தத்துவம்

உலகத்துல உன்னை விட பெரியவன் யாரும் இல்லை அதனால நீ யாருக்கும் பயப்படாதே! அதே மாதிரி உன்னை விட சின்னவன் யாரும் இல்லை அதனால நீ யாரையும் தாழ்வா நினைக்காதே!!! அய்யம்பேட்டை அறிவுடை நம்பி கலியபெருமாள் சந்திரன்

Sunday, May 20, 2007

கோவில்கள் கடவுளுக்காகவா?

கோவில்கள் கடவுளுக்காக கட்டப்பட்டனவா அல்லது மனிதனுக்காக கட்டப்பட்டனவா?

கேள்வி புரியலைனா தெளிவா கேக்கறேன்.
1 கோவில், கடவுள் தன்னை மனிதன் தொழ வேண்டும் என்று கடவுள் சொல்லி கட்டப்பட்டதா? அல்லது
2 மனிதன், இறைவனை வணங்க தனக்கு ஒரு இடம் வேண்டும் என்று கட்டப்பட்டதா?

எனக்கு தெரிஞ்சி எந்த சாமியும் என்னை நீ கும்பிடனும் அதுவும் இந்த மாதிரி மந்திரம் சொல்லி தான் கும்பிடனும்னு எங்கயும் சொன்ன மாதிரி தெரியல. அப்படி இருக்கும் போது நாங்க சாமி கும்பிடனும்னு எங்களுக்காக எங்க மண்ல கட்டப்பட்டிருக்கும் கோவில்ல எங்க மொழில சாமி கும்பிடனும்னு சொல்றது எந்த விதத்துல தப்பு?

நான் என்ன சொல்ல வரனு இந்நேரம் உங்களுக்கு புரிஞ்சிருக்கும். தில்லை நடராஜர் கோவில்ல ஆறுமுகப்பாவலர் தேவாரம் திருவாசகம் ஓதறது என்ன தப்பு? கேட்டா அவர் நாத்திகர், விஷமி இப்படியெல்லாம் சொல்றது உண்மையாலுமே ஆத்திகர்களுக்குத்தான் கேவலம். அவர் என்ன இழவு பாட்டை பாடினாரா? அல்லது வேற ஏதாவது பாடினாரா? திருவாசகத்திற்குருகார் ஒரு வாசகத்திற்கும் உருகார்னு சொல்ற திருவாசகத்தை தானே பாடினார்.

மரா மரம்னு அர்த்தம் தெரியாம சொன்ன ஒரு திருடனே உலகம் போற்றும் ராமாயணம் எழுதும் போது. தேவாரம் திருவாசகத்தை நம்பிக்கையில்லாத ஒருவர் பாடினால் அதில் மனமுருகியே அவர் ஆத்திகராகவும் வாய்ப்புக்கள் இருக்காதா? அதுவுமில்லாம உங்களுக்கு எனக்கும் தான் நாத்திகர் ஆத்திகர் என்கிற பாகுபாடெல்லாம். ஈசனுக்கு அப்படியல்ல. அவனை துதிக்கும் பாடலை நம்பிக்கையில்லாதவர் பாடினாலும் அது அவனையே சேரும்.

அப்படி இருக்கும் போது அங்கே தமிழ் வேதங்கள் ஒலிப்பதில் என்ன தவறு? அதை சொல்பவர் நாத்திகராயிருந்தாலென்ன, ஆத்திகரா இருந்தால் என்ன? பாடும் பாடல்தானே முக்கியம்.

இந்த பிரச்சனைக்கெல்லாம் தீர்வு, கோவில்கள்ல அர்ச்சகராவதற்கும் பாடங்கள் வைக்க வேண்டும். அதில் படித்து தேர்வானவர்கள் அவர்கள் மதிப்பெண்ணிற்கேற்றவாறு, படிப்பிற்கேற்றவாறு அந்தந்த கோவில்களில் அர்ச்சகராக வேண்டும். இதில் நிச்சயம் இட ஒதுக்கீடு வேண்டும்.

அப்பன் சொத்து வேணா பையனுக்கு இருக்கலாம். ஆனா கோவில் எவன் சொத்தும் இல்லை. அது ஊர் பொது சொத்து. சும்மா அப்பா அர்ச்சகரா இருந்தாரு. அவர்ட படிச்சி நானும் கோவில்ல மந்திரம் சொல்றேனு சொல்ற பசங்களை எல்லாம் நம்ப முடியாது. இவன் சொல்றது சரியா தப்பானு கூட நம்ம யாருக்கும் புரியாது. அப்படி இருக்கும் போது இவனுங்க பேச்சை எல்லாம் ஒரு பொருட்டாவே எடுத்துக்கூடாது.

ஏன்யா படிச்சி ராக்கெட் விடறோம், இந்த கோவில்களை பாத்துக்க மாட்டோமா?

எல்லாரும் சமம்னு இட ஒதுக்கீடுக்கெதிரா சொல்றவங்க இங்க வந்து கொஞ்சம் சொன்னா நல்லா இருக்கும்.

