தத்துவம்

உலகத்துல உன்னை விட பெரியவன் யாரும் இல்லை அதனால நீ யாருக்கும் பயப்படாதே! அதே மாதிரி உன்னை விட சின்னவன் யாரும் இல்லை அதனால நீ யாரையும் தாழ்வா நினைக்காதே!!! அய்யம்பேட்டை அறிவுடை நம்பி கலியபெருமாள் சந்திரன்

Saturday, September 22, 2007

கர்ம வீரர், கலைஞர் - யார் பாதை சரி???

தலைவர் காமராசர் தஞ்சை மாவட்டத்தில் சுற்றுப்பயணம் வந்த நேரத்தில் ஒரு கிராமத்தின் பாழடைந்த கோயிலைப் பார்த்தார். அந்தக் கோயில் பழம்பெருமை வாய்ந்தது. ஆனாலும், சிதிலமடைந்து கிடந்தது. சுற்றுப்புற மதில்கள் உடைந்து பிரகாரம் திறந்து கிடந்தது. அங்கங்கே ஆடு, மாடுகள் மேய்ந்து கொண்டிருந்தன. கோயில் கோபுரத்திலெல்லாம் மரம், செடி, கொடிகள் வளர்ந்து கிடந்தன. கோயில் குருக்கள் எப்போதாவது வந்து பூஜை செய்து மணியடிப்பார். சற்றும் எதிர்பாராமல் தலைவர் கோயிலுக்குள்ளே போய்விட்டார். சுற்றியிருந்த நாங்களனைவரும் அவருடன் சென்றோம். நான் கடவுள் நம்பிக்கையில்லாத நாத்திகன். இது தலைவருக்கும் தெரியும். தலைவர் கோயில் வாசலில் இருந்த கல்வெட்டுகளையெல்லாம் பார்த்தார். புதராக மண்டிக்கிடந்த சாசனங்களையெல்லாம் துடைத்துவிட்டுப் பார்த்தார். பலிபீடம், கொடிமரம், நந்தி இவைகளிடமெல்லாம் போய் நின்று உற்றுக் கவனித்தார். இவரது ஒவ்வொரு செய்கையும் கட்சிக்காரர்களுக்கு வியப்பாயிருந்தது. கோயிலுக்கு வந்து உள்ளே சாமி கும்பிடப்போகாமல், எது எதையோ பார்த்துக் கொண்டிருக்கிறாரே என்று மற்றவர்கள் பேசிக் கொண்டனர். ஆனால், எனக்கு அவரைப்பற்றி நன்றாகத் தெரியும், கோயில்களில் கொடுக்கும் பிரசாதங்களை வாங்கிக் கொள்வார். விபூதி பூசிவிட்டால் மறுக்கமாட்டார். பரி வட்டமும் கட்டிக் கொள்வார். தீபாராதனையைத் தொட்டுக் கொள்வார். கோயிலை விட்டு வெளியில் வந்த மறு நிமிடமே பழம், தேங்காய் மூடி, மாலைகளை யார் பக்கத்திலிருக்கிறார்களோ அவர்களிடம் கொடுத்துவிடுவார்... விபூதி, குங்குமத்தை வீட்டுக்கு எடுத்துப் போகமாட்டார். பையில் பத்திரப் படுத்தவும் மாட்டார். அதற்குப் பெரிய முக்கியத்துவமும் கொடுக்க மாட்டார். கேட்டால், “கோயில்ல செய்ற மரியாதையை வாங்கிக்கணும் அதுதான் மனுஷ நாகரிகம். குருக்கள், அறங்காவலர், ஊர் ஜனங்க மனசு புண்படக்கூடாதில்லியா.... அதுக்கு மேல அதில ஒண்ணுமில்லே...!” என்பார்.

தலைவர் இந்தக் கோயிலைச் சுற்றிப் பார்த்துக் கொண்டிருக்கையிலேயே அந்தக் கோயிலின் குருக்களும், அறங்காவலரும் வந்துவிட்டனர். பிரகாரத்தைச் சுற்றிவந்த தலைவர், குருக்களைப் பார்த்து, “இந்தக் கோயிலக்கட்டி எவ்வளவு காலமாச்சு...?” என்றார். குருக்களும், நிருவாகிகளும் பதில் சொல்ல முடியாமல் விழித்தனர்.“ஏன்ய்யா... குருக்கள்.... நீங்க எவ்வளவு காலமா இந்தக் கோயி லுக்கு மணியடிச்சிகிட்டு இருக்கீங்க.... இந்தக் கோயில பத்தின ‘தல வரலாறே’ உங்களுக்குத் தெரியாதா...? எந்த வருஷத்து பஸு (க்ஷரள)? எத்தனை கிலோமீட்ட ருக்கு எவ்வளவு பெட்ரோல் ஆகும்னு தெரியாம, ஒரு டிரைவர் அந்தக் காரை ஓட்டலாமான்னேன்?” என்று காமராசர் ஆரம்பித்ததும் குருக்கள் உள்பட எல் லோரும் ஆடிப் போனார்கள். தலைவரே மேலும் தொடர்ந்தார். இந்தக் கோயிலக் கட்டி எண்ணூத்து எழுபது வருஷத்துக்கு மேலாகுது. சோழ மாதேவி தானமா கொடுத்த “இறையிலி” நிலங்கள்தான் இந்தக் கோயில சுத்தி இருக்குது. இந்த ஊரும், இந்தத் தாலுக்காவுமே இந்தக் கோயில் சொத்துதான். அதிலேருந்து வர்ற வருமானத்துலதான் சாமிக்குப் பூஜை, புன°காரமெல்லாம் பண்ணணும். குத்தகைதாரர்கள் அளக்கிற பகுதி நெல்லை வாங்கித்தான் சாமியாடிகளுக்கும், தேவரடியார்களுக்கும், பூக்குடலைத் தூக்குறவங்களுக்கும் சம்பளம் போடணும். சாமி நெலத்த விவசாயம் பண்ணிச் சாப்பிட்டுக் கிட்டிருக்கிற ஒருத்தனும் ஒரு பிடி நெல்லைக்கூட கோயிலுக்கு அளக்கலப் போலிருக்கு... அதனாலதான் சாமி இருட்டில கிடக்குன்னேன்.. !” என்று காம ராசர் பேசப்பேச அத்தனை பேரும் அதிர்ந்து போய் நின்றனர். அந்தக் கோயில் சொத்தைச் சாப்பிட்டு ஏப்பம் விட்டுக் கொண்டிருந்த ‘பெருச்சாளிகள்’ பலரும் அங்கே நின்று கொண்டிருந்தனர். தங்கள் அடிமடியிலேயே கை வைக்கிறாரே என்று அந்தக் குத்தகைதாரர்கள் நடுங்கிப் போயிருக்கக்கூடும்.

இதற்குள் குருக்கள்மார் சிலர் வந்து, ‘பிரசாதம், பொங்கல், வடையெல்லாம் தயாரா இருக்கு...!’ என்று ஆரம்பித்தனர்.“சாமியை இருட்டில போட்டுட்டு ஆசாமியெல்லாம் சாப்பிட்டு கிட்டிருக்கீங்க. பொங்கல், வடையையெல்லாம் ஏழை ஜனங்களுக்கு, சேரிப் பிள்ளைகளுக்குக் கூப்பிட்டுக் கொடுங்க...!” என்று சொல்லிவிட்டு வேகமாகத் தலைவர் கோயிலை விட்டு வெளியே வந்துவிட்டார். அறங்காவலர் குழு திகைத்துப் போய் நின்றது.தலைவர் அடுத்த ஊர் நிகழ்ச்சிக்குப் போவதற்காகக் காரில் ஏறினார். நானும் அவரோடு பயணம் செய்தேன். “கடவுள்பற்றி காமராசர் என்ன நினைக்கிறார்... பூஜை, வழிபாடு, நேம, நைவேத்தி யங்கள் பற்றி அவரது கருத்து என்ன?” என்பதையெல்லாம் அவரிடமே கேட்டுத் தெரிந்து கொள்ள வேண்டும் என்பது என் நெடுநாளைய அவா. இதுதான் சரியான சந்தர்ப்பம் என்று எண்ணி நான் தலைவரிடம் மெல்ல ஆரம்பித்தேன்.

“கடவுள்னு ஒருத்தர் இருக்கார்னு உங்களுக்கு நம்பிக்கை உண்டா...?”“ இருக்கு, இல்லைங்கிறதைப் பத்தி எனக்கு எந்தக் கவலையும் கிடையாதுன்னேன். நாம செய்றது நல்ல காரியமா இருந்தா போதும். பக்தனா இருக்கறதை விட யோக்யனா இருக்கணும். அயோக்கியத்தனம் ஆயிரம் பண்ணிகிட்டு கோயிலுக்குக் கும்பாபிஷேகம் பண்ணிட்டா சரியாப் போச்சா...?” என்றார்.

நான், “கடவுள் விஷயத்துல நேரு கொள்கையும், உங்க கொள்கையும் ஒண்ணாயிருக்கும் போலி ருக்கே...” என்று ஆரம்பிக்கவும். அவரே, “அக்னாடி°ட்டுன்னு” சொல்றீயா...? நேரு ரெண்டப் பத்தியும் கவலப்படாதவர்தான். ஆனா... மனிதனை முன்னேற்றணும். சமூகம் வளரும்ணும்கிறதுல அவர் கவனமாயிருந்தார்.. அதுக்கு மதமோ, கடவுளோ தடையாயிருந்தா அதைத் தூக்கிக் குப்பையில போடணும்கிற அளவுக்கு அவர் தீவிரவாதி. எப்படி யோசிச்சிப் பார்த்தாலும், சாதாரண மனிதனைக் கை தூக்கி விடணும்கிற தத்தானே எல்லா மதமும் சொல்லுது. சமுதாயத்துல பேதம் போகணும்... ஏற்றத் தாழ்வு இருக்கக் கூடாதுங்கிறதத்தானே மகான்கள் சொல்றாங்க. ஆனா, இன்னிக்கு நம்ம மதங்கள் அதப்பத்திக் கவலைப்படுதான்னேன்..? அவன் தலையைத் தடவியாவது, எவனை அழிச்சாவது தான் முன்னேற ணும்னுதானே ஒவ்வொரு மடாதி பதியும் நினைக்கிறான்... இதுக்குக் கடவுள் சம்மதப்படுறாரா...?” என்று கேட்டார்.”

நான் உடனே, “அப்படியானா ஆண்டவன்னு ஒருத்தர் இல்லேன்னுதான் நீங்களும் நினைக்கிறீங்களா...? இருந்திருந்தா இந்த அயோக்கியத் தனத்தையெல்லாம் ஒழிச்சிருப்பாரே...! தன்னோட எல்லா பிள்ளைகளையும் மேல் ஜாதி, கீழ் ஜாதின்னு படைச்சிருக்க மாட்டாரே...?” என்றேன்.“மேல் ஜாதி, கீழ் ஜாதியெல்லாம் இடையிலே வந்த திருட்டுப் பயலுக பண்ணினதுன்னேன். சுரண்டித் திங்கிறதுக்காகச் சோம்பேறிப் பசங்க பண்ணின ஏற்பாடுன்னேன். எல்லாரும் ஆயா வவுத்துல பத்து மாசம் இருந்து தானே பொறக்கிறான். அதுலே என்ன பிராமணன் சூத்திரன்...? ரொம்ப அயோக்கியத்தனம்...!” என்றார் காமராசர்.

