தத்துவம்

உலகத்துல உன்னை விட பெரியவன் யாரும் இல்லை அதனால நீ யாருக்கும் பயப்படாதே! அதே மாதிரி உன்னை விட சின்னவன் யாரும் இல்லை அதனால நீ யாரையும் தாழ்வா நினைக்காதே!!! அய்யம்பேட்டை அறிவுடை நம்பி கலியபெருமாள் சந்திரன்

Wednesday, May 30, 2007

பிட் அடிச்சா தப்பா?

அப்பாலஜி லெட்டரை பத்தி ஏற்கனவே ஒரு பதிவ போட்டிருக்கேன். இது அதோட அடுத்த பாகம்

காலேஜ்ல இண்டர்னல் டெஸ்ட்னு ஒண்ணு இருந்ததுங்க. 50 மார்க்குக்கு வைப்பாங்க. அதுல பாத்தீங்கனா பத்து ஒரு மார்க் கேள்வி, ஒரு நாலு, அஞ்சி பெரிய கேள்வி இருக்கும். அந்த கேள்வி என்னனு முதல்லயே வாத்தியாருங்க சொல்லிடுவாங்க. அதை படிச்சிட்டு வந்து எழுதனும். அப்படியாவது எங்களை படிக்க வைக்கலாம்னு முயற்சி எடுத்தாங்க. நம்மக்கிட்ட இந்த வேலையெல்லாம் பலிக்குமா?

கரெக்டா பரிட்சைக்கு முன்னாடி எல்லாரும் கூட்டமா சேர்ந்து பிட் எழுதுவாங்க. பொதுவா எல்லாரும் எப்படி எழுதுவாங்கனா ஆளுக்கு ஒரு கேள்வி இல்லை ரெண்டு கேள்வினு பிரிச்சி எழுதுவாங்க. இதுக்கு பேரு டிவைட் அண்ட் காப்பி பாலிஸி. நமக்கு அந்த ஒரு கேள்வி எழுதறதுக்கும் சோம்பேறித்தனம். அப்படி அஞ்சி கேள்விக்கும் பதில் எழுதி நம்ம என்னத்த சாதிக்க போறோம். பேசாம நாம ஒரு கேள்வியை ஃபிரியா விட்டுட்டு மீதிக்கு மட்டும் பசங்ககிட்ட வாங்கி எழுதிடலாம்னு முடிவு பண்ணிட்டு ஜாலியா ப்ரைன் லாரா கிரிக்கெட் விளையாடிட்டு இருந்தேன்.

பரிட்சை ஹாலுக்கு கணக்கு டிப்பார்ட்மெண்ட்ல இருந்து ஒரு மேடம் வந்திருந்தாங்க. பாதி நேரத்துல அவுங்க பர்சனல் வேலை இருக்குனு அதே டிப்பார்ட்மெண்ட்ல இருக்கற இன்னொரு மேடமை விட்டுட்டு போயிட்டாங்க. இப்ப வந்தவங்க பாக்கறதுக்கு கொஞ்சம் நல்லவங்க மாதிரி இருந்தாங்க.

நானும் ஒரு வழியா 4 கேள்விக்கு பசங்ககிட்ட இருந்து வாங்கி எழுதிட்டேன். பார்த்தா நான் எழுதாத கேள்விக்கு பிட் என் பின்னாடி இருந்த பையன்கிட்ட இருந்துச்சு. சரியா இன்னும் 5 நிமிஷம்தான் இருந்துச்சி. அவன்கிட்ட இருந்து ஒரு வழியா அந்த பிட்டை வாங்கிட்டேன். வாங்கிட்டு எழுந்து நின்றேன்.

"என்னப்பா?"

"மேடம்.. பரிட்சை 15 நிமிஷம் லேட்டாதான் ஆரம்பிச்சிங்க. அதனால எக்ஸ்ட்ரா டைம் கொடுக்கனும்"

"அந்த மேடம் அப்படி சொல்லலையே"

"மேடம் நான் என்ன பொய்யா சொல்ல போறேன். நீங்க வேணா அவுங்களையே கேட்டு பாருங்க மேடம்"

"சரி 15 நிமிஷம் தான். அதுக்கு மேல கிடையாது"

"ஒகே மேடம் தேங்ஸ்"

ஒரு வழியா 5 கேள்வியும் எழுத சான்ஸ் கிடைச்சுதுனு உக்கார்ந்து எழுத ஆரம்பிச்சிட்டேன். ஆனா அதுக்குள்ள எல்லாரும் முடிச்சிட்டு பேப்பர் கொடுத்துட்டு வெளிய போயிட்டானுங்க. நான் மட்டும் தனியா உக்கார்ந்து எழுதிட்டு இருந்தேன். மேடம் பாக்கறதுக்கு கொஞ்சம் நல்லவங்க மாதிரி இருந்தாங்க. சரி எவ்வளவு நேரம் தான் கீழ வெச்சி மறைச்சி எழுதறது. மேல வெச்சி எழுதினா சீக்கிரம் எழுதிடலாம். அவுங்களும் நமக்காக வெயிட் பண்ண வேணாம்னு நல்ல எண்ணத்துல, மேலையே பிட்டை வெச்சி எழுத ஆரம்பிச்சிட்டேன்.

அவுங்க பக்கத்துல வந்து பார்த்தாங்க. அப்பவும் இவுங்க ரொம்ப நல்லவங்களாவே இருக்காங்கனு மேலையே வெச்சி எழுதிட்டு இருந்தேன். திடீர்னு அந்த பிட் பேப்பரை பிடுங்கிட்டாங்க.

"என்ன இது? இதுக்கு தான் எக்ஸ்ட்ரா டைம் கேட்டியா?"

எனக்கு என்ன சொல்றதுனே தெரியல. அவுங்களுக்கு என்னுமோ பெருசா சாதிச்ச மாதிரி ஒரு திருப்தி.

"தனியா உக்கார்ந்து எழுதும் போதே இப்படி பண்ற நீ. உனக்கு என்னை பார்த்தா கேணச்சி மாதிரி தெரியுதா?"