டிஸ்கி - இது இந்து மதத்தை பத்தி மட்டும் தான் எழுதியிருக்கேன். மத்த மதத்தை பத்தி இங்க பேச தேவையில்லை. ஏன்னா அது அவுங்க கவலை. எனக்கு அதை பத்தி கவலையில்லை.

மன்னிக்க வேண்டுகிறேன்...
இந்த பதிவில் குறிப்பிட்டதை போல் தில்லையில் அந்த குறிப்பிட்ட இடத்தில் தமிழில் பாடுவது மட்டும் தடையல்ல... அந்த மேடையில் தீட்சகர்களை தவிர மற்றவர்கள் பாடுவதற்கு தடை விதிக்கப்பட்டுள்ளது. அங்கே நாம் சென்று சமஸ்கிரதத்திலும் பாட அனுமதியில்லையாம். அதனால் அது மொழி சம்பந்தப்பட்டது அல்லவென்று அறிகிறேன்...

விரைவில் நேரில் சென்று தெளிவாக பார்த்துவிட்டு வந்து பதிவிடுகிறேன். தவறுதலான செய்திக்கு மன்னிக்கவும்.

ஆனால் இதன் மூலம் நான் சொல்ல வந்த "இந்த பிரச்சனைக்கெல்லாம் தீர்வு, கோவில்கள்ல அர்ச்சகராவதற்கும் பாடங்கள் வைக்க வேண்டும். அதில் படித்து தேர்வானவர்கள் அவர்கள் மதிப்பெண்ணிற்கேற்றவாறு, படிப்பிற்கேற்றவாறு அந்தந்த கோவில்களில் அர்ச்சகராக வேண்டும். இதில் நிச்சயம் இட ஒதுக்கீடு வேண்டும். கோவில் பொது சொத்து . வெறும் பரம்பரை தொழிலாக இது பாவிக்கலாகாது" இந்த கருத்தில் எந்த மாற்றமும் இல்லை...

46 comments:

சிவபாலன் said...

பாலாஜி,

// கோவில் எவன் சொத்தும் இல்லை. அது ஊர் பொது சொத்து. //

இதை புரிந்துகொண்டால் போதும். நிச்சயம் தெளிவு கிடைக்கும்.

G.Ragavan said...

வெட்டி, நல்ல பதிவு. இதையேதான் நான் இந்தக் கீழக்குறிப்பிட்ட பதிவுல சொன்னேன். நீ வேற மாதிரி சொல்லீருக்க. ஆனா சரியாத்தான் சொல்லீருக்க.

http://gragavan.blogspot.com/2007/01/2007.html

இலவசக்கொத்தனார் said...

வெட்டி, குறிப்பா சிதம்பரம் பத்தி சொல்லி இருக்கறதுனால இதை எழுதறேன். இது குறித்து முகமூடி எழுதி இருக்கும் பதிவைப் படித்தால்தான் பிரச்சனை என்னவென்று புரியும்.

அதன் பின் உங்கள் கருத்துக்களைத் தெரிந்து கொள்ள ஆவலாய் இருக்கிறேன்.

punithan said...

பேருதான் 'வெட்டிப் பயல்'
ஆனா பெரியவங்க எழுதற மாதிரி
நல்லா எழுதியிருக்கே

keep it up

குமரன் (Kumaran) said...

மிக நல்ல பதிவு பாலாஜி. சொன்ன கருத்துடன் ஒத்துப் போகிறேன்.

தில்லையில் திருவாசகம் எப்போதும் பாடப்படுவதாகத் தான் சொல்கிறார்கள். அதனால் அங்கு தமிழுக்கு இழிவு இல்லை. அதனைச் சொன்னால் ஒரு குறிப்பிட்ட சாதியினர் மட்டுமே தான் பாடமுடியும்; மற்றவர்களால் பாடமுடியாது என்கிறார்கள் தமிழுக்கு இழிவு என்று சொல்பவர்கள். அப்படி இல்லை; எல்லோரும் பாட முடியும்; தினந்தோறும் எல்லோரும் பாடுகிறார்கள் என்பதும் ஊடகங்களிலும் வலைப்பதிவுகளிலும் சொல்லப்பட்டது. தீட்சிதர்கள் சொன்னது 'பரம்பரை அர்ச்சகர்களான நாங்கள் மட்டுமே இறைவனின் அருகாமையான மேடையில் நின்று தேவார திருவாசகங்கள் பாட உரிமை பெற்றவர்கள். மற்றவர்கள் மேடையில் கீழே நின்று பாடலாம். அவர்களுக்கு உரிமை உண்டு. அவர்களும் செய்கிறார்கள்' என்பது. இதனை குழலி போன்ற பெயர் பெற்ற வலைப்பதிவர்களே தங்கள் வலைப்பதிவுகளில் இடுகையிலும் பின்னூட்டங்களிலும் சொன்னதாகவோ மற்றவர்கள் சொன்னபோது ஏற்றுக் கொண்டதாகவோ நினைவு. சுட்டி வேண்டுமென்றால் தேடவேண்டும்.

இதில் தெரியும் செய்திகள்.