எனக்குள் பெருமையும், பூரிப்பும் பிடிபடவில்லை. காமராசரைக் கட்டிப் பிடித்து ஆலிங்கனம் செய்ய வேண்டும் போலிருந்தது. இவருக்குள் இவ்வளவு சிந்தனை ஊற்றா.....? இத்தனை கம்பீரமா? அடங்காத சீற்றமா? ஆத்திர நெருப்பா? அவர் பேசப்பேச நான் வானுக்கும், பூமிக்குமாய்க் குதித்தேன்.“நீங்கள் ஏன் உங்களை ஒரு முழுநாத்திகராய் அறிவித்துக் கொள்ளவில்லை...?” என்று கேட்டேன்.“நான் ஒரு சமுதாயத் தொண்டன். நாத்திகவாதி - ஆத்திகவாதி எல்லாருக்கும் சேவை செய்றவன். எனக்கு எதிரே வர்றவனை “மனுஷன்”னுதான் பாக்குறேனேதவிர அவனை பிராமணன், சூத்திரன்னு பாக்குறதில்லே.... அப்படி எவனும் என்கிட்டே பேசிகிட்டு வரவும் முடியாது. நாத்திகவாதம்கிறது ஒரு தனி மனிதக் கொள்கை. அரசியல்வாதி பொதுவானவன். ஒரு கோயிலை நிருவாகம் பண்ண நிதி கொடுக்க வேண்டியது, அரசியல்வாதியோட கடமை. அந்தக் கோயில்லே ஆறுகால பூஜை ஒழுங்கா நடக்குதா.. விளக்கு எரியுதான்னு பாக்க வேண்டியது, “கவர்னென்°” பண்றவனோட வேலை. “நான் நாத்திகவாதி. எனவே கோயிலை இடிப்பேன்”னு எவனும் சொல்லமுடியாது. கம்யூனிச சமுதாயத்திலேயே கோயிலும், பூஜையும் இருக்கே...! தனிப்பட்ட முறையில நான் கோவில், பூஜை, புன°காரம்னு பைத்தியம் பிடிச்சி அலையிறதில்ல. மனிதனோட அன்றாடக் கடமைகள்தான் முக்கியம்னு நெனைக்கிறவன்...” என்று மிகத் தெளிவாகப் பேசினார்.

“அப்படியானா, நீங்க பூஜை, பிரார்த்தனை யெல்லாம் பண்றதில்லையா...?” எனக் கேட்டேன்.“அதெல்லாம் வேலை, வெட்டி யில்லாதவன் பண்றதுன்னேன். அடுத்த வேளை சோத்துக்கில்லாதவன், கடன் வாங்கி ஊர், ஊரா ‘ஷேத்ராடனம்’ போறான்... எந்தக் கடவுள் வந்து ‘நீ ஏண்டா என்னப் பாக்க வரலைன்னு இவன் கிட்டே கோவிச்சுகிட்டான்....?’ அபிஷேகம் பண்றதுக்காக கொடம், கொடமாப் பாலை வாங்கி வீணாக்குறானே மடையன்.... அந்தப் பாலை நாலு பிள்ளைங்க கிட்டே கொடுத்தா, அதுங்க புஷ்டியாவாவது வளருமால்லியா...?”“பதினெட்டு வருஷமா மலைக் குப் போறேன்னு பெருமையா சொல்றான். அதுக்காக அவனுக் குப் பி.ஹெச்.டியா கொடுக்கிறாங்க...? பதினெட்டு வருஷமா கடன்காரனா இருக்கான்னு அர்த்தம்.

பணம் படைச்சவன் போடுற பக்தி வேஷம், ‘சோஷியல் °டேடசு’க்காக. நாலு பேர் தன்னைப் பக்திமான், பெரிய மனுஷன்னு பாராட்டணும்கிறதுக்காக. ஒரு அனாதை இல்லத்துக்கோ, முதியோர் இல்லத்துக்கோ கொடுக்கலாமில்லியா....” ஊருக்கு நூறு சாமி... வேளைக்கு நூறு பூஜைன்னா.... மனுஷன் என்னிக்கு உருப்படறது...? நாட்டுல வேலையில்லாத் திண்டாட்டம்..... வறுமை - சுகாதாரக்கேடு.... ஏற்றத் தாழ்வு இத்தனையையும் வச்சிகிட்டு பூஜை என்ன வேண்டிக்கிடக்கு.... பூஜைன்னேன்.....? ஆயிரக்கணக்கான இந்த ‘சாமிகள்’ இதப்பாத்துகிட்டு ஏன் பேசாம இருக்குன்னேன்...?”தலைவர் போடு, போடு என்று போட்டுக் கொண்டு வந்தார். அவருக்குள் ஆயிரம் இங்கர் சாலை, பெரியாரை நான் கண்டெடுத்தேன்.

“அப்படியானா.... நீங்க பல தெய்வவழிபாட்ட வெறுக்கிறீங்களா.... இல்லே, தெய்வ வழிபாட்டையே வெறுக்கிறீங்களா....?” என்று கேட்டேன்.அவர் கொஞ்சம் கூடத் தாமதிக்காமல்... “லட்சுமி, சர°வதி, பார்வதி, முருகன், விநாயகர், பராசக்திங்கிறதெல்லாம் யாரோ ஓவியர்கள் வரைஞ்சி வச்ச சித்திரங்கள். அதையெல்லாம் ஆண்டவன்னு நம்மாளு கும்பிட ஆரம்பிச்சிட்டான். சுடலைமாடன், காத்தவராயன்கிற பேர்ல அநத வட்டாரத்துல யாராவது பிரபலமான ஆசாமி இருந்திருப்பான். அவன் செத்தும் கடவுளாக்கிட்டான் நம்மாளு. கடவுள்ங்கிறவரு கண்ண உருட்டிகிட்டு, நாக்கை நீட்டிகிட்டுதான் இருப்பாரா...? “அரேபியாவிலே இருக்கிறவன் ‘அல்லா’ன்னான். ஜெருசலத்தல இருக்கிறவன் ‘கர்த்தர்’னான் அதி லேயும் சில பேரு மேரியக் கும்பிடாதேன்னான். கிறி°தவ மதத்தி லேயே ஏழு, எட்டு ‘டெனாமினே ஷன்’ உண்டாக்கிட்டான். மத்திய ஆசியாவிலிருந்து வந்தவன், அக்கினி பகவான், ருத்ரன், வாயு பகவான்னு நூறு சாமியச் சொன்னான். நம்ம நாட்டு பூர்வீகக் குடி மக்களான திராவிடர்கள், காத்தவ ராயன், கழுவடையான், முனியன், வீரன்னு கும்பிட்டான். எந்தக் கடவுள் வந்து இவன்கிட்டே ‘என் பேரு இதுதான்னு சொன்னான்....? அவனவனும் அவனவன் இஷ்டத்துக்கு ஒரு சாமிய உருவாக்கினான். ஒவ்வொரு வட்டாரத்துல உருவான ஒவ்வொரு மகானும் ஒரு கடவுள உண்டாக்கி, எல்லாரும் தன் கட்சியில சேரும்படியா செஞ்சான்... காங்கிர° - கம்யூ னி°ட் - தி.மு.க. மாதிரி ஒவ்வொரு மதமும் ஒரு கட்சி. யார் யாருக்கு எதிலே லாபமிருக்கோ அதுல சேந்துக்குறான்... மதம் மனிதனுக்குச் சோறு போடுமா...? அவன் கஷ்டங்களப் போக்குமா...? இந்தக் குறைந்த பட்ச அறிவுகூட வேண்டாமா மனுஷனுக்கு...? உலகத்துல இருக்கிற ஒவ்வொரு மதமும், நீ பெரிசா... நான் பெரிசான்னு மோதிகிட்டு ரத்தம் சிந்துதே...! நாட்டுக்கு நாடு யுத்தமே வருதே....! இப்படியெல்லாம அடிச்சிகிட்டு சாகச் சொல்லி எந்த ஆண்டவன் சொன்னான்...?” தலைவர் தெளிந்த நீரோடை மாதிரி பேசிக்கொண்டே வந்தார். ஒவ்வொரு விஷயத்தைப் பற்றியும் ஒரு அழுத்தமான முடிவை அவர் வைத்திருப்பதைப் பார்த்து நான் வியந்தேன்.

“நீங்க சொல்றதப் பாத்தா ராமன் கிருஷ்ணனையெல்லாம் கடவுளாக்கிட்டானே... அதை ஏத்துக்கிறீங்க போலிருக்கே...?” என்று வினாத் தொடுத்தேன்.தலைவர் குலுங்கக் குலுங்கச் சிரித்தார். “டேய்... கிறுக்கா... நான் சொல்றது ஒனக்கு விளங்கலியான்னேன்....? ராமன், கிருஷ்ணன்கிறது கற்பனைக் கதாபாத்திரம்னேன். அதையெல்லாம் நம்மாளு கடவுளாக்கிட்டேன்னேன்....! இன்னிக்கு நம்ம சினிமாவுல வர்ற கதாநாயகனுக்குக் ‘கட்அவுட்’ வைக்கிறானில்லையா... அது மாதிரி அந்தக் காலத்துல கதாநாயகன் மாதிரி வருணிக்கப் பட்ட ராமனுக்கும், கிருஷ்ணனுக்கும் கோயில் கட்டிபுட்டான். அந்தப் புத்தங்கள்ல சொல்லப் பட்டிருக்கிற விஷயங்கள எடுத்துக்கணும். ஆசாமிய உட்டுபுடணும்.” ....காலப்போக்குல என்னாச்சுன்னா.. லட்சக்கணக்கான மக்கள் ராமனை, கிருஷ்ணனைக்கும் பிட ஆரம்பிச்சிட்டான்னு தெரிஞ்சதும், அவுங்களை வச்சி கட்சி கட்ட ஆரம்பிச்சிட்டான் அரசியல்வாதி. அவனுக்குத் தெரியும் ராமன் ஆண்டவன் இல்லேன்னு. ஆனா, அதை வச்சிப் பொழப்பு நடத்தப் பாக்குறானுங்க களவாணிப் பசங்க.... புராணங்கள்லே சொல்லப்பட்டிருக்கிற கதாபாத்திரங்கள வச்சித்தான் நம்ம ஜனங்கள அடிமையா ஆக்கிவச்சிருக் கான். நரகாசுரன் கதையை வச்சி தீபாவளி கொண்டாடுறான். நவ ராத்திரி கதையைச் சொல்லி சர° வதி பூஜை பண்றான். விக்னே° வரனைச் சொல்லி விநாயகருக்குக் கொழுக்கட்டை பண்றான். இது மாதிரி ஏற்பாடுகளை செஞ்சி ஏழை ஜனங்களையும், பாமர ஜனங்களை யும் தன்னோட மதத்தின் பிடிக் குள்ளேயே வச்சிப் பொழப்பு நடத்தறான். நான் தீபாவிள கொண்டாடுனதுமில்ல... எண்ணெய் தேச்சிக் குளிச்சதுமில்ல... புதுசு கட்டுன துமில்ல... பொங்கல் மட்டும்தான் நம்ம பண்டிகைன்னேன். நம்ம சமூகம் விவசாய சமூகம், அது நம்ம சலாச்சாரத்தோட ஒட்டுன விழான்னேன்...” என்று விளக்கினார். “மதம் என்பதே மனிதனுக்கு அபின்...!” அப்படிங்கிற கருத்து உங்களுக்கும் உடன்பாடுதான் போலத் தோணுதே...?” என்று ஒரு கேள்வியைப் போட்டேன். தலைவர், “நான் தீமிதி, பால் காவடி, அப்படீன்னு போனதில்ல. மனிதனைச் சிந்திக்க வைக்காத எந்த விஷயமும் சமுதாயத்துக்குத் தேவையில்ல... பெத்த தாய்க்குச் சோறு போடாதவன் மதுரை மீனாட்சிக்குத் தங்கத் தாலி வச்சிப் படைக்கலாமா...? ஏழை வீட்டுப் பெண்ணுக்கு ஒரு தோடு, மூக்குத்திக்குக் கூட வழியில்ல. இவன் லட்சக்கணக்கான ரூபாயில வைர ஒட்டியாணம் செஞ்சி காளியாத்தா இடுப்புக்குக் கட்டி விடறான். கறுப்புப் பணம் வச்சிருக்கிறவன் திருப்பதி உண்டியல்ல கொண்டு போய்க் கொட் றான். அந்தக் காசில ரோடு போட்டுக் கொடுக்கலாம்; ரெண்டு பள்ளிக்கூடம் கட்டிக் கொடுக்கலாமில்லையா? அதையெல்லாம் செய்ய மாட்டான். ‘சாமிக்குத்தம்’ வந்திடும்னு பயந்துகிட்டு செய்வான். மதம் மனிதனை பயமுறுத்தியே வைக்குதே தவிர, தன்னம்பிக்கையை வளர்த்திருக்கா? படிச்சவனே அப்படித்தான் இருக்கான் னேன்....” என்றார்.