ஆமாம்னு உண்மையை சொல்லிடலாமானு கூட பார்த்தேன். பின்ன க்ளாஸே காப்பி அடிச்சிது. அப்ப பிடிக்கல. நானும் மீதி 4 கேள்விக்கு அடிக்கும் போது பிடிக்கல. தனியா எழுதும் போதும் மறைச்சி வெச்சி எழுதும் போது பிடிக்கல. போனா போவுது மேடமை ரொம்ப நேரம் வெயிட் பண்ண வைக்க வேணாம்னு நல்ல எண்ணத்துல மேல வெச்சி எழுதும் போது பிடிச்சிட்டு வீர வசனம் பேசனா என்ன பண்றது?

பேப்பரை குடுத்துட்டு வந்துட்டேன். எல்லாருக்கும் ஒரே சந்தோஷம். அப்பாடா மாட்டினான்டானு. ஒரு பரிட்சைக்கும் பிட் எழுதாம ஓசி பிட்டுல பாஸானா எல்லாருக்கும் வயித்தெரிச்சல் இருக்கும் தானே.

சரினு டிப்பார்ட்மெண்டுக்கு போய் அந்த வாத்தியார்கிட்ட நடந்ததை சொன்னேன்.
அவர் சிரிச்சிக்கிட்டே "ஏன்டா போன தடவை உனக்கு 50 போட்டு பாசாக்கினேனே. ஒரு கேள்விக்காவது பதில் சரியா எழுதியிருந்தயா? ஏதாவது எழுதி தொலைக்க வேண்டியது தானே?"

"போன தடவை விட்டத இந்த தடவை பிடிக்கலாம்னு தான் முயற்சி செஞ்சேன்" அப்படினு அப்பாவியா சொன்னேன்

"சரி ஒரு அப்பாலஜி லெட்டர் எழுதி கொடுத்துட்டு போ. நான் பாத்துக்கறேன்" அப்படினு பெருந்தன்மையா சொல்லிட்டாரு.

நானும் வழக்கம் போல "I was writing the test, even after the given time and I will not do this" னு பெருந்தன்மையா செஞ்ச தப்ப ஒரு லெட்டர்ல எழுதி கொடுத்துட்டேன்.

அதுக்கு அடுத்து வீக் எண்ட் முடிஞ்சி திங்க கிழமை வழக்கம் போல 8:45 க்ளாஸிக்கு 9:15க்கு போனேன். பார்த்தா உள்ள HOD நின்னு ஏதோ பேசிட்டு இருந்தாரு. அது அவர் பீரியட் இல்லை. ஏதோ டிப்பார்ட்மெண்ட் விஷயமா எப்பவும் போல பேச வந்திருக்காருனு நினைச்சேன். ஆஹா லேட்டா வந்து மாட்டிக்கிட்டமேனு அவர் பாக்கறதுக்குள்ள அப்படியே எஸ்ஸாயிடலாம்னு பார்த்தேன். அவர் சரியா பாத்துட்டாரு.

என்னை பார்த்துட்டு வந்தாரு, "என்னப்பா பாலாஜி? என்னப்பா இது?" ரொம்ப டென்ஷனா கேட்டாரு

8.45 க்ளாஸிக்கு 8:50க்கு வந்தாலே டென்ஷனாவாரு. இவ்வளவு லேட்டா வந்துட்டமே. எப்படி தப்பிக்கலாம்னு பயங்கரமா யோசிச்சேன். சரி வழக்கம் போல எல்லாரும் சொல்ற பொய்ய சொல்லுவோம்னு முடிவு பண்ணிட்டு

"சார்! ஹாஸ்டல்ல தண்ணி வரலை. அதான்... " அப்படினு இழுத்தேன்

"ஏம்பா ஹாஸ்ட்டல்ல தண்ணி வராததுக்கும் நீ காப்பி அடிச்சதுக்கும் என்னப்பா சம்பந்தம்?" அப்படினு டென்ஷனா கேட்டாரு

ஓ அப்ப லேட்டா வந்ததுக்கு திட்டலயா? இது பழைய மேட்டருக்கா? (பிட் அடிச்சி மாட்டினதையே வீக் எண்ட்ல ஓர் சுத்தனதுல மறந்துட்டேன்.)

"சார்..." அப்படினு இழுத்தேன்.

உடனே அவர் "ஏம்பா பிட் அடிச்சி மாட்னதுக்கூட தப்பில்லை. ஆனா அதை எக்ஸ்ட்ரா டைம் கேட்டு அடிச்சதெல்லாம் ஓவரா தெரியலையா?" அப்படினு ஃபீல் பண்ணாரு

"சார் அந்த மேடம் பாக்க நல்லவங்க மாதிரி இருந்தாங்க... அதான்" அப்படினு நான் இழுக்க.

"மத்த டிப்பார்ட்மெண்ட் ஸ்டாஃகிட்ட மாட்டி இப்படி மானத்தை வாங்கிட்டயேப்பா
சரி டிப்பார்ட்மெண்ட்க்கு வந்து ஒரு அப்பாலஜி லெட்டர் எழுதி கொடு. இனிமே இப்படி பண்ணாத" அப்படினு சொல்லிட்டு போயிட்டாரு.

நானும் அதே லெட்டரை இன்னோரு காப்பி போட்டு கொடுத்துட்டேன். பிட் அடிக்கறதெல்லாம் ஒரு தப்புனு ஆளாளுக்கு அப்பாலஜி லெட்டர் எழுத சொல்றாங்கப்பா. யாரோ ஏற்கனவே எழுதி வெச்சதை பார்த்து எழுதனா என்ன? பார்க்காம எழுதனா என்ன? எல்லாமே காப்பி தானே?

55 comments:

தமிழ் சசி said...

எங்க காலேஜ்ல நிறைய அப்பாலஜி எழுதிக்கொடுத்த நண்பருக்கு பட்டப்பெயர் "அப்பாலஜி ..." என்றே வைத்து விட்டோம்

என்ன ஆச்சரியம் அவர் பெயர் கூட பாலாஜி தான்

இந்த பாலாஜிங்களே இப்படி தானா :-)

வெட்டிப்பயல் said...