1. தில்லையில் (சிதம்பரத்தில்) தமிழுக்கு இழிவு இல்லை. தீட்சிதர்கள் சிற்றம்பல மேடையிலும் மற்றவர்கள் (பார்ப்பனர்கள் உட்பட எல்லோரும் - பார்ப்பனர்கள் என்ற ஒரே காரணத்தால் அவர்கள் மேடையில் ஏறிப் பாட முடியாது. ஆறுமுக நாவலர் முயல்வது மேடையில் ஏறிப் பாட) மேடையின் அருகிலிருந்தும் தினந்தோறும் தேவார திருவாசகங்களைச் சொல்லி இறைவனை வணங்குகிறார்கள்.

2. தில்லையில் ஒரு சில சாதியினர் மட்டுமே தேவார திருவாசகங்கள் சொல்லமுடியும்; மற்றவர்கள் சொல்ல முடியாது என்பதும் உண்மையில்லை. எல்லோரும் சொல்லலாம். ஆனால் கோவிலில் அர்ச்சகர்கள் ஆன தீட்சிதர்களைத் தவிர்த்து உள்ள மற்ற பார்ப்பனர்களும் வேறு சாதியினரும் மேடையின் கீழிருந்து சொல்லலாம். மேடையின் மேலிருந்து சொல்ல உரிமையில்லை என்ற வழி மரபு.

3. இந்த வழி வழி மரபு என்பது தில்லையில் மட்டுமில்லை. எல்லாக் கோவில்களிலும் இருக்கிறது. தில்லையில் தொடங்கி எல்லா இடங்களிலும் இந்த மரபு மாற வேண்டும் என்பது என் எண்ணம். அதனால் இந்தப் பதிவில் நீங்கள் சொன்ன கருத்துடன் உடன்படுகிறேன். எவரும் எம்மொழியிலும் தாம் வணங்கும் இறைவனை எவ்விடத்தில் இருந்தும் வணங்க இயலவேண்டும்.

இந்த மூன்றாவதாக உள்ள ஒன்றை நீங்கள் தொட்டதால் உங்கள் இடுகையில் மறுமொழி கூறுகிறேன். தெரிந்தோ தெரியாமலோ முதல் இரண்டு அவதூறுகளையும் மீண்டும் மீண்டும் சொல்லும் அன்பர்கள் இடுகைகளில் மறுமொழி சொல்வதைத் தவிர்க்கிறேன். ஏனெனில் எத்தனை முறை சொன்னாலும் 'தமிழுக்குச் சிதம்பரத்தில் இழிவு; சிதம்பரத்தில் சாதி வேறுபாடு' என்ற கூக்குரல் காலம் காலமாக இருக்கும் என்றே நினைக்கிறேன். இந்து மதத்தைத் தாக்குபவர்கள் அதில் இல்லாத குறைகளையும் சொல்லித் தாக்குவதும், வேறு மதத்தைப் பதிலுக்குத் தாக்குபவர்கள் அந்த மதத்தில் இல்லாத குறைகளையும் சொல்லித் தாக்குவதும் காலம் காலமாக நடப்பது தானே. அது மனித மன ஓட்டத்தின் இயற்கை. நமக்குப் பிடித்தது மட்டுமே நாம் ஏற்றுக் கொள்வோம். நம் கருத்துக்கு மாறுபாடான உண்மைகள் சொன்னாலும் நம் மனம் அப்படியெல்லாம் இல்லை என்றே நம்மிடம் சொல்லும். ஏற்றுக் கொள்வது கடினம் தான்.

kannabiran, RAVI SHANKAR (KRS) said...

//கோவில்கள் கடவுளுக்காக கட்டப்பட்டனவா அல்லது மனிதனுக்காக கட்டப்பட்டனவா?//

வீடு அம்மா அப்பாவுக்காக கட்டப்பட்டதா, இல்லை குழந்தைகளுக்காகக் கட்டப்பட்டதா?
:-)

//ஏன்யா படிச்சி ராக்கெட் விடறோம், இந்த கோவில்களை பாத்துக்க மாட்டோமா?//

:-)
ராக்கெட் விடுவதில் உள்ளது போலவே,
எந்த அரசியல் தலையீடும் இல்லாது இருக்க வேண்டுமே!

ராக்கெட் ஏன் விட வேண்டும், எப்போது விட வேண்டும் என்பது வரை தான் கொள்கை முடிவு! அது மக்கள் நலம் சார்ந்தது.

விட வேண்டும் என்று ஆகி விட்ட பின், எல்லாமே விஞ்ஞானம் தான். நோ அரசியல்! அப்படியே இங்கும் அமைந்து விட்டால் எல்லாம் நலமே!

kannabiran, RAVI SHANKAR (KRS) said...