“கோவில் பிரார்த்தனை, நேர்த்திக்கடன் கழிக்கிறதுன்னு ஏதாவது நீங்க செஞ்ச அனுபவமுண்டா...? அதிலேருந்து எப்போ விலகுனீங்க...?” இது நான்.“சின்னப் பையனா இருந்தப்போ விருதுநகர்லே பத்ரகாளியம்மன் கோயில் திருவிழா நடக்கும். அந்தக் கோயில் சிலைக்கு ஒரு நாடாரே பூஜை செய்வார். அதிலே நான் கலந்துகிட்டிருக்கேன். 1930-க்கு முன்னாலே சஞ்சீவரெட்டியோட திருப்பதி மலைக்குப் போனேன். அவர் மொட்டை போட்டுகிட்டார். என்னையும் போட்டுக்கச் சொன்னார். நானும் போட்டுகிட்டேன். அப்பொறம் யோசிச்சுப் பாத்தேன். இதெல்லாம் வேலையத்த வேலைன்னு தோணிச்சு. போயும், போயும் கடவுள் தலை முடியத்தானா கேக்குறாரு... எல்லாம் ‘பார்பர் ஷாப்’காரன் ‘செட்-அப்’ அப்புடீன்னு சிந்திச்சேன். விட்டுட்டேன். ஆனா, சஞ்சீவரெட்டி அதை விடலை. அடிக்கடி மொட்டை போடுவார். தலையில இருக்கிற முடியை எல்லாரும் கொடுப்பான். ஆண்டவனுக்காகத் தலையையே கேட்டா கொடுப்பானா...?” என்று கேட்டுவிட்டு விழுந்து, விழுந்து சிரித்தார்.

“அப்படியானா... மனிதர்களுக்கு வழிபாடு, பிரார்த்தனை முக்கியம்னு சொல்றாங்களே... அதப்பத்தி....?” என்று கேட்டேன்.“அடுத்த மனுஷன் நல்லாருக்கணும்கிறதுதான் வழிபாடு. ஏழைகளுக்கு நம்மாலான உதவிகளைச் செய்யணும்கிறதுதான் பிரார்த்தனை. இதுல நாம சரியா இருந்தா... தெய்வம்னு ஒண்ணு இருந்தா அது நம்ம வாழ்த்தும்னேன்...!” காமராசர் என்கிற அந்த மனிதாபிமானி என் மனத்தில் அந்த நிமிடமே சிம்மாசனம் போட்டு உட்காருகிறார். சட்டென்று காரை நிறுத்துகிறார். வழியில் காலில் செருப்போ, மேலுக்குச் சட்டையோ இல்லா மல் நடந்துபோன சிறுவர்களைப் பார்த்து, “ஏன் பள்ளிக்கூடம் போகலியா...?” என்கிறார். அவர் இவ்வளவு நேரம் பேசிய பேச்சின் விளக்கம் எனக்குக் கிடைத்தது விடுகிறது.-

சொன்னவர்:-திரு. சீர்காழி பெ. எத்திராஜ்முன்னாள் மேலவை உறுப்பினர்

courtesy : http://arivagam.blogspot.com/2006/12/blog-post_116512075309488909.html

தமிழக முதல்வர் கலைஞர் கருணாநிதி : ராமர் எந்த இஞ்சினியரிங் காலேஜில் படித்து பாலம் கட்டினார்?

இந்த பதிவில் காமராஜரையோ, கலைஞரையோ, என்னையோ (அப்பா எவ்வளவு பெரிய ஆளாயிட்டேன்) திட்டி பின்னூட்டம் போட்டா அது வெளியிடப்பட மாட்டாது.

46 comments:

சதுக்க பூதம் said...

பல கோடி பேரின் நம்பிக்கைக்காக பல லட்சம் மக்களை முன்னேற்ற இருக்கும் திட்டத்தை கிடப்பில் போட சொல்கிறீற்களா?

வெட்டிப்பயல் said...

// சதுக்க பூதம் said...

பல கோடி பேரின் நம்பிக்கைக்காக பல லட்சம் மக்களை முன்னேற்ற இருக்கும் திட்டத்தை கிடப்பில் போட சொல்கிறீற்களா?//

நான் அதை எங்க சொன்னேன்???

சொல்ற முறை இருக்கு இல்லை. நல்லது நடக்கனும்னா அதை பத்தி மட்டும் பேசனும். நம்ம கொள்கையை பத்தி பேசி அவுங்களை மட்டம் தட்ட தேவையில்லை.

கலைஞரை பெரிய ராஜ தந்திரினு சொல்றோம். அவருக்கு தெரியாதா இப்படி பேசினா பிரச்சனை தான் வரும் நல்லது நடக்காதுனு.

வெட்டிப்பயல் said...

இங்க மத்த மதத்தை பத்தி பேச எதுவும் தேவையில்லை.

ராமர் இருந்தாரா? பாலம் கட்டினாரா? ஆதாரம் இருக்கானு முக்கியமில்லை.

ஒரு முதல்வர் இப்படி பேசலாமானு? தான் என் கேள்வி.

அவர் பேசியதால் இன்று பிரச்சனை ஏற்பட்டு தமிழகத்திற்கு நடக்கவிருந்த ஒரு மிகப்பெரிய திட்டம் (பல வருட போராட்டத்திற்கு பிறகு) தடைப்பட்டு நிற்பது தான் மிச்சம்...

வெட்டிப்பயல் said...

அப்படியே என் தனிப்பட்ட கருத்தை சொல்லிடறேன்...

சுற்றுப்புற சூழ்நிலைக்கு எதுவும் ஆபத்தில்லைனா, தேவையில்லாத அந்த பாலத்தை(???) கண்டிப்பா உடைச்சிடலாம்.

G.Ragavan said...

கர்மவீரர்னா அவர் காமராஜர் மட்டுந்தான். அவரப் பத்திச் சொன்னா...சொல்லிக்கிட்டே போகலாம். மதிய உணவுத் திட்டத்தத் தொடங்குனது அவர்தான். பேரத் தட்டிக்கிட்டுப் போனது ஒருத்தரு. பள்ளிக்கூடத்துல சம்பளம் கெட்ட வேண்டாம்னு முடிவெடுத்தது இலவசக் கல்வியைக் கொண்டு வந்ததும் அவர்தான். தமிழர்கள் இன்னைக்கு இவ்வளவு படிச்சிருக்காங்கன்னா...அதுக்குத் தொடக்கப்புள்ளி வெச்சவரு கர்மவீரர் காமராசர்தான்.

சரி. விசயத்துக்கு வருவோம். அந்த மணல்மேட்டை இடிக்கலாமா கூடாதான்னு கேட்டா...அது சுற்றுப்புறச் சூழலுக்கு ஆபத்தில்லைன்னா கண்டிப்பா இடிக்கலாம். அவ்வளவுதான்.

கருணாநிதி இந்தப் பிரச்சனையை வேற மாதிரி கையாண்டிருக்கலாம் அப்படீங்குறது என்னோட கருத்து. சும்மா வீட்டுல உக்காந்து ஆலு டிக்கி சாப்பிட்டுக்கிட்டிருந்த வி.எச்.பி ஆளுங்களுக்கெல்லாம் இப்ப காலம் வந்து காச்சு மூச்சுன்னு கத்துறாங்க. பக்தீன்னா நெனைக்கிற? இல்லவே இல்லை. அரசியல். பழமுதிர்ச்சோலைல மின்கம்பி இடிக்குதுன்னு ஏதாவது நாவல் மரத்த வெட்டுனாப் போதும்....அதுதான் முருகரு ஔவையாருக்கு நெல்லிக்கனி குடுத்த மரம்னு சண்டைக்கு வருவாங்க. இல்ல இல்ல...வரமாட்டாங்க..ஏன்னா முருகனை வெச்சித் தமிழ்நாட்டுக்குள்ள மட்டுந்தான் அரசியல் செய்ய முடியும். அகில இந்திய அளவுளன்னா ராமர்தான். ஹம்ம்ம்ம்...எல்லாரும் மறந்து போன பா.ஜ.கவுக்கு வாழ்வு.

kannabiran, RAVI SHANKAR (KRS) said...

//அவர் பேசியதால் இன்று பிரச்சனை ஏற்பட்டு தமிழகத்திற்கு நடக்கவிருந்த ஒரு மிகப்பெரிய திட்டம் (பல வருட போராட்டத்திற்கு பிறகு) தடைப்பட்டு நிற்பது தான் மிச்சம்...//

பாரதி காலத்திய தீர்க்கதரிசனக் கனவு!
வெண்ணெய் திரண்டு வரும் போது தாழி உடைஞ்சாப் போலேன்னு கிராமத்துல சொல்லுவாங்க!

இப்போ இன்னும் தாமதமாக்குவோம்! கோர்ட்டு கேஸ் என்று இன்னும் இழுத்தடிப்போம்!
சும்மா இருந்த வாய்க்கு இந்தா என்று மெல்ல அவல் கொடுப்போம்!

மக்கள் பிரச்சனை மறந்து - ராமன் யோக்கியனா ராவணன் யோக்கியனா என்று தனிப்பட்ட விவாதங்கள் சூடுபிடிப்போம்!
கிமு,கிபி என்று சண்டை வலுத்து, இன்றைக்கு என்ன என்பதை அப்படியோ மறப்போம்!

குறளோவியம் கண்டவர்
இதை மறந்தது தான் வியப்பா இருக்கு!
//ஞாலம் கருதினுங் கைகூடுங் காலம்
கருதி இடத்தாற் செயின். //
One may aim to acquire the whole world and succeed, If actions are aimed at the right time and place.

//கொக்கொக்க கூம்பும் பருவத்து மற்றதன்
குத்தொக்க சீர்த்த இடத்து//
There are times to stay still as a stalking heron. There are times to move swiftly as a heron's strike

Anonymous said...

//அவர் பேசியதால் இன்று பிரச்சனை ஏற்பட்டு தமிழகத்திற்கு நடக்கவிருந்த ஒரு மிகப்பெரிய திட்டம் (பல வருட போராட்டத்திற்கு பிறகு) தடைப்பட்டு நிற்பது தான் மிச்சம்...//

என்ன வெட்டிப்பயல் அய்யா, உளறலுக்கு ஒரு அளவே இல்லையா? பிஜேபி, லேட்டஸ்டா ஃபத்துவா குடுக்கிற விஹெச்பி காவிப் பண்டாரங்கள் மாதிரி கோஷ்டிங்க இந்தத் திட்டத்தை செயல்படுத்தக்கூடாது, ராமர் போட்ட(தாச் சொல்லப்படற) பாலத்தை இடிக்கக் கூடாதுன்னு பிரச்னை பண்ணினதாலதான கருணாநிதி இப்படிக் கேட்டாரு? தென்மாவட்டங்களில ஃபேக்டரி எந்த எழவும் கிடையாது, இதுமாதிரி இருக்கிற வாய்ப்புக்களும் வராம கடைசி வரைக்கும் ஜாதிச் சண்டை பொடலங்காய்னு அடிச்சு செத்துட்டே இருக்கணும்? மெட்ராஸைத் தாண்டி என்ன கருமாந்திரத்தையாவது பார்த்திருந்தா தானே? ஏதோ கருணாநிதிதான் ராமர் பாலத்துக்குக் குறுக்கா கால்வாய் போடக்கூடாதுன்னு திட்டத்துக்கு முட்டுக்கட்டை போட்ட மாதிரி சொல்றீங்க? பிஜேபியோட கூட்டணி வச்சிருக்கிறப்ப பிஜேபி போட்ட திட்டம் தான இந்த சேது சமுத்திர திட்டம்? உங்களைமாதிரி படிச்சவங்களுக்கே இது விளங்கமாட்டேங்குது, இதுல போய் படிப்பறிவில்லாதவனைச் சொல்லி என்ன பிரயோசனம்?

