இதெல்லாம் ஒலிம்பிக்ஸ்ல சேர்த்துட்டு பேசுங்கடா!

நேத்து ஃபிரெண்ட் ஒருத்தன் கிட்ட பேசிட்டு இருக்கும் போது ஒரு விஷயம் சொன்னான். 2020 ஒலிம்பிக்ஸ்ல 20 - 20 மேட்ச் சேர்க்க போறாங்களாம். எப்படியும் இந்தியா அப்ப ஒரு வெள்ளி பதக்கம் வாங்கிடும், சச்சின் செமி ஃபைனல் வரைக்கும் விளையாடி இந்தியாவை ஜெயிக்க வெச்சிடுவார்னு.

அடப்பாவிகளா! இன்னுமா நீங்க திருந்தலனு சொல்லிட்டு வந்துட்டேன்.

அப்பறம் யோசிக்கும் போது தான் தோணுச்சு, எல்லாரும் சாப்ட்வேர் இஞ்சினியர்ஸை திட்றாங்களே. அதுக்கு இந்த மாதிரி விளையாட்டு எல்லாம் ஒலிம்பிக்ஸ்ல சேர்த்தா எப்படியும் தங்கம், வெள்ளி, வைரம், மாணிக்கம்னு எல்லா பரிசையும் வாங்கிட்டு வந்திடுவாங்களேனு. என்ன என்ன விளையாட்டுனு பார்க்கலாமா?

C&P :
அதாவது காப்பி பேஸ்ட். ஒரு நிமிஷத்துல எவ்வளவு காப்பி பேஸ்ட் பண்றதுனு போட்டி. இதை வெச்சா எப்படியும் நம்ம டெவலப்பர்ஸ் காம்பிட்டீஷனே இல்லாம பதக்கத்தை வாங்கிட்டு வந்துடுவாங்க.

Continous Phonela Talking போட்டி:
தொடர்ந்து எவ்வளவு நேரம் ஃபோன்ல பேசறாங்கனு போட்டி. இதை வெச்சா நம்ம ஆளுங்களை அடிச்சிக்க ஆளே இல்லை. ஆனா ஒரே கண்டிஷன் அது பசங்களுக்கு பொண்ணுங்களுக்குனு தனி தனி போட்டியா வைக்க கூடாது. பசங்க பொண்ணுங்ககிட்ட பேசறது தான் போட்டியோட விதி. நம்ம பசங்க தோக்கற மாதிரி இருந்தாலும் பொண்ணுங்களை நம்பி இந்த போட்டிக்கு அனுப்பலாம். தொடர்ந்து ஒரு ஒலிம்பிக்ஸ்ல இருந்து அடுத்த ஒலிம்பிக்ஸ் வரைக்கும் பேசி கின்னஸ் சாதனை பண்ணாலும் ஆச்சரியப்படறதுக்கில்லை.

Multi-tasking போட்டி:
ஒரே நேரத்துல எவ்வளவு வேலை செய்ய முடியுங்கற போட்டி. இதுல சொல்லவே தேவையில்லை. ஆபிஷியல் சேட், பர்சனல் சேட், ஃபார்வேர்ட் மெயில் படிக்கிறது, ப்ளாக் படிக்கறது, ஆர்குட்ல ஸ்க்ரேப் பண்றது, ட்விட்டர்ல ஸ்டேடஸ் போட்டிருக்கற எவனயாவது கலாய்கறதுபக்கத்து சீட்டு ஃபிகரோட கடலை போடறது, ப்ளாக்ல கும்மி அடிக்கிறது, , ஃபோன்ல எவனையாவது கூப்பிட்டு கலாய்ச்சிட்டு இருக்கறது, அப்படியே ஆபிஸ் வேலையும் செய்யறது. இது எல்லாத்தையும் ஒட்டுகா செஞ்சி தங்கத்தை தட்டிட்டு வந்துடுவாங்க. (தங்கம் is not a figure name... Here தங்கம் means Gold)

All meetings attending போட்டி:
நிறைய மீட்டிங் வைப்பாங்க. எத்தனை மீட்டிங் அட்டண்ட் பண்ணி பேசறோங்கறனு போட்டி: நம்ம ப்ராஜக்ட் மீட்டிங் அட்டெண்ட் பண்றோமா இல்லை பக்கத்து ப்ராஜக்ட் மீட்டிங் அட்டெண்ட் பண்றோமானே தெரியாம ஒரு மணி நேரம் மீட்டிங்ல பேசிட்டு வர அளவுக்கு திறமையிருக்குற நம்ம டேமஜர்ஸை சாரி சாரி மேனஜர்ஸை அனுப்பினோம்னா அப்படியே அள்ளிட்டு வந்துடுவாங்க.

Mail Forwarding போட்டி:
ஒரு நாளைக்கு எத்தனை மெயில் ஃபார்வேர்ட் பண்றாங்கங்கற போட்டி. இதுல நம்ம ஆளுங்க திறமைக்கு சாட்சியா நீங்க இந்த பதிவையே மெயில்ல கொஞ்ச நாள்ல படிப்பீங்க பாருங்க ;) (ஆனா யார் எழுதானாங்கனு அதுல பேர் இருக்காது)

கடலை Frying போட்டி:
எப்படி துப்பாக்கி சுடறது, வில்லுல அடிக்கிறதுனு ரெண்டு போட்டி இருக்கோ. அதே மாதிரி ஃபோன்ல கடலை போடற போட்டி அண்ட் நேர்ல கடலை ஃபிரைங் போட்டியும் வித்தியாசமான போட்டி தான். ரெண்டு பேரும் பார்த்து பேசிக்கிறதுல கொஞ்சம் த்ரில் அதிகம். அட்டு ஃபிகரா இருந்தாலும் விட்டு கொடுக்காம கடலை போட்டு வாங்கிட்டு வந்துடுவாங்க நம்ம பசங்க.

24*7 வொர்க்கிங் போட்டி:
ப்ராஜக்ட் டெட் லைன், டெலிவரினு வந்துட்டா அசராம வேலை பார்க்கறதுல நம்ம ஆளுங்களை அடிச்சிக்க முடியாது. ஒரு வாரம் வீட்டுக்கு போகாம வேலை பார்த்து முடிச்சிட்டு தான் கிளம்புவானுங்க. இதுல நமக்கு சைனா போட்டியா இருந்தாலும், நம்ம ஆளுங்களை தயங்காம போட்டிக்கு அனுப்பலாம். தங்கம் இல்லைனா வெள்ளி உறுதி.

இதுக்கு மேலயும் நிறையா இருக்கு... அதை வேற பதிவுல போடறேன் ;)