//இந்த பிரச்சனைக்கெல்லாம் தீர்வு, கோவில்கள்ல அர்ச்சகராவதற்கும் பாடங்கள் வைக்க வேண்டும்.
அதில் படித்து தேர்வானவர்கள் அவர்கள் மதிப்பெண்ணிற்கேற்றவாறு, படிப்பிற்கேற்றவாறு அந்தந்த கோவில்களில் அர்ச்சகராக வேண்டும். இதில் நிச்சயம் இட ஒதுக்கீடு வேண்டும்//

இதைச் சத்தமில்லாமல், சில ஜீயர்களும், ஆலயங்களும் இராமானுசர் காலம் தொட்டு, 300-400 ஆண்டுகளாகச் செய்து கொண்டு தான் வருகிறார்கள். என்ன இதற்கு புரட்சி என்று எல்லாம் பெயரும் ஆரவாரமும் கொடுக்காது, உண்மையான தொண்டு மனப்பான்மையுடன் மட்டுமே செய்தும் வருகிறார்கள்.

ஆகம விதிகள், மற்றும் சமயக் கோட்பாடுகளைப் பாடத் திட்டமாக வைத்து,
வடமொழி, தமிழ் - இவை மட்டும் இல்லாது
தெலுங்கு, கன்னடம், என்று பிற தாய் மொழிகளிலும் பாட நூல் வைத்துள்ளார்கள்.

இதில் சாதி வித்தியாசங்கள் எல்லாம் அறவே கிடையாது. வெளியில் இருந்து கொண்டு ஆ, ஊ என்று கூச்சல் இடுவதைக் காட்டிலும், அருகில் சென்று என்ன நடக்கிறது என்று பார்த்து, அதை மற்ற இடங்களிலும் எப்படிக் கொண்டு செல்லலாம் என்று சிந்திப்பது தான் பயன் தரும்!

பூநூல் இல்லாதவர்கள் எல்லாம் பெருமாளை ஏளப் பண்ணுவதை அருகில் இருந்து பார்த்தால் தான் தெரியும்! அவர்களுக்கு சார்த்தாத ஸ்ரீவைஷ்ணவர்கள் என்றே திருப்பெயர்.

அரங்கனை அவர்கள் தமிழ்ப் பாசுரங்களுக்கு நடை பழகுவதும்,
வட மொழி மட்டுமே அறிந்த அந்தணர்கள் சிலர், இதற்காகவே ஏங்கிப் போய், பிரபந்த பயிற்சி வகுப்புகளில் சேர்ந்து முறையே தேர்ச்சி பெற்றது எல்லாம் கண்முன் நடந்த உண்மை!
திருவரங்கத்து எம்பெருமானார் ஜீயர் என்பவர் பள்ளியில் இன்றும் இதைக் காணலாம்.

இதைக் கேள்விப்பட்டுத் தான் முதல்வர் கலைஞர், இந்த ஜீயரை, தமிழக அரசின் அனைத்துச் சாதி அர்ச்சகர் பயிற்சிப் பள்ளிக்குப் பாடத்திட்டத்தை வகுத்துக் கொடுக்கச் சொன்னார்.

தமிழக அரசு இதை நடைமுறைக்குக் கொண்டு வரும் முன்னரே, பல இடங்களில் ஜீயர் மடங்களும், இன்ன பிற சைவ மடங்களும், குன்றக்குடி அடிகளாரும், திருமலை திருப்பதி தேவஸ்தானமும், திருக்கோவிலூர் ஞானாந்த தபோ வனங்களும் இதை நடைமுறைப்படுத்தி வருகின்றன.

இந்த மேடையில் ஏறித் தான் பாடுவேன், உள்ளே நுழைந்து நியாயம் கேட்பேன் என்று தோள் தட்டுவது எல்லாம் ஒரு பக்கம்.
ஆனால் இது போன்று தோள் தட்டிக் கொண்டு இருக்காது, உண்மைத் தொண்டும் பக்தியும் மட்டுமே அடிப்படையாக வைத்துப் பணி செய்யும் அன்பர்கள் இன்னொரு புறம்.

இந்த அமைப்புகளை எல்லாம் அறிந்து கொள்ளவும், அவற்றுக்கு உதவவும், நாம் அனைவரும் முன் வரலாமா?

Anonymous said...

ஒரு பொய்யை திருப்பி திருப்பி சொல்வதால் அது உண்மையென்று ஆகிவிடாது.

மேலும் குமரன் ஐயா சொன்னதை பார்க்க.

வெட்டிப்பயல் said...

கொத்ஸ்/குமரன்/அனானி,
ஆறுமுகச்சாமியை கைது செய்து FIR போடும் போது அங்கே இருந்த SI எனக்கு நெருங்கிய உறவினர். நான் அப்ப அவருக்கு போன் செய்து கேட்டவுடன் அவர் எனக்கு சொன்னது தமிழில் சிற்றம்பல மேடையில் பாடியதற்க்காகத்தான் அவரை கைது செய்தோம் என்று. அதற்காக அவரே வருந்தினார். இப்ப அவர் ஊருல இல்லை. நாளை தெளிவா கேட்டு அப்டேட் செய்யறேன். நீங்க அப்ப வந்து சொல்லுங்க.

குமரன் (Kumaran) said...