//தமிழ் சசி said...

எங்க காலேஜ்ல நிறைய அப்பாலஜி எழுதிக்கொடுத்த நண்பருக்கு பட்டப்பெயர் "அப்பாலஜி ..." என்றே வைத்து விட்டோம்

என்ன ஆச்சரியம் அவர் பெயர் கூட பாலாஜி தான்

இந்த பாலாஜிங்களே இப்படி தானா :-) //

தலைவா,
நம்ம எல்லாம் இதுல சாதாரணம்... ஒவ்வொரு செம்முக்கும் மாட்டி அப்பாலஜி கொடுக்கற கூட்டம் நிறைய இருக்கு ;)

அதே மாதிரி ஹாஸ்டல்ல பட்டாசு வெடிச்சதுக்கு, வார்டன் ரூமை பூட்டினதுக்கு இப்படி நிறைய விஷயத்துக்கு மாட்டி அப்பாலஜி லெட்டர் கொடுத்த கேஸிங்க இருக்காங்க.

Syam said...

வெட்டி நான் கொஞ்சம் டெக்குனாலஜி யூஸ் பண்ணிட்டேன்....பிட் எழுதிட்டு வரவங்ககிட்ட வாங்கி ஒரு ஜெராக்ஸ் எடுத்திட்டு போய்டுவேன்...அடுத்தவன் எழுதி முடிக்கற வரைக்கும் வெயிட் பண்ண வேண்டாம் இல்ல :-)

வெட்டிப்பயல் said...

//Syam said...

வெட்டி நான் கொஞ்சம் டெக்குனாலஜி யூஸ் பண்ணிட்டேன்....பிட் எழுதிட்டு வரவங்ககிட்ட வாங்கி ஒரு ஜெராக்ஸ் எடுத்திட்டு போய்டுவேன்...அடுத்தவன் எழுதி முடிக்கற வரைக்கும் வெயிட் பண்ண வேண்டாம் இல்ல :-) //

நாட்ஸ்,
நமக்கு பரிட்சைக்கு முன்னாடி எவனும் தர மாட்டான். வாங்கிட்டு கொடுக்காம ஏமாத்திடுவனு ஒரு அபார நம்பிக்கை ;)

வெட்டிப்பயல் said...

நாட்ஸ்,
SJ சூர்யா பதிவுக்கு நீங்க வராததுக்கு ஏதோ காரணம் இருக்குனு மக்கள் பேசிக்கிறாங்களே. உண்மையா?

மின்னுது மின்னல் said...

Syam said...
வெட்டி நான் கொஞ்சம் டெக்குனாலஜி யூஸ் பண்ணிட்டேன்....பிட் எழுதிட்டு வரவங்ககிட்ட வாங்கி ஒரு ஜெராக்ஸ் எடுத்திட்டு போய்டுவேன்...அடுத்தவன் எழுதி முடிக்கற வரைக்கும் வெயிட் பண்ண வேண்டாம் இல்ல :-)
///

நாங்க எல்லாம் நோட்ஸ பக்கத்த ஜெராக்ஸ் மிஷினில் சின்னதா காப்பி எடுத்து யூஸ் பண்ணுவோம்...:)

மின்னுது மின்னல் said...

+1 ல எல்லா !!! பரிச்சைக்கும் பிட்டடிச்சே ஃபஸ்ட் ரேங்கு வாங்குனவன் இந்த மின்னலு என்பதை இங்கே கூவிக்கிகொள்ள வாய்பளித்த தம்பி வெட்டிக்கு நன்றி கூறி தூங்க போறேன்...:)

இலவசக்கொத்தனார் said...

//எங்க காலேஜ்ல நிறைய அப்பாலஜி எழுதிக்கொடுத்த நண்பருக்கு பட்டப்பெயர் "அப்பாலஜி ..." என்றே வைத்து விட்டோம்//

எங்க நியூசி டீச்சர் கிட்ட மட்டும் இந்த அப்பாலஜி மாட்டி இந்த அப்பா(வி) லாஜி க் ட்ரைப் பண்ணி அப்பால ஜின்னு அடிக்கப் போகப் பார்த்தான்னு வையுங்க சும்மா விட மாட்டோமில்ல.

சிங்கம்லே ACE !! said...

சம ரவுசி பண்ணி இருக்கீங்க..ROTFL :D

நாங்களாம் இன்னுமே சோம்பேறி.. அதனால இந்த மாதிரி டெஸ்ட்லாம் போகவே மாட்டோம்.. :D :D

சிங்கம்லே ACE !! said...

பிட் அடிச்சா தப்பா??

கிடையவே கிடையாது.. ஆனா பிட் அடிச்சி மாட்டிகறது, மன்னிக்க முடியாத பெரும் குற்றம்.. :D :D

வடுவூர் குமார் said...

காலேஜில் அடி எடுத்துவைக்கப்போகும் என் மகனுக்கு இப்பதிவு "சமர்ப்பணம்"
:-))
அதென்னவோ உங்க பெயர் (வெ.பயல்)கேட்டாலே அவனை அறியாமல் சிரித்துவிடுகிறான்.
மேல் விபரம்: அவன் நிஜப்பெயரும் உங்கள் நிஜப்பெயரும் 100% பொருத்தம்.

kannabiran, RAVI SHANKAR (KRS) said...

:-)

கப்பி பய said...

நாங்களும் புதுசா வந்த மேடம்கிட்ட இப்படி ஒரு ரவுசு பண்ணியிருக்கோம். சும்மா ஒரு நாளைக்கு வர்றவங்க தானேன்னு ஓவரா லந்து பண்ணதுக்கப்புறம்தான் தெரிஞ்சது அடுத்த நாள்ல இருந்து அந்த சப்ஜெக்ட் அவங்க தான் எடுக்கப் போறாங்கன்னு...அவங்க நல்லவங்களா இருந்ததால பிழைச்சு போங்கடான்னு விட்டுட்டாங்க :)))

ஒரு முறை ஒருத்தனோட எக்ஸாம் பேப்பர் ஒவ்வொருத்தனா பார்த்து எழுதிட்டு கடைசி நேரத்துல அது எவன்கிட்ட இருக்குன்னு யாருக்கும் தெரியாம அரக்கபறக்க கண்டுபிடிச்சு கட்டி கொடுத்துட்டு வந்தோம்(காட்டிக் கொடுக்கல) :)))


ஆனா பிட் அடிச்சு மாட்டி ஒரு வருஷம் உட்கார வச்ச கதையெல்லாமும் நடந்திருக்கு :(

ஜோதி said...

