக்கிற இந்த பந்தை உன் கை-jக்கு மாத்து...
இப்ப பந்து ரெண்டும் மாறிடுச்சா???

கோழி: ஆமாம்டா....

இருமி: இப்ப புரியுதா....

கோழி: உம்ம்ம்.. புரிஞ்சிடுச்சி

கோழி போய் பெட்ல படுத்துட்டு மேல விட்டத்தைப் பார்த்து யோசிச்சிக்கிட்டு இருந்தான்.

இருமி: OP!!! கோழி ரொம்ப யோசிச்சிக்கிட்டு இருக்கான். எனக்கு அவனுக்கு புரிஞ்சிதானு தெரியல...

10 நிமிஷம் கழிச்சி கோழி வெளில வந்தான்...

கோழி: OP பரதேசி நாயே.... a,b,c ன்னு சொன்னா யாருக்காவது புரியுமா??? இனிமேவாது i, j, kனு சொல்லிக் கொடு... புரிஞ்சிதா???

:-))))))

அட்டகாசங்கள் தொடரும்...

கோழியின் அட்டகாசங்கள் - 3

இது கடைசி வருடம் நடந்த நிகழ்ச்சி...

கோழியும், இருமியும் டூ- வீலரில் சாய்பாபா காலணி போயிட்டு திரும்ப காலேஜ் வந்து கொண்டிருந்தனர். துடியலூர் பெட்ரோல் பங்கில் பெட்ரோல் போட வேண்டும்... (ஹாஸ்டலில் இருக்கும் அனைத்து வண்டியும் எப்போதும் ரிஸர்வில்தான் ஓடிக்கொண்டிருக்கும்)

(இருமி - வந்த புதிதில் அதிகமாக இறுமிக் கொண்டிருந்ததால் வந்த பெயர்)

இருமி வண்டியை ஓட்டிக் கொண்டிருந்தான்.

இருமி: கோழி ரைட்ல திரும்பனும் கையப் போடு...

கோழி: ஒகே

திரும்பும் போது பின்னால் இருந்த வந்த ஒருவன் கேவலமான வார்த்தைகளால் திட்டிவிட்டு சென்றான்...

இருமி: டெய் கோழி கைப் போட்டியாடா???

கோழி: ஏண்டா நீ சொன்ன உடனே போட்டுட்டன்... இன்னும் எடுக்கவே இல்லை...

இருமிக்கு ஒரு நிமிஷம் புரியாம என்னனு பாத்தா, கோழி இருமியோட தோள்ல கையப் போட்டிருக்கான் :-)))

இருமி: ஏண்டா!!! நீ என்ன என் லவ்வராடா???
பில்லியன்ல உக்காந்து என் தோள்ல கைப் போட்டு வரதுக்கு...
திரும்பறதுக்கு ரைட்ல சிக்னலுக்கு கைப் போடுனா தோள்ல கையப் போட்ருக்க :-X

பெட்ரோல் பங்ல போனவுடனே பார்த்தா முன்னாடி சக்கரத்துல காத்து ரொம்ப கம்மியா இருந்தது... துடியலூர் பெட்ரோல் பங் ரொம்ப சின்னது...

இருமி பெட்ரோல் போடுபவனிடம்: அண்ணே!!! முன்னாடி வீல்ல காத்து கம்மியா இருக்கு.. பக்கத்துல எங்கயாவது காத்து பிடிக்கிற இடம் இருக்கா?

பெ.போ: முன்னாடி வீல் தானே!!! இங்கயே லெக் பம்ப் இருக்கு அடிச்சிக்கலாம்... உள்ள இருக்கு போய் எடுத்துக்கோங்க...

இருமி: கோழி போய் லெக் பம்ப் எடுத்துட்டு வாடா...

உள்ளே போன கோழி கைல எடுத்துட்டு வந்ததை பார்த்து எல்லோரும் அரண்டு போயிட்டாங்க!!!

அவன் கைல இருந்தது Fire Extinguisher :-)))

கடைசி வருட ஜாவா லேப்:
கோழி OPயோட சிஸ்டம் பக்கத்துல உட்கார்ந்து கடலைப் போட்டுட்டிருந்தான்...

OP ஏதோ டவுட்னு என் இடத்துக்கு வந்து கேட்டான்... நானும் சரினு OP சிஸ்டத்துல என்னனு பொயி பாக்கலாம்னு போனேன்...

அங்க போனா Notepad அப்ளிக்கேஷனக் கானோம் (Java Program நாங்க Notepadல தான் போடுவோம்)...

நான்: OP, பிரோக்ராம் எங்க???

OP: கோழி Notepad எங்க காணோம்???

கோழி: டேய் சத்தியமா நான் எடுக்கலைடா.... வேணும்னா என் எடத்துல வேணாலும் போய் பாத்துக்கோ!!!