நாந்தான் தப்பா புரிஞ்சுகிட்டேனா? நீங்க சொல்லியிருக்கிறதை கொஞ்சம் விளக்க முடியுமா? கருணாநிதி இப்படிப் பேசினதாலதான் திட்டத்துக்கு முட்டுக்கட்டை விழுந்துருச்சா? தயவுசெய்து விளக்கறீங்களா?இதையும் உங்களை திட்டி எழுதியிருக்கிறதா நெனைச்சுக்காதீங்க அய்யா. கருணாநிதி பேசியதுதான் இந்த திட்டத்துக்கு வந்த பெரிய முட்டுக்கட்டைன்னு பின்னூட்டத்துல எழுதியிருக்கீங்களே, அதைப் படிச்சா எங்கே போய் முட்டிக்கிறதுன்னு தெரியலை, அதான் விளக்கம் கேட்டிருக்கேன், இதையும் எடிட் பண்றதுன்னா பண்ணிக்கோங்க, உங்க விருப்பம்.

வெட்டிப்பயல் said...

// Anonymous said...

//அவர் பேசியதால் இன்று பிரச்சனை ஏற்பட்டு தமிழகத்திற்கு நடக்கவிருந்த ஒரு மிகப்பெரிய திட்டம் (பல வருட போராட்டத்திற்கு பிறகு) தடைப்பட்டு நிற்பது தான் மிச்சம்...//

என்ன வெட்டிப்பயல் அய்யா, உளறலுக்கு ஒரு அளவே இல்லையா? பிஜேபி, லேட்டஸ்டா ஃபத்துவா குடுக்கிற விஹெச்பி காவிப் பண்டாரங்கள் மாதிரி கோஷ்டிங்க இந்தத் திட்டத்தை செயல்படுத்தக்கூடாது, ராமர் போட்ட(தாச் சொல்லப்படற) பாலத்தை இடிக்கக் கூடாதுன்னு பிரச்னை பண்ணினதாலதான கருணாநிதி இப்படிக் கேட்டாரு? தென்மாவட்டங்களில ஃபேக்டரி எந்த எழவும் கிடையாது, இதுமாதிரி இருக்கிற வாய்ப்புக்களும் வராம கடைசி வரைக்கும் ஜாதிச் சண்டை பொடலங்காய்னு அடிச்சு செத்துட்டே இருக்கணும்? மெட்ராஸைத் தாண்டி என்ன கருமாந்திரத்தையாவது பார்த்திருந்தா தானே? ஏதோ கருணாநிதிதான் ராமர் பாலத்துக்குக் குறுக்கா கால்வாய் போடக்கூடாதுன்னு திட்டத்துக்கு முட்டுக்கட்டை போட்ட மாதிரி சொல்றீங்க? பிஜேபியோட கூட்டணி வச்சிருக்கிறப்ப பிஜேபி போட்ட திட்டம் தான இந்த சேது சமுத்திர திட்டம்? உங்களைமாதிரி படிச்சவங்களுக்கே இது விளங்கமாட்டேங்குது, இதுல போய் படிப்பறிவில்லாதவனைச் சொல்லி என்ன பிரயோசனம்?

நாந்தான் தப்பா புரிஞ்சுகிட்டேனா? நீங்க சொல்லியிருக்கிறதை கொஞ்சம் விளக்க முடியுமா? கருணாநிதி இப்படிப் பேசினதாலதான் திட்டத்துக்கு முட்டுக்கட்டை விழுந்துருச்சா? தயவுசெய்து விளக்கறீங்களா?இதையும் உங்களை திட்டி எழுதியிருக்கிறதா நெனைச்சுக்காதீங்க அய்யா. கருணாநிதி பேசியதுதான் இந்த திட்டத்துக்கு வந்த பெரிய முட்டுக்கட்டைன்னு பின்னூட்டத்துல எழுதியிருக்கீங்களே, அதைப் படிச்சா எங்கே போய் முட்டிக்கிறதுன்னு தெரியலை, அதான் விளக்கம் கேட்டிருக்கேன், இதையும் எடிட் பண்றதுன்னா பண்ணிக்கோங்க, உங்க விருப்பம்.//

வி.ஹெச்.பி காரவனுங்களுக்கு இந்த திட்டத்தால லாபம் இல்லைங்க. அதனால அவனுங்க எப்படி வேணா கெடுக்க பார்க்கிறானுங்க. ஆனா நமக்கு அப்படியில்லைங்க. இதனால தென் மாவட்டங்கள்ல பல மக்களோட வாழ்க்கைல நல்ல நிலைமை ஏற்பட வாய்ப்பு இருக்குதுங்க. அவனுங்க வெறும் வாய்லயே இந்த மெல்லு மெல்னானுங்க. இப்ப அவலை கொடுத்திருக்கோம்.

இந்த பாலத்தை இடிப்பதால் ராமர் தண்டனை கொடுப்பதானால் எனக்கு தரட்டும். என் நாட்டு மக்களுக்கு நன்மை ஏற்பட நான் செய்யும் இந்த செயலுக்கு உங்கள் ராமன் என்னை தண்டித்தால் அந்த பலனை நான் ஏற்று கொள்கிறேன். இப்படி சொல்லிருக்கலாம்.

இல்லைனா இதுல இருக்கறதை உடைச்சி அந்த பாலத்துல ஒரு பகுதியை வைத்து அந்த ஏரியால ஒரு கோவில் கட்றோம்னு கூட சொல்லியிருக்கலாம்.

நமக்கு காரியம் தான் முக்கியம். வீரியம் இல்லை.

ராமர் இஞ்சினியர் படிச்சானானு கேட்டு எரியற நெருப்புல எண்ணெய் ஊத்த தேவையில்லை

வெட்டிப்பயல் said...

//சும்மா வீட்டுல உக்காந்து ஆலு டிக்கி சாப்பிட்டுக்கிட்டிருந்த வி.எச்.பி ஆளுங்களுக்கெல்லாம் இப்ப காலம் வந்து காச்சு மூச்சுன்னு கத்துறாங்க. பக்தீன்னா நெனைக்கிற? இல்லவே இல்லை. அரசியல். பழமுதிர்ச்சோலைல மின்கம்பி இடிக்குதுன்னு ஏதாவது நாவல் மரத்த வெட்டுனாப் போதும்....அதுதான் முருகரு ஔவையாருக்கு நெல்லிக்கனி குடுத்த மரம்னு சண்டைக்கு வருவாங்க. இல்ல இல்ல...வரமாட்டாங்க..ஏன்னா முருகனை வெச்சித் தமிழ்நாட்டுக்குள்ள மட்டுந்தான் அரசியல் செய்ய முடியும். அகில இந்திய அளவுளன்னா ராமர்தான். ஹம்ம்ம்ம்...எல்லாரும் மறந்து போன பா.ஜ.கவுக்கு வாழ்வு.//

ஜி.ரா,
இது தான் என் கருத்தும். அவனுங்களுக்கு ராமர் எல்லாம் முக்கியமில்லை. சும்மா அரசியல் செய்யனும். பணம் சம்பாதிக்கனும். அவ்வளவு தான்.

இலவசக்கொத்தனார் said...

ஹ்ம்ம்ம் என்னாத்த சொல்றது....

இராம.கி said...

பெருந்தலைவர் பற்றிய அருமையான செய்தியை இங்கு கொடுத்திருக்கிறீர்கள். நான் இறை மறுப்பாளன் இல்லை. இருந்தாலும் பெருந்தலைவர் சொன்னதில் பாதியையாவது பலரும் படித்து உணர்ந்தால் சரி.

கலைஞரின் போக்கு ஒரு மாதிரி; காமராசரின் போக்கு ஒரு மாதிரி. ஒன்று இன்னொன்றிற்கு எதிரானது என்று எப்பொழுதும் சொல்லிவிட முடியாது.

இந்துத்துவத் தாக்குதலை தமிழர்கள் புரிந்து கொள்ள வேண்டும்.

அந்தத் திட்டத்தை வரவிடாமல் செய்வதில் வடக்கிலும் தெற்கிலும் பலர் கூட்டுச் சேர்ந்திருக்கிறார்கள். (அடுத்த நாடு உட்பட.)

அன்புடன்,
இராம.கி.

குமரன் (Kumaran) said...

கர்மவீரர் காமராசரின் இன்னொரு பரிமாணத்தை அறிந்து மகிழ்ந்தேன் பாலாஜி. இந்த நேரத்தில் இதனை எடுத்து இட்டதற்கு மிக்க நன்றி.

கடலில் இருப்பது இராமாயணம் சொல்லும் சேது பாலம் இல்லை என்பது மிகத் தெளிவு. அந்த மண்திட்டுகளை நீக்குவதால் பவளப்பாறைகளுக்குத் தீங்கு நேரும்; இயற்கை சூழல் கேடு உண்டாகும் என்று சில கட்டுரைகள் படித்திருக்கிறேன். அவற்றை அறிவியல் முறைப்படி ஆய்வு செய்து செய்யத் தகுந்ததை செய்யவேண்டும். சுற்றுச்சூழல் பாதிப்பு இருக்கும் என்று தெரிந்தும் அந்த மண் திட்டுகளை இடிப்பதென்றால் அதற்குப் பொருளாதார ரீதியாகவோ மற்ற எந்த விதத்திலோ பெரும் லாபம் இருக்க வேண்டும்.

வெற்றி said...

வெட்டி,

/* தமிழகத்திற்கு நடக்கவிருந்த ஒரு மிகப்பெரிய திட்டம் (பல வருட போராட்டத்திற்கு பிறகு) தடைப்பட்டு நிற்பது தான் மிச்சம்... */

தப்பாக எடுக்காதீர்கள். இச் சேதுக்கால்வாய் திட்டம் பற்றி ஈழத்தைச் சேர்ந்தவன் எனும் முறையில் என் தனிப்பட்ட கருத்தைச் சொல்ல விரும்புகிறேன்.

ஒரு ஈழத்தவன் எனும் வகையில் இத் திட்டம் தாமதமாக வேண்டும் என்பதுதான் என் தனிப்பட்ட விருப்பம்.

இத் திட்டத்தால் தமிழகத்தின் பொருளாதாரம் செழிப்புறவும், பல தமிழகத்தவர்களுக்கு வேலைவாய்பும் கிடைக்கும் என்பதில் மிக்க மகிழ்ச்சியே. தமிழகம் வளர்ச்சி பெறுவதைப் பார்த்து ஒவ்வொரு ஈழத் தமிழரும் உவகை கொள்வர்.

ஆனால் இத் திட்டம் தாமதிக்கப்பட வேணும் என நான் ஏன் விரும்புகிறேன் என்றால், இத் திட்டத்தால் மறுமுனையில் இருக்கும் ஈழத் தமிழர்களின் பகுதிக்கு ஏதாவது இயற்கைச் சேதாரங்கள் வருமா எனும் அச்சமே. குறிப்பாக யாழ்ப்பாணம் கடலின் மட்டத்திலிருந்து சில அடிகளே உயர்வாக இருப்பதால் இது யாழ்ப்பாணத்திற்கும் மற்றைய தமிழ்ப் பகுதிகளுக்கும் ஏதாவது பாரிய விளைவுகளை ஏற்படுத்துமா என இன்னும் சரியான ஆய்வுகள் செய்யப்படவில்லை என்றே நினைக்கிறேன். அதுவரை இத் திட்டம் தாமதிக்கப்பட வேணும் என்பதே என் அவா.

சிங்கள அரசு இத் திட்டத்தை முழுமூச்சாக எதிர்க்கிறது. பாரதிய ஜனதாக் கட்சியின் எதிர்ப்பு ஊர்வலங்கள், பேச்சுக்களுக்கு மிக முக்கியத்துவம் கொடுத்து கொழும்பில் இருந்து வெளிவரும் சிங்கள/ஆங்கில ஊடகங்கள் செய்தி வெளியிடுகின்றன.
சிங்கள அரசு இத் திட்டத்தை எதிர்ப்பதற்குக் காரணம், சிங்களப் பகுதியின் பொருளாதாரம் இத் திட்டத்தால் பாதிக்கப்படும் என்பதாலேயே. சிங்கள அரசுகளுக்கு தமிழர்களின் நிலப்பரப்பைப் பற்றி எக் கவலையும் இல்லை. அதுபற்றி அது ஆய்வுகள் செய்ததாகவும் நான் அறியவில்லை.