//பிட் அடிச்சா தப்பா? //

பிட் பார்த்தா தப்பா?

சந்தோஷ் aka Santhosh said...

:)) கலக்கல் வெட்டி...சுமா இருந்தாலும் உனக்கு தான் எம்முட்டு பேரு. அப்பாலஜி வேற.

//பிட் அடிச்சா தப்பா??

கிடையவே கிடையாது.. ஆனா பிட் அடிச்சி மாட்டிகறது, மன்னிக்க முடியாத பெரும் குற்றம்.. :D :D//
இது தான் சரியான தீர்ப்பு...

Anonymous said...

ரிசர்வேஷன் குடுத்தா இப்படித்தான் பிட் அடிச்சு மானத்தை வாங்குவாங்க. இதுக்குத்தான் ரிசர்வேஷன் மண்ணையெல்லாம் தூக்கிக் கடாசுங்கறேன், எல்லாம் மெரிட்டுல வரணும்.

-கர்மவீரர் காமராஜர்

சும்மா தமாசுக்கு எடுத்துக்கோங்க பாலாஜி. நீங்க ரிசர்வேஷன் குறிச்சு எழுதினீங்களே - மெரிட்டில போட்டா பிரிச்சுருவாங்க, கிருமி லேயரைத் தூக்குங்க அப்படின்னு, அதில ஆப்பு வைக்கணும்னா இப்படித்தான் வைப்பாங்க. டேக் இட் ஈஸி. மெரிட்ல வந்தவன்லாம் பிட்டு அடிப்பானா, ரிசர்வேசன்ல வந்தவந்தான் அடிப்பான் - என்ன, சரிதான?

Ram Ravishankar said...

'அப்'பாலாஜி -

நாலு பேரோட சேர்ந்து அடிச்சா, எந்த பிட்டும் தப்பில்லே!! ;-)

..ராம்

Anonymous said...

//க்ளாஸ்ல எல்லாரும் அடிப்பானுங்க. எனக்கு பின்னாடி இருந்து பிட்ட கொடுத்தவன் OCல வந்தவன் தான்.//

அடடே பாலாஜி சார் கோவிச்சுட்டீங்க போல உள்குத்து வெளிக்குத்துன்னு ஏதோ சொல்றாங்களே, நான் வச்சது உள்குத்துன்னு புரிஞ்சுக்கலியா சார்? ஏக வசனத்துல ஏத்த இறக்கத்தோட பேசுரீங்க, பரவாயில்ல விடுங்க சார் - பின்னாடி இருந்து பிட்ட கொடுத்தவன் OCங்கறீங்க, அப்ப அவன் மெரிட்டுல வந்து என்னத்தைக் கிழிச்சான்? இட ஒதுக்கீடு குடுத்தா மெரிட் போயிடும், லோகமே மெண்டல் ஆயிடும்னு பொருத்திப் போடுறவனுகளைப் பத்தித்தானே சார் நான் சொன்னது? நீங்க ஏன் இதுக்கு கோவப்படறீங்க? என்னமோ போங்க சார். ஜாலியா கமெண்டு வைக்கிறவங்களை ஜாக்கி வைச்சுத் தூக்கி ஆப்பு சொருகிறதைப் பத்தித்தான சார் நான் சொல்றது? என்னையவே குத்தம் சொன்னா எப்பிடி?

வெட்டிப்பயல் said...

// Anonymous said...

ரிசர்வேஷன் குடுத்தா இப்படித்தான் பிட் அடிச்சு மானத்தை வாங்குவாங்க. இதுக்குத்தான் ரிசர்வேஷன் மண்ணையெல்லாம் தூக்கிக் கடாசுங்கறேன், எல்லாம் மெரிட்டுல வரணும்.

-கர்மவீரர் காமராஜர்

சும்மா தமாசுக்கு எடுத்துக்கோங்க பாலாஜி. நீங்க ரிசர்வேஷன் குறிச்சு எழுதினீங்களே - மெரிட்டில போட்டா பிரிச்சுருவாங்க, கிருமி லேயரைத் தூக்குங்க அப்படின்னு, அதில ஆப்பு வைக்கணும்னா இப்படித்தான் வைப்பாங்க. டேக் இட் ஈஸி. மெரிட்ல வந்தவன்லாம் பிட்டு அடிப்பானா, ரிசர்வேசன்ல வந்தவந்தான் அடிப்பான் - என்ன, சரிதான? //

அனானி,
சும்மா காமெடி பண்ணாதீங்க... எனக்கு பிட் கொடுத்த டாகே OCல வந்தவன் தான் ;)

வெட்டிப்பயல் said...

// Anonymous said...

//க்ளாஸ்ல எல்லாரும் அடிப்பானுங்க. எனக்கு பின்னாடி இருந்து பிட்ட கொடுத்தவன் OCல வந்தவன் தான்.//

அடடே பாலாஜி சார் கோவிச்சுட்டீங்க போல உள்குத்து வெளிக்குத்துன்னு ஏதோ சொல்றாங்களே, நான் வச்சது உள்குத்துன்னு புரிஞ்சுக்கலியா சார்? ஏக வசனத்துல ஏத்த இறக்கத்தோட பேசுரீங்க, பரவாயில்ல விடுங்க சார் - பின்னாடி இருந்து பிட்ட கொடுத்தவன் OCங்கறீங்க, அப்ப அவன் மெரிட்டுல வந்து என்னத்தைக் கிழிச்சான்? இட ஒதுக்கீடு குடுத்தா மெரிட் போயிடும், லோகமே மெண்டல் ஆயிடும்னு பொருத்திப் போடுறவனுகளைப் பத்தித்தானே சார் நான் சொன்னது? நீங்க ஏன் இதுக்கு கோவப்படறீங்க? என்னமோ போங்க சார். ஜாலியா கமெண்டு வைக்கிறவங்களை ஜாக்கி வைச்சுத் தூக்கி ஆப்பு சொருகிறதைப் பத்தித்தான சார் நான் சொல்றது? என்னையவே குத்தம் சொன்னா எப்பிடி? //

ஏனுங்க இதுல வந்து இட ஒதுக்கீட பத்தி பேசனா என்ன பண்ணறது? அதுக்குனு ஒரு பதிவு இருக்கு. மக்கள் டைவர்ட் ஆவாங்க இல்லை...