// தமிழில் சிற்றம்பல மேடையில் பாடியதற்க்காகத்தான் அவரை கைது செய்தோம் என்று.//

இது மிகவும் வருத்தப்பட வேண்டிய ஒன்று தான் பாலாஜி. சிற்றம்பல மேடையில் நாங்கள் தமிழில் பாடிக் கொள்கிறோம்; நீங்கள் ஏறிப் பாடக்கூடாது என்பது தவறு. ஆனால் அது எல்லாக் கோவில்களிலும் இருக்கும் மரபு (அர்ச்சகர் மட்டுமே கருவறைக்குள் நுழைய வேண்டும் - அது பெருங்கோயிலாக இருந்தாலும் சரி; ஆதி திராவிடர்கள் அர்ச்சகர்களாக இருக்கும் நாட்டார் கோவில்களாக இருந்தாலும் சரி - என்ற மரபு). அதில் தமிழுக்கு அவமானம் என்று குரல் எழுப்புவது திட்டமிட்ட அரசியல். அப்போது தானே தமிழ்ப்பற்று கொண்டவர்களின் ஆதரவு கிடைக்கும். அவர்களும் இந்தக் கோவிலைப் புறக்கணிப்போம் என்று குரல் கொடுப்பார்கள்.

இது வெறும் மரபினை ஒட்டிய சச்சரவு என்று சொன்னால் அப்போது நாட்டார் கோவிலிலிருந்து எல்லாத் திருக்கோவில்களிலும் பரம்பரை உரிமை என்று ஒரு குறிப்பிட்ட குடும்பத்தினரே (அவர் பார்ப்பனரோ ஆதி திராவிடரோ ஓதுவாரோ மற்றவரோ) கருவறையில் நுழையும் உரிமை பெற்றிருப்பதைப் பற்றிப் பேசவேண்டுமே. எல்லோரும் கருவறைக்குள் நுழையும் அனுமதி வேண்டும் என்பது பார்ப்பனர்கள் அர்ச்சகராக இருக்கும் கோவில்களுக்கு மட்டும் இல்லாமல் எங்கெங்கு பரம்பரை உரிமை பேசப்படுகின்றதோ அங்கெல்லாம் பேசப்பட வேண்டும். இல்லையேல் இந்தத் திருக்கோவிலைப் புறக்கணிக்க வேண்டும் என்பவர்கள் எல்லாத் திருக்கோவில்களையும் - எங்கெல்லாம் பரம்பரை உரிமை கருவறைக்குள் நுழையப் பேசப்படுகிறதோ அங்கெல்லாம் - புறக்கணிக்க முன் வரவேண்டும்.

இதில் உள்ள அரசியலை எனக்குப் புரிந்த வரையில் சொல்லவே மேலே உள்ளதைச் சொன்னேன். ஆனால் என் கருத்து முன்பு சொன்னது தான் - எவரும் எம்மொழியிலும் தாம் வணங்கும் இறைவனை எவ்விடத்தில் இருந்தும் வணங்க இயலவேண்டும். அது சிற்றம்பல மேடையோ இல்லை மாரியம்மன் கோவில் கருவறையோ, எதுவாக ஆனாலும் சரி.

குமரன் (Kumaran) said...

//ராக்கெட் விடுவதில் உள்ளது போலவே,
எந்த அரசியல் தலையீடும் இல்லாது இருக்க வேண்டுமே!

ராக்கெட் ஏன் விட வேண்டும், எப்போது விட வேண்டும் என்பது வரை தான் கொள்கை முடிவு! அது மக்கள் நலம் சார்ந்தது.

விட வேண்டும் என்று ஆகி விட்ட பின், எல்லாமே விஞ்ஞானம் தான். நோ அரசியல்! அப்படியே இங்கும் அமைந்து விட்டால் எல்லாம் நலமே!
//

அப்படியே வழி மொழிகிறேன். தில்லையில் நடப்பதற்கும் அதனை இங்கே வலைப்பதிவுகளில் பேசுவதற்கும் தமிழ்ப்பற்றை விட அதனை தமிழ்ப்பற்று என்ற போர்வையில் நடத்தும் அரசியலுக்கே அதிக இடம் இருக்கிறது என்று நினைக்கிறேன்.

Anonymous said...

நிச்சயமா எல்லாக்கோவில்களுமே கடவுள்களுக்குத் தான் அதில் சந்தேகமே வேண்டாம்.
ஆதரவற்று எத்தனையோ ஆலயங்கள் அழிவின்விளிம்பில் இருக்கின்றனவே அவைகலெல்லாம் இந்த "புதுபக்தர்கள்" கண்களுக்கு தெரிய மாட்டாதோ?
அவர்களுக்கே என்ன செய்வது ஏது செய்வது என்றே தெரியுதில்லை.
தன்னையும் குழப்பி அடுத்தவரையும் குழப்பி, குழப்பம் குழப்பமென்று
குழப்பம் செய்வதையே குறிக்கோளாகவுடை கூட்டம் இவர்கள். கடவுளே இவங்களுக்கும் நல்ல பக்திய புத்திய கொடுப்பான்னு அவருக்கிட கேட்டுக்கிறேன்.