ஆகவே, தமிழ் வல்லுனர்களால் ஈழத்தின் தமிழ்ப்பகுதிகளுக்கு இத் திட்டத்தால் வரும் சாதக/பாதகங்களை ஆய்வு செய்யும் வரை இத் திட்டம் தாமதமாக வேணும் என்பதுதான் என் தனிப்பட்ட விருப்பம்.

இந்திய/தமிழக வல்லுனர்கள் இத் திட்டத்தால் ஈழத்தின் தமிழ்ப்பகுதிகளுக்கு ஏற்படக்கூடிய சாதக/பாதகங்களை ஆராய்ந்த தகவல்கள் ஏதாவது உங்களிடம் இருக்கிறதா?

வெட்டிப்பயல் said...

// இராம.கி said...

பெருந்தலைவர் பற்றிய அருமையான செய்தியை இங்கு கொடுத்திருக்கிறீர்கள். நான் இறை மறுப்பாளன் இல்லை. இருந்தாலும் பெருந்தலைவர் சொன்னதில் பாதியையாவது பலரும் படித்து உணர்ந்தால் சரி.

கலைஞரின் போக்கு ஒரு மாதிரி; காமராசரின் போக்கு ஒரு மாதிரி. ஒன்று இன்னொன்றிற்கு எதிரானது என்று எப்பொழுதும் சொல்லிவிட முடியாது.
//
இரண்டும் எதிரென்று நான் சொல்லவில்லை.

“நான் ஒரு சமுதாயத் தொண்டன். நாத்திகவாதி - ஆத்திகவாதி எல்லாருக்கும் சேவை செய்றவன். இந்த எண்ணம் ஒரு முதல்வருக்கு வேண்டும் இல்லையா?

இந்த நேரத்துல அவருடைய நாத்திகவாதம் வெளிப்படனுமா?

// இந்துத்துவத் தாக்குதலை தமிழர்கள் புரிந்து கொள்ள வேண்டும்.
//
தமிழ்நாட்ல அவர்கள் கால் வைக்கவே விடக்கூடாது.

// அந்தத் திட்டத்தை வரவிடாமல் செய்வதில் வடக்கிலும் தெற்கிலும் பலர் கூட்டுச் சேர்ந்திருக்கிறார்கள். (அடுத்த நாடு உட்பட.)

அன்புடன்,
இராம.கி.//

அதுக்கெல்லாம் நாம ஒற்றுமையா இருந்தா தானே வெற்றி பெற முடியும்?

வெட்டிப்பயல் said...

/இலவசக்கொத்தனார் said...

ஹ்ம்ம்ம் என்னாத்த சொல்றது....//

சும்மா ஏதாவது சொல்லுங்க கொத்ஸ் ;)

வெட்டிப்பயல் said...

//குமரன் (Kumaran) said...

கர்மவீரர் காமராசரின் இன்னொரு பரிமாணத்தை அறிந்து மகிழ்ந்தேன் பாலாஜி. இந்த நேரத்தில் இதனை எடுத்து இட்டதற்கு மிக்க நன்றி.
//
இந்த இடுகை 10 மாசத்துக்கு முன்னாடி படிச்சாலும் இன்னும் மனசை விட்டு அகலவில்லை. என்ன தெளிவா பேசியிருக்கார்.

சிவகாமியின் சபதத்தில் மகேந்திரவர்ம பல்லவனும் இதையே தான் சொல்வார்.

//
கடலில் இருப்பது இராமாயணம் சொல்லும் சேது பாலம் இல்லை என்பது மிகத் தெளிவு.//
:-))
ராமாயணமே கதைனு நம்பற கூட்டத்தை சேர்ந்தவன் நான் :-))

//
அந்த மண்திட்டுகளை நீக்குவதால் பவளப்பாறைகளுக்குத் தீங்கு நேரும்; இயற்கை சூழல் கேடு உண்டாகும் என்று சில கட்டுரைகள் படித்திருக்கிறேன். அவற்றை அறிவியல் முறைப்படி ஆய்வு செய்து செய்யத் தகுந்ததை செய்யவேண்டும். சுற்றுச்சூழல் பாதிப்பு இருக்கும் என்று தெரிந்தும் அந்த மண் திட்டுகளை இடிப்பதென்றால் அதற்குப் பொருளாதார ரீதியாகவோ மற்ற எந்த விதத்திலோ பெரும் லாபம் இருக்க வேண்டும்.//
இது தான் சரியான செயல்...

வெட்டிப்பயல் said...

// வெற்றி said...

வெட்டி,

/* தமிழகத்திற்கு நடக்கவிருந்த ஒரு மிகப்பெரிய திட்டம் (பல வருட போராட்டத்திற்கு பிறகு) தடைப்பட்டு நிற்பது தான் மிச்சம்... */

தப்பாக எடுக்காதீர்கள். இச் சேதுக்கால்வாய் திட்டம் பற்றி ஈழத்தைச் சேர்ந்தவன் எனும் முறையில் என் தனிப்பட்ட கருத்தைச் சொல்ல விரும்புகிறேன்.
//
தாராளமா சொல்லுங்க வெற்றி...

// ஒரு ஈழத்தவன் எனும் வகையில் இத் திட்டம் தாமதமாக வேண்டும் என்பதுதான் என் தனிப்பட்ட விருப்பம்.

இத் திட்டத்தால் தமிழகத்தின் பொருளாதாரம் செழிப்புறவும், பல தமிழகத்தவர்களுக்கு வேலைவாய்பும் கிடைக்கும் என்பதில் மிக்க மகிழ்ச்சியே. தமிழகம் வளர்ச்சி பெறுவதைப் பார்த்து ஒவ்வொரு ஈழத் தமிழரும் உவகை கொள்வர்.

ஆனால் இத் திட்டம் தாமதிக்கப்பட வேணும் என நான் ஏன் விரும்புகிறேன் என்றால், இத் திட்டத்தால் மறுமுனையில் இருக்கும் ஈழத் தமிழர்களின் பகுதிக்கு ஏதாவது இயற்கைச் சேதாரங்கள் வருமா எனும் அச்சமே. குறிப்பாக யாழ்ப்பாணம் கடலின் மட்டத்திலிருந்து சில அடிகளே உயர்வாக இருப்பதால் இது யாழ்ப்பாணத்திற்கும் மற்றைய தமிழ்ப் பகுதிகளுக்கும் ஏதாவது பாரிய விளைவுகளை ஏற்படுத்துமா என இன்னும் சரியான ஆய்வுகள் செய்யப்படவில்லை என்றே நினைக்கிறேன். அதுவரை இத் திட்டம் தாமதிக்கப்பட வேணும் என்பதே என் அவா.
//
கண்டிப்பா அதெல்லாம் ஆராய்ந்து தான் வெற்றி திட்டத்தை செயல்படுத்த வேண்டும்.

// சிங்கள அரசு இத் திட்டத்தை முழுமூச்சாக எதிர்க்கிறது. பாரதிய ஜனதாக் கட்சியின் எதிர்ப்பு ஊர்வலங்கள், பேச்சுக்களுக்கு மிக முக்கியத்துவம் கொடுத்து கொழும்பில் இருந்து வெளிவரும் சிங்கள/ஆங்கில ஊடகங்கள் செய்தி வெளியிடுகின்றன.
சிங்கள அரசு இத் திட்டத்தை எதிர்ப்பதற்குக் காரணம், சிங்களப் பகுதியின் பொருளாதாரம் இத் திட்டத்தால் பாதிக்கப்படும் என்பதாலேயே. சிங்கள அரசுகளுக்கு தமிழர்களின் நிலப்பரப்பைப் பற்றி எக் கவலையும் இல்லை. அதுபற்றி அது ஆய்வுகள் செய்ததாகவும் நான் அறியவில்லை.
//
அவர்களுக்கு தமிழர்களின் நலம் குறித்து என்றுதான் கவலை இருந்தது?

//
ஆகவே, தமிழ் வல்லுனர்களால் ஈழத்தின் தமிழ்ப்பகுதிகளுக்கு இத் திட்டத்தால் வரும் சாதக/பாதகங்களை ஆய்வு செய்யும் வரை இத் திட்டம் தாமதமாக வேணும் என்பதுதான் என் தனிப்பட்ட விருப்பம்.

இந்திய/தமிழக வல்லுனர்கள் இத் திட்டத்தால் ஈழத்தின் தமிழ்ப்பகுதிகளுக்கு ஏற்படக்கூடிய சாதக/பாதகங்களை ஆராய்ந்த தகவல்கள் ஏதாவது உங்களிடம் இருக்கிறதா?//
இல்லை வெற்றி.. தேடி பார்த்து கிடைத்தவுடன் தருகிறேன்.

நாகை சிவா said...

//கர்ம வீரர், கலைஞர் - யார் பாதை சரி???"//

ஒரு வருசத்துக்கு முன்னால திராவிடம் ஆரம்பிச்ச... இப்ப இங்க வந்து இருக்க... நல்ல முன்னேற்றம் தான்....

அனைவருக்கும் பொதுவாக இருக்க வேண்டிய முதல்வர் இது போன்ற செயல்களில் தேவை இல்லாமல் சொல்லை கொடுத்து பலரின் மனதை வருந்த செய்து இப்பொழுது ஒரு மதத்தவர்கள் கவுரவ பிரச்சனையாக காணும் படி செய்து விட்டார். ஆனால் அவர் இது போல செய்வது முதல் முறை என்பது தான் வேதனையான விசயம்.

எரிகிற கொள்ளியில் எண்ணெய் ஊற்றாமல் இருந்து இருக்கலாம்... இவரால் தான் இந்த திட்டம் தடைப்பெறுகிறதா என்றால் இல்லை தான்... ஆனால் தமிழகத்திலும் அத்திட்டத்திற்கு எதிர்ப்பு அலைகள் அதிகமான தற்சமயம் உருவானதற்கு இவரின் பேச்சும் ஒரு முக்கிய காரணம்.

இதையும் அரசியல் ஆக்கிய வியாபாரம் பண்ணுவர்களை என்னனு சொல்ல...

காட்டுக்குதிரை said...

//அபிஷேகம் பண்றதுக்காக கொடம், கொடமாப் பாலை வாங்கி வீணாக்குறானே மடையன்.... அந்தப் பாலை நாலு பிள்ளைங்க கிட்டே கொடுத்தா, அதுங்க புஷ்டியாவாவது வளருமால்லியா...?”“//

நம்ம காச எப்படி செலவு பண்ணனும்னு இவர் எப்படி சொல்ல முடியும்?

ஜாலிஜம்பர் said...

காமராஜர் காருக்குள் உட்கார்ந்து கதைத்ததை விட அழகாகவும்,தெளிவாகவும் ஊருக்குள் மேடை போட்டு விளக்கியவர்கள் தான் திராவிட இயக்கத் தலைவர்கள்.

ராமன் பாலம் விசயத்தில் எவ்வளவோ விளக்கங்களை கிளிப்பிள்ளைக்கு சொல்வது போல் சொல்லிவிட்டார் கலைஞர்.மீண்டும்,மீண்டும் அவரைச் சீண்டி அவர் வாயிலிருந்து ஒரு வார்த்தையை வரவழைத்து இப்போது அதைப் பிடித்து தொங்கிக் கொண்டிருக்கின்றனர்.

கலைஞரை மட்டம் தட்ட காமராஜரை துணைக்கழைத்தது சிறுபிள்ளைத்தனமாக உள்ளது.

வெட்டிப்பயல் said...

//நாகை சிவா said...