அப்பறம் ஒரு முக்கியமான மேட்டர். பாலாஜி சார், மோர் எல்லாம் வேண்டாமே.

மரியாதையா வெட்டினு கூப்பிடுங்க. இல்லை பாலாஜி கூட ஓகேதான். :-))

Anonymous said...

//மரியாதையா வெட்டினு கூப்பிடுங்க. இல்லை பாலாஜி கூட ஓகேதான். :-))//

சார்சார் சாரி சார், தப்புங் சார். மன்ச்கோங்க சார் பாலாஜி சார் ;-)

டைவர்ஷனுக்கு மன்ச்சிக்கோங்க வெட்டி. இத்தோட நிப்பாட்டிக்கறேன். எந்த பிட்டு எந்த கொஸ்டினுக்குன்னு தெரியாத லெவலுக்கு வெள்ளக்கோயில் பிட்ராயனா பிட்லோடடாப் போயும் பெயிலாகி வந்த புண்ணீயாத்துமாக்களையெல்லாம் நெனச்சுப் பாத்துக்கறேன் சார்! துக்கம் தொண்டைய அடக்குது.

ஜி said...

எங்க காலேஜுலயெல்லாம் பிட் அடிச்சு மாட்டிக்கிட்டா கடைசி பரிட்சையே எழுத விட மாட்டாங்க :(((

நானும் ஒரு தடவ மாட்டுனேன்.. ஆனா அந்தக் கூட்டத்துல கிட்டத்தட்ட ஒரு 20 பேர் இருந்ததால அப்பாலஜி லெட்டர் கொடுக்கச் சொன்னாங்க.. அதையும் நாங்க கொடுக்கல.. கட்சில மார்க்ல கை வச்சிட்டாங்க :((

உண்மைத் தமிழன்(15270788164745573644) said...

ஸ்கூல்ல பிட் அடிக்கலாம். கேள்விப்பட்டிருக்கேன். பார்த்திருக்கேன். நானும் பண்ணிருக்கேன்.. ஆனா காலேஜ்ல.. நான் அப்படி கேள்விப்படலையே.. 'புக்'கையே பக்கத்துல வைச்சு எழுதுவாங்கன்னுதான் கேள்விப்பட்டிருக்கேன்.. இப்படி பேப்பர் பிட்டா அடிச்சீங்க.. அடப் போங்கப்பா.. இதுக்கு ஸ்கூல் பசங்களே தேவலை..

G3 said...

ROTFL :-))

Enga school makkals matha schoola poi board exam ezhudhina bit adikka mudiyaradhillannu solli correcta naanga 10th padikkum bodhu enga schoolayae board exam ezhudhara centre-a maathitaaru enga princi..

appuram enna. board examla enga roomla irukkaravanukku answer therila invidulatora pakkathu roomla poi answer vaangittu vandhu delivery pannaanga :-))

Syam said...

//நாட்ஸ்,
SJ சூர்யா பதிவுக்கு நீங்க வராததுக்கு ஏதோ காரணம் இருக்குனு மக்கள் பேசிக்கிறாங்களே. உண்மையா? //

அட பாவிகளா ரெண்டு நாள் லீவு எடுத்தா....என்னைய S.J.சூர்யா ரசிகர் மன்ற தலைவர் ஆக்கி ஆப்படிச்சுடுவாங்க போல இருக்கு :-)

வெட்டிப்பயல் said...

//மின்னுது மின்னல் said...

Syam said...
வெட்டி நான் கொஞ்சம் டெக்குனாலஜி யூஸ் பண்ணிட்டேன்....பிட் எழுதிட்டு வரவங்ககிட்ட வாங்கி ஒரு ஜெராக்ஸ் எடுத்திட்டு போய்டுவேன்...அடுத்தவன் எழுதி முடிக்கற வரைக்கும் வெயிட் பண்ண வேண்டாம் இல்ல :-)
///

நாங்க எல்லாம் நோட்ஸ பக்கத்த ஜெராக்ஸ் மிஷினில் சின்னதா காப்பி எடுத்து யூஸ் பண்ணுவோம்...:) //

மின்னல்,
அதெல்லாம் பெரிய பரிட்சைக்கு. சாதாரண இண்டர்னல் டெஸ்டுக்கெல்லாம் பட்ஜட் தாங்காது ;)

வெட்டிப்பயல் said...

//மின்னுது மின்னல் said...

+1 ல எல்லா !!! பரிச்சைக்கும் பிட்டடிச்சே ஃபஸ்ட் ரேங்கு வாங்குனவன் இந்த மின்னலு என்பதை இங்கே கூவிக்கிகொள்ள வாய்பளித்த தம்பி வெட்டிக்கு நன்றி கூறி தூங்க போறேன்...:) //

மின்னல்,
நம்ம எல்லாம் இப்படி தப்ப ஒத்துக்கிட்டு மகாத்மா ஆகிட்டு இருக்கோம்ன்றதுல நாடே பெருமை படனும் ;)

வெட்டிப்பயல் said...

//இலவசக்கொத்தனார் said...