இதை கேட்டு லேபில் இருந்த எல்லோரும் :-)))))))

அட்டகாசம் தொடரும்...

கோழியின் அட்டகாசங்கள் - 2

இரண்டாம் ஆண்டு கம்ப்யூட்டர் லேப்:

பிரோக்ராம் அவுட்புட் காட்டிவிட்டு, லேப் இன்ஸ்ட்ரெக்டரிடம் அப்செர்வேஷன் நோட்டில் கையெழுத்து வாங்கிவிட்டு என் இடத்திற்கு வந்து பார்த்தா என் எலிக்குட்டியக் (மவுஸ்) காணோம்...

எனக்கு அருகில் அமர்ந்திருப்பவனிடம் (அருண்): டேய் எங்கடா என் மவுஸ்ஸ காணோம்??

அருண்: தெரியல... கோழிதான் இங்க ஏதோ நோண்டிட்டு இருந்தான்.

சரின்னு நான் கோழி எடத்துக்கு போய் பார்த்தால், கோழி என் மவுஸ்ஸ அவன் சிஸ்டத்துல இனைத்து ஏதோ செய்து கொண்டிருந்தான்.

நான்: கோழி ஏண்டா, என் மவுஸ்ஸ எடுத்துட்டு வந்த???

கோழி: கொஞ்சம் இரு...தரன்... இது வேற இந்த நேரம் பாத்து காப்பி ஆக மாட்டிங்குது. ஒரு அஞ்சி நிமிஷம் வெயிட் பண்ணு

நான்: சரி சீக்கிரம் தா...

கோழி திரும்ப அவன் சிஸ்டத்தில இருந்து மவுஸ் கழுட்டி என் சிஸ்டத்துல மாட்டினான். அங்க என் பிரோகராமை ரைட்-கிளிக் பண்ணி காப்பி பண்ணான்...
திரும்ப என் சிஸ்டத்துல இருந்து கழுட்டி அவன் சிஸ்டத்துக்கு எடுத்துட்டு போனான்.

சரி என்ன பண்றான்னு பார்த்தா!!! அங்க திரும்ப கனெக்ட் பண்ணி, ரைட் கிளிக் பண்ணி பேஸ்ட் பண்ண ட்ரை பண்ணிட்டு இருந்தான்.

நான்: டேய் கோழி, என்ன பண்ற???

கோழி: ஏண்டா உன் மவுஸ் ஒலுங்கா வேலை செய்யாதா??? காப்பி ஆகுது ஆனால் பேஸ்ட் பண்ண முடியல...

நான்: :-((((

சம்பவம் - 2:
மூன்றாம் ஆண்டு....

OP: டேய்!!! கோழி முதல் முறையா அவுட்-புட் வாங்கிட்டாண்டா!!!

நான்: OP, நிஜமாவா???

OP: ஆமாம், யாரையோ பாத்து போட்டு வாங்கிட்டான்.

நான்: சரி வா!!! நம்ம போயி என்ன பிரோக்ராம்னு பாப்போம்.

நானும், OPயும் கோழி எடுத்துக்கு பொனா, கோழி ரொம்ப சந்தோஷத்துல குதிச்சிட்டு இருந்தான்...

OP: டேய்ய்ய் கோழி, அவுட்புட் வாங்கிட்டியாம்... இன்னைக்கு டிப்பார்ட்மெண்லையே இது தான் ஹாட் டாபிக். HODக்கு ஹார்ட்-அட்டாக் வந்திடுச்சாம்.

கோழி: டேய், இதெல்லாம் எனக்கு சாதரணம்டா...நாங்கெல்லாம் யாரு!!!

நான்: டேய் கோழி அந்த பிரோக்ராம காட்டு...OP நம்ப மாட்றான்...

கோழி: இந்தா நீயே தேடிக்கோ!!! ஐயா பிஸி!!!

நானும் பிரோக்ராம ஒவ்வொரு foldera தேடி பார்க்கிறேன்... எங்க இருக்குனே கண்டுபிடிக்க முடியல...

நான்: டேய் கோழி பிரோக்ராமக் காணோம்டா!!!

கோழி: என்ன காணோமா? இரு நான் பார்க்கிறேன்...

கோழியும் தேடிக்கிட்டே இருந்தான்.

கோழியப் பத்தி அவனை விட நல்லா தெரிஞ்ச OP...டேய் கோழி!!! இரு நான் பார்க்கிறேன்னு சொல்லிட்டு..மவுஸ்ஸ வாங்கினான்.

நேரா Recycle Bin போனான்...பிரோக்ராம் Recycle Binல இருந்தது...

OP: டேய் கோழி பிரோக்ராம யாருக்கும் தெரிய கூடாதுனு Recycle Binல Save பண்ணி வெச்சிருக்காண்டா...