//அர்ச்சகராவதற்கும் பாடங்கள் வைக்க வேண்டும். அதில் படித்து தேர்வானவர்கள் அவர்கள் மதிப்பெண்ணிற்கேற்றவாறு, படிப்பிற்கேற்றவாறு அந்தந்த கோவில்களில் அர்ச்சகராக வேண்டும்.//
இதுக்கே இந்த கத்து கத்துறிங்க ஆனா நம்ம நாட்டு தலவிதிய
கையில வச்சிருக்கிற (நாட்டோட அர்ச்சகர்) அரசியல்வாதியலோட அறிவு வளரனும் என்னும் அதுக்கு பட்டம் படிப்பு எதுவும் வேணும்னு எல்லாம் சொல்லமாட்டீங்களா?

குறும்பன் said...

நன்றாக சொன்னீர்கள். 'கோயில்' என்றால் அது தில்லை. இங்கு சிற்றம்பலத்தில் பாட சிவனடியார்களுக்கு தடை போடுவது மாபெரும் தவறு.

இது தொடர்பான முகமூடியின் பதிவில் பல முரணான செய்திகள் உள்ளன. எனவே கவனமாக படிக்கவும் ;-))

வெட்டிப்பயல் said...

//இது தொடர்பான முகமூடியின் பதிவில் பல முரணான செய்திகள் உள்ளன. எனவே கவனமாக படிக்கவும் ;-))//

குறும்பன்,
நான் இதை பத்தி யார் பதிவையும் படிச்சி தெரிஞ்சிக்கனும்னு இல்லை.

எனக்கு தெரிந்த நபர் ஊருக்கு போயிருக்கார். அவர் வந்தவுடன் விசாரித்து மீண்டும் சொல்கிறேன்.

முரளி இராமச்சந்திரன் said...

வெட்டிப்பயல், உங்கள் பதிவு ஒரு நல்ல சர்ச்சைக்கு அடிகோலியிருக்கிறது.

குமரன், கண்ணபிரான், உங்கள் பின்னூட்டங்கள் நல்ல செரிவான செய்திகளுடன் இருக்கிறது.

வெட்டிப்பயல் முதலிலேயே, இந்த பதிவு இந்து மதத்தை பற்றி என்று ஒரு வரைமுறை வைத்து விட்டதால் இங்கு அதிகம் பேசுவதற்கில்லை.

மரபு என்ற ஒன்றை தழுவி வரும் வழக்கங்கள் விமர்சனங்களுக்கு ஆளாவது ஒன்றும் புதிதில்லை. ஆனால் குமரன் குறிப்பிட்டது போல் ஒரு குறிப்பிட்ட சமூகத்தினரை மட்டும் சாடுவது ஏற்கக் கூடியதாக இல்லை.

அன்புடன்,

முரளி

Syam said...

இது எல்லாம் நமக்கு அவுட் ஆப் சிலபஸ் வெட்டி...கிடாய் வெட்டு இருந்தா மட்டும் தான் கோவிலுக்கு போவேன்.... :-)

மு.கார்த்திகேயன் said...

நல்ல கேள்வி பாலாஜி.. எனக்குள்ளயும் இது மாதிரி ஒரு கேள்வி ரொம்பநாளாவே இருக்கு

Anonymous said...

Related discussion happened before also

http://mugamoodi.blogspot.com/2006/07/vs.html

Ramesh

Sridhar Venkat said...

நல்ல விவாதம்.

சிறப்பான மற்றும் தெளிவான பின்னூட்டங்களுக்கு நன்றி!

வெட்டிப்பயல் said...

மன்னிக்க வேண்டுகிறேன்...
இந்த பதிவில் குறிப்பிட்டதை போல் தில்லையில் அந்த குறிப்பிட்ட இடத்தில் தமிழில் பாடுவது மட்டும் தடையல்ல... அந்த மேடையில் தீட்சகர்களை தவிர மற்றவர்கள் பாடுவதற்கு தடை விதிக்கப்பட்டுள்ளது. அங்கே நாம் சென்று சமஸ்கிரதத்திலும் பாட அனுமதியில்லையாம். அதனால் அது மொழி சம்பந்தப்பட்டது அல்லவென்று அறிகிறேன்...

விரைவில் நேரில் சென்று தெளிவாக பார்த்துவிட்டு வந்து பதிவிடுகிறேன். தவறுதலான செய்திக்கு மன்னிக்கவும்.

ஆனால் இதன் மூலம் நான் சொல்ல வந்த "இந்த பிரச்சனைக்கெல்லாம் தீர்வு, கோவில்கள்ல அர்ச்சகராவதற்கும் பாடங்கள் வைக்க வேண்டும். அதில் படித்து தேர்வானவர்கள் அவர்கள் மதிப்பெண்ணிற்கேற்றவாறு, படிப்பிற்கேற்றவாறு அந்தந்த கோவில்களில் அர்ச்சகராக வேண்டும். இதில் நிச்சயம் இட ஒதுக்கீடு வேண்டும். கோவில் பொது சொத்து . வெறும் பரம்பரை தொழிலாக இது பாவிக்கலாகாது" இந்த கருத்தில் எந்த மாற்றமும் இல்லை...

குமரன் (Kumaran) said...