//கர்ம வீரர், கலைஞர் - யார் பாதை சரி???"//

ஒரு வருசத்துக்கு முன்னால திராவிடம் ஆரம்பிச்ச... இப்ப இங்க வந்து இருக்க... நல்ல முன்னேற்றம் தான்....
//
என்ன செய்யறது புலி... நம்ம சும்மா இருந்தாலும் இப்படி ஏதாவது பண்ணி எழுத வெச்சிடறாங்க :-(

//
அனைவருக்கும் பொதுவாக இருக்க வேண்டிய முதல்வர் இது போன்ற செயல்களில் தேவை இல்லாமல் சொல்லை கொடுத்து பலரின் மனதை வருந்த செய்து இப்பொழுது ஒரு மதத்தவர்கள் கவுரவ பிரச்சனையாக காணும் படி செய்து விட்டார். ஆனால் அவர் இது போல செய்வது முதல் முறை என்பது தான் வேதனையான விசயம்.
//
அது தான் கஷ்டமான விஷயம். பொதுவாக கலைஞர் அனைவரையும் அனைவருத்தே செல்வார். இப்ப இந்த மாதிரி பேசி பிரச்சனையை பெரிது படுத்திவிட்டார் :-(...

//
எரிகிற கொள்ளியில் எண்ணெய் ஊற்றாமல் இருந்து இருக்கலாம்... இவரால் தான் இந்த திட்டம் தடைப்பெறுகிறதா என்றால் இல்லை தான்... ஆனால் தமிழகத்திலும் அத்திட்டத்திற்கு எதிர்ப்பு அலைகள் அதிகமான தற்சமயம் உருவானதற்கு இவரின் பேச்சும் ஒரு முக்கிய காரணம்.
//
அது தான். ஒரு முதல்வர் மக்களின் நம்பிக்கையை கிண்டலடிப்பது தவறு.

//
இதையும் அரசியல் ஆக்கிய வியாபாரம் பண்ணுவர்களை என்னனு சொல்ல...//
அரசியல்வாதிகள்...

வெட்டிப்பயல் said...

// காட்டுக்குதிரை said...

//அபிஷேகம் பண்றதுக்காக கொடம், கொடமாப் பாலை வாங்கி வீணாக்குறானே மடையன்.... அந்தப் பாலை நாலு பிள்ளைங்க கிட்டே கொடுத்தா, அதுங்க புஷ்டியாவாவது வளருமால்லியா...?”“//

நம்ம காச எப்படி செலவு பண்ணனும்னு இவர் எப்படி சொல்ல முடியும்?//

அவர் எங்கயாவது மக்களிடம் இந்த மாதிரி சொன்னாரா? அது தனி மனிதரின் கருத்து. அவர் நண்பரிடம் சொல்கிறார் அவ்வளவு தான்.

வெட்டிப்பயல் said...

//ஜாலிஜம்பர் said...

காமராஜர் காருக்குள் உட்கார்ந்து கதைத்ததை விட அழகாகவும்,தெளிவாகவும் ஊருக்குள் மேடை போட்டு விளக்கியவர்கள் தான் திராவிட இயக்கத் தலைவர்கள்.
//
இங்கே திராவிட இயக்க தலைவர்கள் பற்றி எதுவும் சொல்லவில்லையே. இதை வீரமணி சொல்லியிருந்தால் தவறில்லை. ஆட்சியில் இல்லாத போது கலைஞர் சொல்லியிருந்தாலும் தவறில்லை. மக்களால் தேர்ந்தெடுத்த ஒரு மக்கள் பிரதிநிதி பேசுவது தான் தவறு.

//
ராமன் பாலம் விசயத்தில் எவ்வளவோ விளக்கங்களை கிளிப்பிள்ளைக்கு சொல்வது போல் சொல்லிவிட்டார் கலைஞர்.மீண்டும்,மீண்டும் அவரைச் சீண்டி அவர் வாயிலிருந்து ஒரு வார்த்தையை வரவழைத்து இப்போது அதைப் பிடித்து தொங்கிக் கொண்டிருக்கின்றனர்.
//
இப்ப நஷ்டம் யாருக்கு???
ஆத்திக - நாத்திக விவாதம் இரண்டாயிரம் ஆண்டுகளுக்கு மேலாக நடந்து வரும் விஷயம். அதை இந்த சமயத்தில் ஒரு முதல்வர் வெளிப்படுத்தி வெற்றி கொள்ள போவதில்லை.

//
கலைஞரை மட்டம் தட்ட காமராஜரை துணைக்கழைத்தது சிறுபிள்ளைத்தனமாக உள்ளது.//

கலைஞர் செய்தததை விட நான் செய்வது சிறுபிள்ளை தனமில்லை...


ஒரு முதல்வர் எப்படி இருக்க வேண்டும் என்று எடுத்து காட்டினேன்...

படிப்புக்கும் அறிவுக்கும் சம்பந்தமில்லை என்று தெரியாதவறா கலைஞர்??? இல்லை இதே போல் கரிக்கால சோழனை கேட்பாரா?

ராமர் மேல் நம்பிக்கை வைத்திருக்கும் தமிழர்கள் அனைவரும் வேதாந்தி சொன்னதை எதிர்க்கவே செய்வார்கள் (அரசியல்வாதிகளை கணக்கில் கொள்ள வேண்டாம்). ஆனால் உங்களை மாதிரி கடவுள் நம்பிக்கையில்லாதவர்கள் எத்தனை பேர் கலைஞர் பேசியது தவறு என்று சொல்வார்கள்???

ஓகை said...

//சும்மா வீட்டுல உக்காந்து ஆலு டிக்கி சாப்பிட்டுக்கிட்டிருந்த வி.எச்.பி ஆளுங்களுக்கெல்லாம் இப்ப காலம் வந்து காச்சு மூச்சுன்னு கத்துறாங்க. பக்தீன்னா நெனைக்கிற? இல்லவே இல்லை. அரசியல். பழமுதிர்ச்சோலைல மின்கம்பி இடிக்குதுன்னு ஏதாவது நாவல் மரத்த வெட்டுனாப் போதும்....அதுதான் முருகரு ஔவையாருக்கு நெல்லிக்கனி குடுத்த மரம்னு சண்டைக்கு வருவாங்க. இல்ல இல்ல...வரமாட்டாங்க..ஏன்னா முருகனை வெச்சித் தமிழ்நாட்டுக்குள்ள மட்டுந்தான் அரசியல் செய்ய முடியும். அகில இந்திய அளவுளன்னா ராமர்தான். ஹம்ம்ம்ம்...எல்லாரும் மறந்து போன பா.ஜ.கவுக்கு வாழ்வு.//

ராகவன் மற்றும் வெட்டிப்பயல்,

அதாவது நம்ம வச்சிருக்கறது மட்டும்தான் பக்தி. மத்தவன் ராமன் மேல வச்சுருக்கிறதெல்லாம் வெளி வேசம், காரியார்த்தமான பக்தி, அரசியல் லாபத்துக்காக மட்டும். அப்படித்தானே! மத்தவங்க பக்திய அளக்க முயற்சி பன்றதுக்கு உங்களோட பக்தி மட்டுமா அளவுகோல்?

முதல்வர் பேசுனதுல ஏதோ தப்பு நடந்திருக்குன்னுதானே காமராஜர எல்லாம் உவமை சொல்லி, காமராஜரோட நாத்திக மனத்தையும் எடுத்துக்காட்டி ஒரு பதிவு போட்டிருக்கீங்க.

நாத்திகர்களுக்காவது பக்தி என்பது இல்லாததால் அவர்களுக்கு பக்தி மனம் புரியாமலோ அல்லது வேண்டுமென்றே புன்படுத்துவதற்காவோ பேசலாம். ஆனால் தன்னுடைய பக்திதான் உசத்தி மத்தவனுங்க பக்தியெல்லாம் வெரும் புன்னாக்குன்னு பேசறது மகா அகந்தை.

kannabiran, RAVI SHANKAR (KRS) said...

//நாவல் மரத்த வெட்டுனாப் போதும்....அதுதான் முருகரு ஔவையாருக்கு நெல்லிக்கனி குடுத்த மரம்னு சண்டைக்கு வருவாங்க//

ஜிரா...என்ன ஆச்சு?
முருகன் எப்போ ஒளவைக்கு நெல்லிக்கனி கொடுத்தாரு? அதியமான்-ல்ல கொடுத்தான்?

இல்ல நாவல் மரத்துல இருந்து நெல்லி எப்படி வரும்?...ஒரு வேளை இப்படி எல்லாம் அவிங்க சொன்னாக் கூட அதையும் மக்கள் நம்புவாங்கா-ன்னு சொல்ல வந்தீங்களா? :-)))

நாகை சிவா said...

//ஆனால் அவர் இது போல செய்வது முதல் முறை என்பது தான் வேதனையான விசயம்.
//
அது தான் கஷ்டமான விஷயம். பொதுவாக கலைஞர் அனைவரையும் அனைவருத்தே செல்வார். இப்ப இந்த மாதிரி பேசி பிரச்சனையை பெரிது படுத்திவிட்டார் :-(..//

முதல் முறை அல்ல என்று வந்து இருக்க வேண்டும்...

////
இதையும் அரசியல் ஆக்கிய வியாபாரம் பண்ணுவர்களை என்னனு சொல்ல...//
அரசியல்வாதிகள்...//

வியாதிகள்...

வெட்டிப்பயல் said...

//ராகவன் மற்றும் வெட்டிப்பயல்,

அதாவது நம்ம வச்சிருக்கறது மட்டும்தான் பக்தி. மத்தவன் ராமன் மேல வச்சுருக்கிறதெல்லாம் வெளி வேசம், காரியார்த்தமான பக்தி, அரசியல் லாபத்துக்காக மட்டும். அப்படித்தானே! மத்தவங்க பக்திய அளக்க முயற்சி பன்றதுக்கு உங்களோட பக்தி மட்டுமா அளவுகோல்?

முதல்வர் பேசுனதுல ஏதோ தப்பு நடந்திருக்குன்னுதானே காமராஜர எல்லாம் உவமை சொல்லி, காமராஜரோட நாத்திக மனத்தையும் எடுத்துக்காட்டி ஒரு பதிவு போட்டிருக்கீங்க.

நாத்திகர்களுக்காவது பக்தி என்பது இல்லாததால் அவர்களுக்கு பக்தி மனம் புரியாமலோ அல்லது வேண்டுமென்றே புன்படுத்துவதற்காவோ பேசலாம். ஆனால் தன்னுடைய பக்திதான் உசத்தி மத்தவனுங்க பக்தியெல்லாம் வெரும் புன்னாக்குன்னு பேசறது மகா அகந்தை.//

ஓகை ஐயா,
ஒரு மாநில முதல்வரின் தலையையும், நாக்கையும் வெட்டி கொண்டு வர சொல்வது தான் பக்தியோ...

எனக்கு தெரிந்தவரை அதற்கு தீவிரவாதம் என்று பெயர்...

செல்வன் said...

பாலாஜி,

காமராஜருடன் ஒப்பிடும் தகுதியாவது இந்த கால அரசியல் வியாதிகளுக்கு இருக்கிறதா? இவர்களே இந்த லட்சணம் என்றால் வரும்காலத்தில் என்ன ஆகும் என நினைத்தாலே பயமாக இருக்கிறது.

G.Ragavan said...

// kannabiran, RAVI SHANKAR (KRS) said...
//நாவல் மரத்த வெட்டுனாப் போதும்....அதுதான் முருகரு ஔவையாருக்கு நெல்லிக்கனி குடுத்த மரம்னு சண்டைக்கு வருவாங்க//

ஜிரா...என்ன ஆச்சு?
முருகன் எப்போ ஒளவைக்கு நெல்லிக்கனி கொடுத்தாரு? அதியமான்-ல்ல கொடுத்தான்? //

ஐயா, நாவல் மரம்னு தெளிவாச் சொல்லீருக்கேனே. அப்புறம் ஏன் நெல்லிக்கனிக்கு எழுதுனேன். எதையும் எப்படியும் திருப்பலாம்னு சொல்றதுக்காகச் சொன்னது.

// இல்ல நாவல் மரத்துல இருந்து நெல்லி எப்படி வரும்?...ஒரு வேளை இப்படி எல்லாம் அவிங்க சொன்னாக் கூட அதையும் மக்கள் நம்புவாங்கா-ன்னு சொல்ல வந்தீங்களா? :-))) //

ஆமாம்யா. இது குற்றவாளி-குற்றம் சாட்டப்பட்டவர்ல செஞ்ச மாதிரி தப்பு இல்லை. ;)

G.Ragavan said...