//எங்க காலேஜ்ல நிறைய அப்பாலஜி எழுதிக்கொடுத்த நண்பருக்கு பட்டப்பெயர் "அப்பாலஜி ..." என்றே வைத்து விட்டோம்//

எங்க நியூசி டீச்சர் கிட்ட மட்டும் இந்த அப்பாலஜி மாட்டி இந்த அப்பா(வி) லாஜி க் ட்ரைப் பண்ணி அப்பால ஜின்னு அடிக்கப் போகப் பார்த்தான்னு வையுங்க சும்மா விட மாட்டோமில்ல. //

நம்ம டீச்சர் ரொம்ப நல்லவங்க. அதனால காபி அடிச்சா ஒண்ணும் சொல்லமாட்டாங்க ;)

வெட்டிப்பயல் said...

//சிங்கம்லே ACE !! said...

சம ரவுசி பண்ணி இருக்கீங்க..ROTFL :D

நாங்களாம் இன்னுமே சோம்பேறி.. அதனால இந்த மாதிரி டெஸ்ட்லாம் போகவே மாட்டோம்.. :D :D //

ACE,
டெஸ்டுக்கு போகலைனா இண்டர்னல்ல ஒரு மார்க் போட்டு ஆப்பு அடிச்சிடுவாங்க.

வெட்டிப்பயல் said...

//சிங்கம்லே ACE !! said...

பிட் அடிச்சா தப்பா??

கிடையவே கிடையாது.. ஆனா பிட் அடிச்சி மாட்டிகறது, மன்னிக்க முடியாத பெரும் குற்றம்.. :D :D //

ஆமா ACE...

நான் அந்த மேடமை பாவம் பார்த்து எனக்கு இப்படி ஆயிடுச்சி. நல்லவனா இருக்கறதே தப்புனு நான் அப்ப தான் புரிஞ்சிக்கிட்டேன்...

வெட்டிப்பயல் said...

//வடுவூர் குமார் said...

காலேஜில் அடி எடுத்துவைக்கப்போகும் என் மகனுக்கு இப்பதிவு "சமர்ப்பணம்"
:-))
அதென்னவோ உங்க பெயர் (வெ.பயல்)கேட்டாலே அவனை அறியாமல் சிரித்துவிடுகிறான்.
மேல் விபரம்: அவன் நிஜப்பெயரும் உங்கள் நிஜப்பெயரும் 100% பொருத்தம். //

ஆஹா...

நம்ம பேரா??? அப்ப கவலையே வேணாம். பெரிய ஆளா வருவார். நான் சொன்னேனு சொல்லுங்க :-)

வெட்டிப்பயல் said...

//kannabiran, RAVI SHANKAR (KRS) said...

:-) //

:-)

(இதுக்கு போடாமலே இருந்திருக்கலாம்)

வெட்டிப்பயல் said...

//கப்பி பய said...

நாங்களும் புதுசா வந்த மேடம்கிட்ட இப்படி ஒரு ரவுசு பண்ணியிருக்கோம். சும்மா ஒரு நாளைக்கு வர்றவங்க தானேன்னு ஓவரா லந்து பண்ணதுக்கப்புறம்தான் தெரிஞ்சது அடுத்த நாள்ல இருந்து அந்த சப்ஜெக்ட் அவங்க தான் எடுக்கப் போறாங்கன்னு...அவங்க நல்லவங்களா இருந்ததால பிழைச்சு போங்கடான்னு விட்டுட்டாங்க :)))

ஒரு முறை ஒருத்தனோட எக்ஸாம் பேப்பர் ஒவ்வொருத்தனா பார்த்து எழுதிட்டு கடைசி நேரத்துல அது எவன்கிட்ட இருக்குன்னு யாருக்கும் தெரியாம அரக்கபறக்க கண்டுபிடிச்சு கட்டி கொடுத்துட்டு வந்தோம்(காட்டிக் கொடுக்கல) :)))


ஆனா பிட் அடிச்சு மாட்டி ஒரு வருஷம் உட்கார வச்ச கதையெல்லாமும் நடந்திருக்கு :( //

கப்பி,
எங்களுக்கும் அதே மாதிரி ஆச்சி. Probability Theoremla. அது ஒரு பெரிய கதை. அன்னைக்கு மட்டும் அந்த மேடம் பசங்களை காப்பி அடிக்க விடலைனா. எனக்கு ஆப்பு அடிச்சிருப்பாங்க.

ஏன்னா Question paper அவுட்னு ஒரு புரளி கிளம்புச்சி. நான் தான் எல்லாருக்கும் போன் பண்ணி சொன்னேன். கடைசியா அதுல இருந்து ஒரு கேள்விக்கூட வரலை. Classல எல்லா பசங்களும் Fail ஆயிடுவாங்கனு நினைச்சேன். ஆனா தெய்வம் மாதிரி ஒரு மேடம் வந்து என்னை காப்பாத்தினாங்க.

முதல் 5 பேர் மட்டும் வேற க்ளாஸ்ல இருந்தோம். எப்படியோ ஒரு வழியா நாங்களும் பாசாயிட்டோம். அதை பத்தி ஒரு பதிவே போடலாம் :-)

வெட்டிப்பயல் said...

// ஜோதி said...

//பிட் அடிச்சா தப்பா? //

பிட் பார்த்தா தப்பா? //

நிஜமாவா?

வெட்டிப்பயல் said...

//சந்தோஷ் aka Santhosh said...

:)) கலக்கல் வெட்டி...சுமா இருந்தாலும் உனக்கு தான் எம்முட்டு பேரு. அப்பாலஜி வேற.
//
அண்ணே,
ஏதாவது பிரச்சனைனா சொல்லுங்க. பேசி தீர்த்துக்கலாம். அதுக்காக இப்படி தாக்கனுமா?

வெட்டிப்பயல் said...

// Ram Ravishankar said...

'அப்'பாலாஜி -

நாலு பேரோட சேர்ந்து அடிச்சா, எந்த பிட்டும் தப்பில்லே!! ;-)

..ராம் //

கலக்கல் ராம்...

இதுவும் சரியான தீர்ப்பு தான் :-)

வெட்டிப்பயல் said...

// Anonymous said...