பாலாஜி. என் புரிதல் சரி என்பதை உங்கள் உறவினர் மூலம் அறிந்து சொன்னதற்கு நன்றி. மேலே சொன்னது போல் இது 'கருவறையில் நுழைய யாருக்கு உரிமை?' என்ற கேள்வியில் உள்ள பிரச்சனையே தவிர இது மொழி சம்பந்தப்பட்டது இல்லை. நீங்களும் நேரில் சென்று அறிந்து வாருங்கள்.

நீங்கள் சொன்னது போல் பரம்பரை உரிமை, வழி வழி மரபு என்பது மாறவேண்டும். ஆனால் அது தில்லையில் மட்டுமின்றி, பார்ப்பனர் அர்ச்சகர்களாக இருக்கும் திருக்கோவில்களில் மட்டுமின்றி, வேறு சாதியினரும் பரம்பரை உரிமை பேசுகின்றனரே அந்த திருக்கோவில்களிலும் மாறவேண்டும்.

இனி மேலாவது இல்லாத பெருச்சாளியைக் கட்டுச்சோற்றில் கட்டிவைக்க முயல்வது நிற்கட்டும். திரும்பத் திரும்ப இது 'மொழி'யின் பால் சார்ந்த பிரச்சனை இல்லை என்று சொன்ன பின்னாலும் தங்களைத் தாங்களே மடையன், வீணன், அயோக்கியன் என்று மற்றவர் மேல் காழ்ப்புடன் அழைத்துக் கொள்வது நிற்கட்டும். உண்மையான மறுமலர்ச்சி வேண்டும் என்ற விருப்பம் இருந்தால் கண்ணுக்கு நேராகத் தெரிவதைக் காணட்டும்.

கவிதா|Kavitha said...

நல்ல பதிவு வெட்டி,

குமரன் அவர்களின் தெளிவான விளக்கத்தை படித்தபின் தான் எனக்கு இந்த விஷயம் சரியாக புரிந்தது. நன்றி குமரன்.

இலவசக்கொத்தனார் said...

வெட்டி, யார் எழுதினாலும் படிக்க மாட்டேன்னு சொன்னீங்க. ஆனா இந்த கருத்தைத்தான் முகமூடி மிக விளக்கமாக தன் பதிவில் எழுதி உள்ளார். அதனைத்தான் நான் படிக்கச் சொன்னேன்.

இலவசக்கொத்தனார் said...

வலைப்பதிவாகட்டும், அரசியலாகட்டும் இப்படித்தான் ஹைஜாக் பண்ணி பரபரப்பு முலாம் பூசி, ஆர்வலர்களின் உணர்ச்சியைத் தூண்டி விட்டு தனகென்று ஒரு ஓட்டு வங்கியோ, தொண்டர் படையோ சேர்த்துக் கொள்வதுதான் நடக்கிறது. இதில் சம்பந்தம் இல்லாமல் இருப்பவர்களை எல்லாம் வாய்க்கு வந்த படி திட்ட வேண்டியது. இதுதான் நடக்கிறது. இதைச் சொன்னால் எனக்கும் முத்திரைதான் கிடைக்கும். கிடைத்து விட்டுப் போகட்டுமே.

வெட்டிப்பயல் said...

//குமரன் (Kumaran) said...

பாலாஜி. என் புரிதல் சரி என்பதை உங்கள் உறவினர் மூலம் அறிந்து சொன்னதற்கு நன்றி. மேலே சொன்னது போல் இது 'கருவறையில் நுழைய யாருக்கு உரிமை?' என்ற கேள்வியில் உள்ள பிரச்சனையே தவிர இது மொழி சம்பந்தப்பட்டது இல்லை. நீங்களும் நேரில் சென்று அறிந்து வாருங்கள்.

நீங்கள் சொன்னது போல் பரம்பரை உரிமை, வழி வழி மரபு என்பது மாறவேண்டும். ஆனால் அது தில்லையில் மட்டுமின்றி, பார்ப்பனர் அர்ச்சகர்களாக இருக்கும் திருக்கோவில்களில் மட்டுமின்றி, வேறு சாதியினரும் பரம்பரை உரிமை பேசுகின்றனரே அந்த திருக்கோவில்களிலும் மாறவேண்டும்.

இனி மேலாவது இல்லாத பெருச்சாளியைக் கட்டுச்சோற்றில் கட்டிவைக்க முயல்வது நிற்கட்டும். திரும்பத் திரும்ப இது 'மொழி'யின் பால் சார்ந்த பிரச்சனை இல்லை என்று சொன்ன பின்னாலும் தங்களைத் தாங்களே மடையன், வீணன், அயோக்கியன் என்று மற்றவர் மேல் காழ்ப்புடன் அழைத்துக் கொள்வது நிற்கட்டும். உண்மையான மறுமலர்ச்சி வேண்டும் என்ற விருப்பம் இருந்தால் கண்ணுக்கு நேராகத் தெரிவதைக் காணட்டும். //

குமரன்,
சரியாக வந்து விளக்கம் சொன்னதற்கு நன்றி...

தங்கள் பேச்சை நம்பவில்லையென்று இல்லை... அந்த ஊரில் சரியாக தெரிந்த நபர் இருக்கும் போது அவரை கேட்டு ஊர்ஜிதம் செய்யவே விரும்பினேன்.