// ஓகை said...

ராகவன் மற்றும் வெட்டிப்பயல்,

அதாவது நம்ம வச்சிருக்கறது மட்டும்தான் பக்தி. மத்தவன் ராமன் மேல வச்சுருக்கிறதெல்லாம் வெளி வேசம், காரியார்த்தமான பக்தி, அரசியல் லாபத்துக்காக மட்டும். அப்படித்தானே! மத்தவங்க பக்திய அளக்க முயற்சி பன்றதுக்கு உங்களோட பக்தி மட்டுமா அளவுகோல்?

முதல்வர் பேசுனதுல ஏதோ தப்பு நடந்திருக்குன்னுதானே காமராஜர எல்லாம் உவமை சொல்லி, காமராஜரோட நாத்திக மனத்தையும் எடுத்துக்காட்டி ஒரு பதிவு போட்டிருக்கீங்க.

நாத்திகர்களுக்காவது பக்தி என்பது இல்லாததால் அவர்களுக்கு பக்தி மனம் புரியாமலோ அல்லது வேண்டுமென்றே புன்படுத்துவதற்காவோ பேசலாம். ஆனால் தன்னுடைய பக்திதான் உசத்தி மத்தவனுங்க பக்தியெல்லாம் வெரும் புன்னாக்குன்னு பேசறது மகா அகந்தை. //

வெறும் புண்ணாக்குன்னு சும்மாச் சொல்லலைங்க. உண்மைன்னுதான் நான் நம்புறேன். உண்மையான பக்தி நாக்க வெட்டிக் கொண்டா...தலைய வெட்டிக் கொண்டான்னா கேக்கும்? அதுக்குப் பேரு பக்தியா. உண்மையான பக்தி என்ன தெரியுமா செய்யும். அது உண்மையிலேயே ராமர் பாலம்னு நம்புனா...அதுல விழுகுற வெட்டைத் தன்னோட கழுத்த மொதல்ல வாங்கும். அந்த அளவுக்கு எனக்கும் பக்தி கிடையாதுங்குறதுதான் உண்மை. அதுனால்தான் பாம்பின் கால் பாம்பறியுங்குற வகையில வேதாந்தியோடது பக்தி இல்லைன்னு உறுதியாச் சொல்ல முடியுது. இதுல அகந்தையெல்லம் ஒன்னுமில்லை.

அட...நமக்கு வேண்டியவங்க மேல ஒரு அடி விழுந்தாங்க்கூட குறுக்கப் போய்த் தடுப்போம். முடிஞ்சா நாமளே அருவாள எடுத்து வெட்டுவோம். அந்நேரம் காப்பாற்றியவர்களுக்குப் பரிசுன்னு காமெடி பண்ண மாட்டோம்.

கருணாநிதி சற்று நிதானமாகப் பேசியிருக்க வேண்டும் என்பதில் ஐயமில்லை. அதைச் சொல்லத் தயக்கமும் இல்லை. ஆனால் விவாதத்திற்குக் கூப்பிடுகிறாரே...அதற்குப் போக வேண்டியதுதானே. கருணாநிதி பொய் சொன்னால் விவாதத்தில் வெளிவந்து விடுமே. அப்பொழுது எல்லாரும் உங்கள் பக்கம் வருவார்கள் அல்லவா. அதை விட்டு விட்டு நாக்கைக் கொண்டா...தலையைக் கொண்டான்னு பத்துவா விடுறதெல்லாம் காட்டுமிராண்டித்தனம். இதை எந்த மதத்துக்காரங்க சொல்லீருந்தாலும் காட்டுமிராண்டித்தனந்தான்.

kannabiran, RAVI SHANKAR (KRS) said...

//உண்மையான பக்தி நாக்க வெட்டிக் கொண்டா...தலைய வெட்டிக் கொண்டான்னா கேக்கும்? அதுக்குப் பேரு பக்தியா. உண்மையான பக்தி என்ன தெரியுமா செய்யும். அது உண்மையிலேயே ராமர் பாலம்னு நம்புனா...அதுல விழுகுற வெட்டைத் தன்னோட கழுத்த மொதல்ல வாங்கும்//

ஜிரா
நீங்கள் சொல்வது மிகவும் சரி!

ஓகை ஐயா, இங்கே பக்தியில் யாரும் தாழ்ச்சி, உயர்ச்சி காணவில்லை என்றே நினைக்கிறேன்!
தொன்று தொட்டு இன்று வரை பக்தி என்பது கருணையுடன் சேர்ந்தே தான் வந்திருக்கு. அதனால் தான் இன்றும் நிலைத்திருக்கு!

திருவரங்கத்தில் அரங்கனைக் காக்க தன் மீது தான் அடி தாங்கிக் கொண்டார்கள் பக்தியாளர்கள். நாவுக்கரசர் கல்தூண் கட்டித் தன்னை மூழ்கடித்த அரசனை மாறுகால் மாறுகை வாங்கு என்றெல்லாம் சொல்லவில்லை! :-)

அதைத் தான் ஜிரா இங்கு குறிப்பிடுகிறார். பக்தியில் காட்டுமிராண்டித்தனமும் அடாவடித்தனமும் துளி கூடச் சேரவே சேராது! பக்தியே தோற்கும் நிலை வந்தால் கூட, நோற்கும் குணம் அதை விட்டுப் போகவே போகாது!

அதனால் தான் அரசர்கள் போய், மொகாலாயர்கள் வந்து, ஆங்கிலேயர் வந்து, இன்று டிஸ்கொத்தே வந்தாலும் கூட, பக்தி உள்ளம் என்பது அனைவரும் மதிக்கத்தக்க ஒன்றாய் உள்ளது!
எனவே பக்திப் போர்வையில், இது போன்ற சில வீராவேசங்களை அனுமதித்தால் நாளைய தலைமுறைக்கு ரத்தம் தான் மிஞ்சும்!

ராமர் பாலம் போனால் எம்பெருமான் இன்னொரு ராமவதாரம் எடுத்து மீண்டும் பாலம் கட்டிக் கொள்வார்! ஆனால் தலைமுறைக்கு பக்தியும் கருணையும் இல்லாது போய் விட்டால் மிகவும் கடினம்! ராமனின் சிந்தனையே பலரின் மனத்தை விட்டு நீங்கி விடும்! கருணா மூர்த்தி ராமனைக் காவு கொடுத்து விட்டு, அவன் பாதுகைகளுக்கும் பாலங்களுக்கும் கோவில் கட்டி ஒன்றும் வரப் போவதில்லை!

இந்துத்துவ அமைப்புகள் இதை மனத்தால் உணர்ந்தால், போராட்டத்துக்கு வேறு பல நல் வழிகளை நாடுவார்கள்!

பாலாஜியின் இந்தப் பதிவு காமராசரைக் கொண்டு கலைஞரை மட்டம் தட்ட எல்லாம் இல்லை!
கலைஞர் நா காத்திருந்தால் நெருப்பு பல இடங்களுக்குப் பரவாமல் இருந்திருக்கும் என்ற ஆதங்கத்தின் வெளிப்பாடு தான் இப்பதிவு! அவ்வளவே!

பாருங்கள், இப்போது கலைஞர் பேச, அவர்கள் இன்னும் தீவிரவாதம் பேச, பதிலுக்கு இவர்கள் கல்வீச்சு, கலாட்டா என்று இறங்க,....
இப்படியே பரவிக் கொண்டு தான் போகுது...தவிர ஆக்கப்பூர்வமாய் ஒன்றும் கிடையாது, இரண்டு தரப்புக்குமே!

SurveySan said...

//இந்த பாலத்தை இடிப்பதால் ராமர் தண்டனை கொடுப்பதானால் எனக்கு தரட்டும். என் நாட்டு மக்களுக்கு நன்மை ஏற்பட நான் செய்யும் இந்த செயலுக்கு உங்கள் ராமன் என்னை தண்டித்தால் அந்த பலனை நான் ஏற்று கொள்கிறேன். இப்படி சொல்லிருக்கலாம்.//

அடா அடா அடா. இப்படி சொல்லியிருந்தார்னா, எல்லாத்தையும் விட்டுப்புட்டு அவர் கால்ல சரணாகதி அடஞ்சு சாகும் வரை தொண்டனாயிருப்பேனே ;)

சன்னாசி said...

//அதாவது நம்ம வச்சிருக்கறது மட்டும்தான் பக்தி. மத்தவன் ராமன் மேல வச்சுருக்கிறதெல்லாம் வெளி வேசம், காரியார்த்தமான பக்தி, அரசியல் லாபத்துக்காக மட்டும். அப்படித்தானே! மத்தவங்க பக்திய அளக்க முயற்சி பன்றதுக்கு உங்களோட பக்தி மட்டுமா அளவுகோல்?//

இந்த பக்திமான் ராம்விலாஸ் வேதாந்தியின் பக்தி என்ன ரகம்னு நிபுணர்கள் சொல்றாங்க?

"I never said that anyone beheading Karunanidhi will be weighed in gold by the saints of Ayodhya... I had simply quoted the religious books and Bhagwat on the punishment prescribed for blasphemy," the former BJP MP told PTI in Ayodhya.

"The religious books and Gita say that a person indulging in blasphemy should be sentenced to death and his tongue should be cut off and I still stand by it," he said.

Sathiya said...

நாம விமர்சனம் பன்னுகிற அளவிற்கு கலைஞர் நடந்துக் கொண்டது வருத்தமளிக்கிறது. காமராஜரைப் பற்றி படிக்கும் பொழுது, இப்படியும் ஒரு தலைவர் நம் தமி்ழ்நாட்டில் வாழ்ந்திருக்காரா என்று வியப்படைய வைக்கிறது. என்ன தெளிவான சிந்தனை! இப்பொழுதுள்ள அரசியல்வாதிள் எவரும் அவர் கால் தூசிற்கு இணையாகமாட்டார்கள்! நம் நாட்டில் நடக்கிற வன்முறைகளுக்கெல்லாம் முக்கிய காரணமே மதவாத கட்சிகள் தான். பழமை வாய்ந்த மசூதியை இடித்து கோவில் கட்டுவாங்களாம், யாருக்கு பயன்படாத ஒரு பாலத்தை இடித்து கால்வாய் கட்ட விட மாட்டாங்களாம்! Some details on Sethu Canal Project: http://en.wikipedia.org/wiki/Ram_sethu

ஜாலிஜம்பர் said...

//பாலாஜியின் இந்தப் பதிவு காமராசரைக் கொண்டு கலைஞரை மட்டம் தட்ட எல்லாம் இல்லை!
கலைஞர் நா காத்திருந்தால் நெருப்பு பல இடங்களுக்குப் பரவாமல் இருந்திருக்கும் என்ற ஆதங்கத்தின் வெளிப்பாடு தான் இப்பதிவு! அவ்வளவே!//

கலிலியோ கூட நா காத்திருந்தால் அறிவு நெருப்பு பரவாமல் இருந்திருக்கும்.

உண்மைத் தமிழன்(15270788164745573644) said...

//அடுத்த மனுஷன் நல்லாருக்கணும்கிறதுதான் வழிபாடு. ஏழைகளுக்கு நம்மாலான உதவிகளைச் செய்யணும்கிறதுதான் பிரார்த்தனை. இதுல நாம சரியா இருந்தா... தெய்வம்னு ஒண்ணு இருந்தா அது நம்ம வாழ்த்தும்னேன்...!”//

இதுதான் சரியான பக்திண்ணேன்..

வெட்டிப் பயல் ஸார்.. காமராஜரோடு யாரையுமே ஒப்பிட முடியாது.. அவர் அனுபவத்தாலேயே பேசி, அனுபவத்தாலேயே பட்டறிவு பெற்று, அந்த அனுபவத்தாலேயே நம்மை ஆண்டவர்.. அவருடைய மதிய உணவுத் திடடம் மட்டும் இல்லையெனில் தமிழ்நாட்டில் ஒரு தலைமுறையே இன்றைக்குக் காணாமல் போயிருக்கும். அதெல்லாம் இந்த வரட்டுக் கூச்சல் போடும் கூட்டத்திற்கு எங்கே புரியப் போகுது..