//மரியாதையா வெட்டினு கூப்பிடுங்க. இல்லை பாலாஜி கூட ஓகேதான். :-))//

சார்சார் சாரி சார், தப்புங் சார். மன்ச்கோங்க சார் பாலாஜி சார் ;-)

டைவர்ஷனுக்கு மன்ச்சிக்கோங்க வெட்டி. இத்தோட நிப்பாட்டிக்கறேன். எந்த பிட்டு எந்த கொஸ்டினுக்குன்னு தெரியாத லெவலுக்கு வெள்ளக்கோயில் பிட்ராயனா பிட்லோடடாப் போயும் பெயிலாகி வந்த புண்ணீயாத்துமாக்களையெல்லாம் நெனச்சுப் பாத்துக்கறேன் சார்! துக்கம் தொண்டைய அடக்குது. //

எந்த கேள்விக்கு எந்த விடையை வேணாலும் பாரதியார் யுனிவர்சிட்டிக்கு எழுதலாம். ஆனா அது அந்த பாடம் சம்பந்தம் இருந்தா அதிக மார்க் வாங்க சான்ஸ் அதிகம் ;)

வெட்டிப்பயல் said...

//ஜி said...

எங்க காலேஜுலயெல்லாம் பிட் அடிச்சு மாட்டிக்கிட்டா கடைசி பரிட்சையே எழுத விட மாட்டாங்க :(((

நானும் ஒரு தடவ மாட்டுனேன்.. ஆனா அந்தக் கூட்டத்துல கிட்டத்தட்ட ஒரு 20 பேர் இருந்ததால அப்பாலஜி லெட்டர் கொடுக்கச் சொன்னாங்க.. அதையும் நாங்க கொடுக்கல.. கட்சில மார்க்ல கை வச்சிட்டாங்க :(( //

மார்க்ல கை வைக்கறதுக்கெல்லாம் ஃபீல் பண்ற கூட்டமா நாம... நோ பீலிங்ஸ் ஜி...

எங்க பள்ளிக்கூடத்துல காப்பி அடிச்சி மாட்டினா TC கொடுத்துடுவாங்க...

வெட்டிப்பயல் said...

//உண்மைத் தமிழன்(15270788164745573644) said...

ஸ்கூல்ல பிட் அடிக்கலாம். கேள்விப்பட்டிருக்கேன். பார்த்திருக்கேன். நானும் பண்ணிருக்கேன்.. ஆனா காலேஜ்ல.. நான் அப்படி கேள்விப்படலையே.. 'புக்'கையே பக்கத்துல வைச்சு எழுதுவாங்கன்னுதான் கேள்விப்பட்டிருக்கேன்.. இப்படி பேப்பர் பிட்டா அடிச்சீங்க.. அடப் போங்கப்பா.. இதுக்கு ஸ்கூல் பசங்களே தேவலை.. //

உண்மை தமிழன்,
நோ பீலிங்ஸ்... அரசியல்ல இதெல்லாம் ஜகஜம்.

நான் ஸ்கூல்ல பிட் எல்லாம் அடிச்சதில்லை. எங்க ஸ்கூல அடிச்சி மாட்டினா TC கொடுத்துடுவாங்க.

காலேஜ்ல இண்டர்னல்ல அடிக்கலைனா வீரனுக்கு அழகில்லைனு ஆரம்பிச்சதுதான் அது ;)

வெட்டிப்பயல் said...

//G3 said...

ROTFL :-))

Enga school makkals matha schoola poi board exam ezhudhina bit adikka mudiyaradhillannu solli correcta naanga 10th padikkum bodhu enga schoolayae board exam ezhudhara centre-a maathitaaru enga princi..

appuram enna. board examla enga roomla irukkaravanukku answer therila invidulatora pakkathu roomla poi answer vaangittu vandhu delivery pannaanga :-)) //

ஆஹா,
ஸ்கூல்னா இப்படித்தான் இருக்கனும்...

எங்க ஸ்கூல்ல பப்ளிக் எக்ஸாம்ல மட்டும் அடிக்கலாம். என்னோட Social Science one mark + Map பக்கத்து ரூமுக்கு போய் கடைசி நிமிஷத்துல தான் வந்துச்சி.

எனக்கு எங்கடா வராம போயிடுமோனு பயத்துல கண்ணு எல்லாம் கலங்கிடுச்சி. அப்ப கொஞ்சம் பழமா இருந்தேன். காலேஜ் வந்ததுக்கப்பறம் சுத்துமா மாறியாச்சி :-)

வெட்டிப்பயல் said...

//Syam said...

//நாட்ஸ்,
SJ சூர்யா பதிவுக்கு நீங்க வராததுக்கு ஏதோ காரணம் இருக்குனு மக்கள் பேசிக்கிறாங்களே. உண்மையா? //

அட பாவிகளா ரெண்டு நாள் லீவு எடுத்தா....என்னைய S.J.சூர்யா ரசிகர் மன்ற தலைவர் ஆக்கி ஆப்படிச்சுடுவாங்க போல இருக்கு :-) //

அப்ப அது உண்மை இல்லையா???

நீங்க சொல்லி தான் நயன் கூட அவர் நடிச்சார்னு பேச்சுக்கூட இருக்கே ;)

காயத்ரி said...

//யாரோ ஏற்கனவே எழுதி வெச்சதை பார்த்து எழுதனா என்ன? பார்க்காம எழுதனா என்ன? எல்லாமே காப்பி தானே?//

என்ன ஒரு கண்டுபிடிப்பு!! இது தெரியாம லூஸ்த்தனமா எல்லா ஸ்கூல் காலேஜ்லயும் எக்ஸாம் வெக்கிறாங்களே!!

வெட்டிப்பயல் said...

// காயத்ரி said...

//யாரோ ஏற்கனவே எழுதி வெச்சதை பார்த்து எழுதனா என்ன? பார்க்காம எழுதனா என்ன? எல்லாமே காப்பி தானே?//

என்ன ஒரு கண்டுபிடிப்பு!! இது தெரியாம லூஸ்த்தனமா எல்லா ஸ்கூல் காலேஜ்லயும் எக்ஸாம் வெக்கிறாங்களே!! //

ஆமாங்க...

இதை நம்ம சொன்னா படிக்க சோம்பேறித்தனப்பட்டுட்டு சொல்றாங்கனு சொல்லுவாங்க...