இது காட்டுத் தீ போல பரவி...டிப்பார்ட்மென்ட்ல இருக்கிற எல்லா ஸ்டாஃபும் Recycle Binல Save பண்ண முடியுமானு முயற்சி பண்ணி பார்த்தாங்க ;-)

அட்டாகசங்கள் தொடரும்...

கோழியின் அட்டகாசங்கள் -1

காலேஜ் முதல் வருடத்தில் சீனியர் அதிகமாக ரேகிங் செய்யுமிடத்தில் மெஸ்ஸிற்கு தான் முதலிடம்...

ஞாயிறு மதியம் சிக்கன். எல்லோரும் பம்பிட்டே சாப்பிட்டிருந்தோம்...
திடிர்னு சிக்கன் தீந்திடுச்சி (பர்ஸ்ட் இயர் பசங்க வந்திருக்காங்க கொஞ்சம் அதிகமா செய்யனும்னு தெரியாதா அந்த மெஸ்ல இருக்கறவனுங்க செஞ்ச வேலை).

எங்க முன்னாடி உட்கார்ந்திருந்த சீனியர்கிட்ட வந்த அவன் பிரண்டு,

சீ.2: டேய் மச்சான் சிக்கன் தீந்திடுச்சாம்...திரும்ப புதுசா செஞ்சிட்டு இருக்கானுங்க... இன்னும் அரை மணி நேரமாகுமாம்...

சீ.1: அதுவறைக்கும் என்ன பண்ணலாம்????

சீ.2: (என்னிடம்) டேய் நீ என்ன டிப்பார்ட்மென்ட்ரா?

நான்: ஐ.டி சார் (அண்ணானு சொல்ல கூடாதாம்)

சீ.2: சரி நீ போய் மெஸ்ல சாப்பிட்டுட்ருக்கற ஐ.டி பசங்க எல்லாத்தையும் கூப்ட்டு வா...

நான்: சரிங்க சார்

சீ.1: மவனே அப்படியே எஸ்ஸான...அவ்வளவுதான்...தெரியுமில்லை.

நான்: அப்படியெல்லாம் பண்ண மாட்டேன் சார்...

சீ.2: சரி போ...5 நிமிஷத்தில இங்க இருக்கனும். (என் பக்கத்தில் அமர்ந்திருப்பவனிடம்) டேய்...நீ 1,2 சொல்லு...
(என்னிடம்) அவன் 300 சொல்லி முடிக்கறத்துக்குள்ள நீ இங்க இருக்கனும்.

நான்: சரி சார்... (மனசுக்குள்ள: நாதாரி நாயி... பெரிய M.N.நம்பியார்னு நினைப்பு...உனக்கெல்லாம் சத்தியமா வாஷ் அவுட்தான்டா ஆகும்)

5 நிமிடத்திற்குள் ஒருவழியாக மெஸ்ல இருக்கிற எல்லா ஐ.டி பசங்களையும் கூப்பிட்டு வந்துவிட்டேன்.

சீ.2: (என்னிடம்) சரி நீ உக்காரு...
(மீதி இருப்பவர்களை பார்த்து) ஏன்டா நீங்க எல்லாம் சிக்கனையே பாத்ததில்லையா??? ஏன்டா இப்படி ஊருக்கு முன்னாடி வந்து தின்னு தீக்கறீங்க?

நான் மனதிற்குள்: டேய் நாயே உனக்கு கிடைக்கலங்கற வயித்தெரிச்சல்ல பேசிட்டு... எங்களை அலையறோங்கிறயா???

சீ.1: சரி... இப்ப நீங்க என்ன பண்ண போறீங்கனா, ஒருத்தவன் ஒருத்தவனா
வந்து கோழி புடிக்கிறீங்க..என்ன புரியுதா???

ஒவ்வொருத்தவனா வந்து கோழி புடிக்கிற மாதிரி நடித்தார்கள்...

சீனியர் கமென்ட்ஸ்:
* ஏன்டா கோழி புடிடானா நாய் புடிக்கிற மாதிரி ஓடற...
* ஏன்டா செத்த கோழியா புடிக்கிற...ஒளுங்கா புடிடா
* டேய மச்சான், அங்க பாருடா அவன் கோழி புடிடானா கபடி ஆடறான்

கூடவே நிறைய சென்ஸார் செய்ய வேண்டிய வசனங்கள்...

இந்த நிலைமையில் எங்களை காப்பாற்ற வந்தான் காரமடை சிங்கம்...

அவன் கோழி புடிக்கிற அழக பாத்து எல்லோரும் அரண்டு போயிட்டானுங்க...
(அப்பறம் ஒவ்வோரு சீனியர் ரூமுக்கும் போயி கோழி புடிச்சி காட்டினான். அது வேற கதை)

அன்றிலிருந்து அவன் பெயர் "கோழி" என்றானது...அவன் செய்த அட்டகாசங்களுக்கு அளவே இல்லை... அதை பற்றிய ஒரு தொடரே இது...