நாத்திகவாதிகள் ஆங்காங்கை கிடைக்கின்ற சைக்கிள் கேப்பில் தங்களது கொள்கைகளை புகுத்த வருவதால்தான் பிரச்சினையே எழுகிறது. இப்போது கலைஞர் அதைப் பற்றி பேசாமல் ஒரு முதல்வராக பொறுப்பாக பேசியிருந்தால் நேற்று நடந்த வன்முறைகூட நிகழ்ந்திருக்காது..

வெட்டிப்பயல் said...

பூச்சாண்டி சார்,
இனிய உளவாக இன்னாத கூறல்
கனியிருப்ப காய்கவர்ந்த் தற்று

Anonymous said...

//பதிவ படிச்சா அனுபவிக்கனும்... ஆராயக்கூடாது :-)//

I don't thing you remember this:P

when i followed sannasi's link i saw this beuty of a coment:'Another attack from DMK and vedanti will even deny Ram.'

-/சுடலை மாடன்/- said...

கர்ம வீரர் காமராசர் இந்து சமயத்தையும், இராமனையும் இவ்வளவு விமர்சித்திருக்கிறார் என்பது நான் படித்திராத செய்தி. பகிர்ந்ததற்கு நன்றி.

ஆனால் காமராசர் முதல்வராய் இருந்தபடியால் தன் விமர்சனத்தைப் பொதுவில் வைக்க வில்லை. கலைஞரோ பொதுவில் வைத்து காரியத்தைக் கெடுத்து விட்டார் எனும் உங்கள் புரிதல் தவறானது.

சேதுசமுத்திரத் திட்டத்தைத் தடுப்பதற்காக கடந்த பல மாதங்களாக இராமன் என்ற முகமூடியைப் பயன்படுத்தி வரும் இந்துத்துவ சக்திகள் போலவே காமராசர் காலத்திலும் அவர் கொண்டுவந்த அரசுத்திட்டத்தை தடுக்க இராமன் முகமூடியைப் பயன்படுத்தி இருந்தார்களானால் காமராசரும் இதே போன்ற விமர்சனத்தை வெளிப்படையாகச் சொல்லியிருப்பார் என்றுதான் மேலே தரப்பட்ட அவருடைய தனிப்பட்ட விமர்சனத்தில் உள்ள வீரியத்தின் அடிப்படையில் நான் நினைக்கிறேன்.

அப்படி ஒரு சந்தர்ப்பத்தில்தான் (பசுவதைத் தடைச்சட்டத்தையொட்டி என நினைக்கிறேன்) காமராசரின் கருத்து பிடிக்காமல் டெல்லியில் அவர் தங்கியிருந்த வீட்டுக்குத் தீ வைத்தது இதே இந்துத்துவக் கும்பல்.

அதனால் கலைஞர் பேசியது முற்றிலும் சரியானதே.

நன்றி - சொ. சங்கரபாண்டி

Anonymous said...

/*
டேய்... கிறுக்கா... நான் சொல்றது ஒனக்கு விளங்கலியான்னேன்....? ராமன், கிருஷ்ணன்கிறது கற்பனைக் கதாபாத்திரம்னேன். அதையெல்லாம் நம்மாளு கடவுளாக்கிட்டேன்னேன்....! இன்னிக்கு நம்ம சினிமாவுல வர்ற கதாநாயகனுக்குக் ‘கட்அவுட்’ வைக்கிறானில்லையா... அது மாதிரி அந்தக் காலத்துல கதாநாயகன் மாதிரி வருணிக்கப் பட்ட ராமனுக்கும், கிருஷ்ணனுக்கும் கோயில் கட்டிபுட்டான்.
*/

::-))))))))))

Thanks.

ஓகை said...

//காமராஜர் காருக்குள் உட்கார்ந்து கதைத்ததை விட அழகாகவும்,தெளிவாகவும் ஊருக்குள் மேடை போட்டு விளக்கியவர்கள் தான் திராவிட இயக்கத் தலைவர்கள்.//

பொதுமக்களை விடுங்கள். உங்களுடைய இந்தக் கூற்றை எத்தனை திமுக கட்சியைச் சேர்ந்தவர்கள் ஒப்புக் கொள்வார்கள் என்று நினைக்கிறீர்கள்? காமராஜ் முதல்வராக இருந்தபோது சென்னை ஆழ்வார்பேட்டை சந்திப்பில் தற்செயலாக ஒரு கார் நின்றுபோய் போக்குவரத்து தடை ஏற்பட்டபோது காரிலிருந்து இறங்கி நின்று போயிருந்த அந்தக்காரை எல்லோருடனும் சேர்ந்து தள்ளி ஓரம் சேர்த்து பின் தன் காரில் ஏறிக் கொண்டவர்தான் கர்ம வீரர் காமராஜர். இந்த சம்பவம் அந்தக் கால திமுக நண்பர்களுக்கும் தெரியும்.

//ராமன் பாலம் விசயத்தில் எவ்வளவோ விளக்கங்களை கிளிப்பிள்ளைக்கு சொல்வது போல் சொல்லிவிட்டார் கலைஞர்.மீண்டும்,மீண்டும் அவரைச் சீண்டி அவர் வாயிலிருந்து ஒரு வார்த்தையை வரவழைத்து......//

ஆகா, இதே வேலையாக அலைபவர்களின் நோக்கம் ஒன்றுமே தெரியாமல் வாய் தவறிச் சொல்லிவிட்டார். அப்ப்படித்தானே?


//கலைஞரை மட்டம் தட்ட காமராஜரை துணைக்கழைத்தது சிறுபிள்ளைத்தனமாக உள்ளது.//

நாத்திக வாதம் கொண்டிருந்தாலும் பிறர் கருத்தைப் பெரிதாக மதிக்கும் காமராஜரின் மாண்பு இங்கே சுட்டிக் காட்டப்பட்டது.

ஓகை said...

//ஓகை ஐயா,
ஒரு மாநில முதல்வரின் தலையையும், நாக்கையும் வெட்டி கொண்டு வர சொல்வது தான் பக்தியோ...

எனக்கு தெரிந்தவரை அதற்கு தீவிரவாதம் என்று பெயர்...//

ஒரு மாநில முதல்வரைப் பற்றி அப்படிச் சொல்லப்படவில்லை. இது திரித்தல். இராமனைப் பழித்தவரைப் பற்றியே அப்படி சொல்லப்பட்டிருக்கிறது.

ஆனால் யாரைப் பற்றி அப்படி சொல்லியிருந்தாலும் அது தீவிரவாதம் என்பதில் எந்தவித ஐயமும் இல்லை. உங்களுடன் நூற்றுக்கு நூறு உடன்படுகிறேன்.

ஆனால் உங்கள் பதிவு அதைப் பற்றியது அல்லவே!

//இங்க மத்த மதத்தை பத்தி பேச எதுவும் தேவையில்லை.

ராமர் இருந்தாரா? பாலம் கட்டினாரா? ஆதாரம் இருக்கானு முக்கியமில்லை.

ஒரு முதல்வர் இப்படி பேசலாமானு? தான் என் கேள்வி.//

இப்படி தனியாக பின்னூட்டத்தில் விளக்கமும் கொடுத்திருக்கிறீர்களே!

ஒரு தவறைக் கண்டிக்க எழுதப்பட்ட பதிவில் அத்தவறுக்கு எதிர்வினையாக நிகழ்ந்த இன்னொரு தவறைச் சுட்டி இந்தத் தவறின் கடுமையை நீர்த்துப்போகச் செய்ய முனைவதுமல்லாமல், மறைமுகமாக மற்றவர்களின் தவறுகளை இதைவிட பெரிதாகவும் காட்ட முற்பட்டதோடு மட்டுமல்லாமல், பக்தி கொண்டவர்கள் இப்பேச்சால் புண்பட்டிருப்பதையும் எள்ளிடும் விதமாக எழுதியிருப்பதை எப்படி ஏற்றுக் கொள்ள முடியும்?


சேது சமுத்திரத் திட்டம் கண்டிப்பாக நிறைவேற்றப்பட வேண்டிய திட்டம் என்று வேறு சில இடங்களில் பலமாக ஆதரித்து எழுதியிருக்கிறேன். இந்த என்னுடைய எதிர்வினை உங்கள் பதிவின் பொருள் தொடர்பானது மட்டுமே.

ஓகை said...

//வெறும் புண்ணாக்குன்னு சும்மாச் சொல்லலைங்க. உண்மைன்னுதான் நான் நம்புறேன். உண்மையான பக்தி நாக்க வெட்டிக் கொண்டா...தலைய வெட்டிக் கொண்டான்னா கேக்கும்? அதுக்குப் பேரு பக்தியா. உண்மையான பக்தி என்ன தெரியுமா செய்யும். அது உண்மையிலேயே ராமர் பாலம்னு நம்புனா...அதுல விழுகுற வெட்டைத் தன்னோட கழுத்த மொதல்ல வாங்கும். அந்த அளவுக்கு எனக்கும் பக்தி கிடையாதுங்குறதுதான் உண்மை. அதுனால்தான் பாம்பின் கால் பாம்பறியுங்குற வகையில வேதாந்தியோடது பக்தி இல்லைன்னு உறுதியாச் சொல்ல முடியுது. இதுல அகந்தையெல்லம் ஒன்னுமில்லை.//

மீண்டும் பக்தியைப் பற்றிய ஒரு நீண்ட விரிவுரை. உங்கள் அறிவுக்கு எட்டியதை அவர் செய்யவில்லை. அதனால் அது பக்தி இல்லை என்று சொல்லுகிறீர்கள். பாம்பின் கால் பாம்பறியும்னு சொல்லி உங்களைப் பக்திமான் என்று வெளிப்படுத்திக் கொள்கிறீர்கள்.

தாயைப் பழித்தவனைக் கொல்ல முயல்பவனை மூர்க்கன் என்று சொல்லலாம். முட்டாள் என்று சொல்லலாம். ஆத்திரக்காரன் என்று சொல்லலாம். காட்டுமிராண்டி என்று சொல்லலாம். ஆனால் அவன் தாயன்பை குற்றம் சொல்ல முடியுமா?

பக்தி உங்களுக்கு பகடைக் காயாகப் போய்விட்டதே! பக்தியைப் பழிப்பவருக்குக் கேடயமாக உங்கள் பக்தியையே பயன்படுத்துகிறீர்கள்! பலே!

வெட்டிப்பயல் said...

ஓகை ஐயா,
தாயிக்காக உயிர் கொடுக்க தமையன் வருவான். ஆனால் இன்று உயிரெடுக்க தயாராக இருப்பவர்களில் எத்தனை பேர் உயிர் கொடுக்க தயாராவார்கள்.

//
ஒரு தவறைக் கண்டிக்க எழுதப்பட்ட பதிவில் அத்தவறுக்கு எதிர்வினையாக நிகழ்ந்த இன்னொரு தவறைச் சுட்டி இந்தத் தவறின் கடுமையை நீர்த்துப்போகச் செய்ய முனைவதுமல்லாமல், மறைமுகமாக மற்றவர்களின் தவறுகளை இதைவிட பெரிதாகவும் காட்ட முற்பட்டதோடு மட்டுமல்லாமல், பக்தி கொண்டவர்கள் இப்பேச்சால் புண்பட்டிருப்பதையும் எள்ளிடும் விதமாக எழுதியிருப்பதை எப்படி ஏற்றுக் கொள்ள முடியும்?//

தவறு செய்திருந்தால் மன்னிக்கவும்...

siva said...

Its not the first time kalaingar said like this! He used to hurt hindus for a while!

I dont think so its the right way to express his thoughts!As a c.m. and he shld also give respect to the beleif of hindus!I strongly condemn mr.karunanithis statement in this issue!

Anonymous said...

ஓகை அய்யா,

வேதாந்தி அவர்களின் பக்தியை பற்றி சன்னாசி கேட்ட கேள்வி உங்களுக்கு தான் அய்யா.ஏன் ஓடுகிறீர்கள்? நின்று விளையாடுங்கள்