செந்தில் said...

//"பிட் அடிச்சா தப்பா?"//

நோ நெவர்

பிட் அடிக்கிறவங்களைப் புடிக்கிறாங்க பாருங்க அதான் தப்பு...

kannabiran, RAVI SHANKAR (KRS) said...

//வெட்டிப்பயல் said...
//kannabiran, RAVI SHANKAR (KRS) said...
:-) //
:-)
(இதுக்கு போடாமலே இருந்திருக்கலாம்)//

என்னங்க இது அநியாயமா இருக்கு!
இதுக்காச்சும், பிட் அடிக்காம பின்னூட்டம் போடனும்-னு எவ்ளோ கஷ்டப்பட்டு முயற்சி செஞ்சி,

கடைசியில் ரசித்துச் சிரித்ததை ஓவியமா எழுதினா, இப்படி சொல்றீங்க! :-)

ச்சே, பிட்-டுக்கு இருக்குற மதிப்பு ஓவியத்துக்கு இல்லப்பா!

kannabiran, RAVI SHANKAR (KRS) said...

சரி, அப் பாலாஜி
ஒரு முக்கியமான கேள்வி...
பிட் அடிச்சா தப்பா - இதுக்குப் பதில் சொன்னீங்க!
பிட் அடிக்கலைன்னா தப்பா? - இதுக்கும் பதில் சொல்லுங்க!

kannabiran, RAVI SHANKAR (KRS) said...

பிட்-போடறது தப்பு!
ஆனா பிட்-அடிக்கறது, தப்பு இல்லை! அதானே! என் புரிதல் சரியா பாலாஜி! :-)

kannabiran, RAVI SHANKAR (KRS) said...

பிட்டை எங்கே வைத்துள்ளோம் என்பதற்கு கூட பிட் அடிக்கலாமா... பாலாஜி?

பிட் அடிக்கலாம்...ஆனா பைட் அடிக்கக்கூடாது அல்லவா?

அய்யோ இப்ப என்னை அடிக்காதீங்க...

ஒரு சிரிப்பான் போட்டதுக்கு பிராயச்சித்தமா...இத்தினி பின்னூட்டம் போட வேண்டியதாப் போச்ச்சே! :-))))

Anonymous said...

ஒரே ஒரு இரும்பு ஸ்கேல், ஒரு மைக்ரோ டிப் பென்சில் ஒரு செமஸ்டருக்கு என் நண்பன் இதில் எல்லாம் P.H.D.

G.Ragavan said...

அடக்கொடுமையே. ஏம்ப்பா இப்பிடிச் செஞ்சிட்ட...சரி. இதெல்லாம் கல்லூரியில சரிதான். நான் பிட்டடிக்கப் பேப்பர் குடுத்திருக்கேன். ஆனா வாங்குனதில்லை. இதுனால என்னோட நண்பர்கள் கிட்ட வாங்குன திட்டுக எக்கச்சக்கம். ஒருவாட்டி ஒரு முக்கியமான கேள்வி எனக்குத் தெரியலை. இன்னொரு முக்கியமான கேள்வி என்னோட நண்பனுக்குத் தெரியலை. ஆனா எனக்குத் தெரியாத கேள்வி அவனுக்குத் தெரிஞ்சிருந்தது. அவனுக்குத் தெரியாதது எனக்குத் தெரிஞ்சிருந்தது. நான் எழுதீட்டு அவன் கிட்ட குடுத்தேன். அவன் அதப் பாத்து எழுதீட்டு..அவன் எழுதுனத எனக்குக் குடுத்தான். நான் வாங்கலை. வெளியில வந்து வசவு நாறீருச்சு. ஏன்னா...நான் முழுசா 20 மார்க்கு விட்டுட்டு வந்திருக்கேன். விட்டுட்டுன்னா...விடை தெரியாது. ஆனாலும் எதையாவது எழுதீட்டு வந்தேன். ஆனாலும் எப்படியோ ஓரளவு நல்ல மதிப்பெண் வாங்கீட்டேன்.

அதுவுமில்லாம அப்பல்லாம் நான் செண்டிமெண்ட் செந்தில்குமாரா இருந்தேன். ஆமாம். எக்சாம் அப்பல்லாம் மஞ்சப்பைதான் கொண்டு போவேன். அதுவுமில்லாம அந்தக் குறிப்பிட்ட சட்டையும் பேண்ட்டுந்தான். எல்லா எக்சாமுக்கும். அத்தோட முடிஞ்சதா...கல்லூரியில ஒரு குறிப்பிட்ட இடம் உண்டு. எக்சாமுக்குப் போகும் போது..காலேஜுக்குள்ள நொழைஞ்சதும்...அங்க போய் உக்காந்திருவேன். அங்க உக்காந்துட்டுப் போய் எழுதுனாத்தான் ஒரு திருப்தி. :) நெனச்சுப் பாத்தா சிரிப்பாத்தான் இருக்கு. :)

மு.கார்த்திகேயன் said...

நாலு பேருக்கு நல்லதுன்னா எதுவுமே தப்பில்லை, பாலாஜி :)

SurveySan said...

//யாரோ ஏற்கனவே எழுதி வெச்சதை பார்த்து எழுதனா என்ன? பார்க்காம எழுதனா என்ன? எல்லாமே காப்பி தானே?//

கண்ணுல தண்ணி கொட்டோ கொட்டுன்ன்னு கொட்டிச்சு இத்த படிக்கும்போது.. :(

இன்னா தத்துவம்.. ஸ்ஸ்ஸ்ஸ்ஸ் :)

Raji said...

LOL:)

bomMAI said...

"யாரோ ஏற்கனவே எழுதி வெச்சதை பார்த்து எழுதனா என்ன? பார்க்காம எழுதனா என்ன? எல்லாமே காப்பி தானே?" --Idhu 100% correct.Enna oru thathuvam

Guna said...

//யாரோ ஏற்கனவே எழுதி வெச்சதை பார்த்து எழுதனா என்ன? பார்க்காம எழுதனா என்ன? எல்லாமே காப்பி தானே?//

என்ன ஒரு சிந்தனை ?