வெட்டிப்பயல் said...

//கவிதா|Kavitha said...

நல்ல பதிவு வெட்டி,

குமரன் அவர்களின் தெளிவான விளக்கத்தை படித்தபின் தான் எனக்கு இந்த விஷயம் சரியாக புரிந்தது. நன்றி குமரன். //

கவிதாக்கா,
மிக்க நன்றி...

எதற்கும் நான் நேரில் சென்று பார்த்துவிட்டு மறுபடியும் பதிவிடுகிறேன் :-)

வெட்டிப்பயல் said...

//இலவசக்கொத்தனார் said...

வெட்டி, யார் எழுதினாலும் படிக்க மாட்டேன்னு சொன்னீங்க. ஆனா இந்த கருத்தைத்தான் முகமூடி மிக விளக்கமாக தன் பதிவில் எழுதி உள்ளார். அதனைத்தான் நான் படிக்கச் சொன்னேன். //

கொத்ஸ்,
ஏற்கனவே நான் முகமுடி சொல்லி போஸ்ட் போடறேனு எவனோ புரளி கிளப்பிவிட்டுட்டான்... நீங்க வேற அவர் பதிவை படினு சொன்னா நான் என்ன பண்ண?

மேலும் பதிவர்கள் இதில் அவரவர் கருத்தை திணிக்க வாய்ப்பிருப்பதால் கைது செய்யும் போது உடனிருந்த அதிகாரியை தெரியும் என்ற காரணத்தால் நான் எந்த பதிவையும் படித்து தெரிந்து கொள்ள விழையவில்லை...

வெட்டிப்பயல் said...

//சிவபாலன் said...

பாலாஜி,

// கோவில் எவன் சொத்தும் இல்லை. அது ஊர் பொது சொத்து. //

இதை புரிந்துகொண்டால் போதும். நிச்சயம் தெளிவு கிடைக்கும். //

ஆமாம் சிபா...

கோவில்கள் மக்களுக்கானவை... அவ்வளவுதான்

பச்சை தமிழன் said...

வெட்டிபயல் அவர்களே

பழனி கோயிலில் பரம்பரையாக பிராமணர் அல்லாதவர் தான் பூஜை செய்து வருகின்றனர்.அந்த கோயில் கருவறையில் யாராவது பிராமணர் நுழைந்து "சஷ்டிகவசம் பாடுகிறேன்" என்றால் அந்த கோயில் பூசாரிகள் விடுவார்களா சொல்லுங்கள். அப்படி பிராமணரை சஷ்டி கவசம் பாட அந்த கோயில் பண்டாரங்கள் மறுத்தால் அது தமிழுக்கு எதிரான செயல் என்று சொல்ல முடியுமா என்றும் சொல்லுங்கள்.

இந்தியா முழுக்க பல கோயில்கள் ஒவ்வொரு சாதியினரின் கட்டுப்பாட்டில் இருக்கின்றன. கோயிலை நடத்துவது அந்த சாதி என்றாலும் எல்லா சாதியினரும் வந்து வழிபட்டு செல்வார்கள்.

தமிழ் வழிபாட்டு மொழியாவதில் என்ன சிக்கல் என்றால் தமிழன் ஆந்திராவிலுள்ல திருப்பதி காலஹஸ்தி கோயிலுக்கு போகிறான் என்று வைத்துக்கொள்ளுங்கள். அங்கே தெலுங்கில் மந்திரம் பாடினால் இவனுக்கு புரியாது. ஐயப்பன் கோயிலில் மலையாளத்தில் பாடினால் இவனுக்கு புரியாது. ராமேஸ்வரத்தில் தமிழில் பாடினால் வடநாட்டானுக்கு புரியாது.மேலும் அக்னி, நவகிரகங்கள், எமதர்மன், இந்திரன் முதலிய பலதேவதைகளுக்கு தமிழில் வழிபாட்டு மந்திரங்கள் இல்லை.

இந்தியா முழுக்க ஆங்கிலத்தை வணிக மொழியாக ஏற்கிறோம். உலகம் முழுக்க கணிதத்தை அராபிய எண்களை கொண்டுதான் குறிப்பிடுகிறோம். தமிழ்நாட்டு கம்பனிகளுக்கு "வெல்வெட் ஷாம்பு " "ராஜ் டிவி" என்று தான் பெயர் வைக்கிறோம். "மன்னர் தொலைக்காட்சி", "பட்டு திரவம்" என்று பெயர் வைத்தால் தமிழ்நாடு தாண்டி யாருக்கும் அது என்னவென்று தெரியாது. இங்கே எல்லாம் மொழியை தாண்டி convenience தான் முன்னே நிற்கிறது. பொதுமொழி என்பதை ஏற்கிறோம்.

அதேமாதிரிதான் ஆன்மிகத்துக்கு பொதுமொழியாக வடமொழி இந்தியா முழுக்க ஏற்கப்பட்டது. கோயிலை தாண்டி அதன் பயன்பாடு வேறெங்கும் கிடையாது. இந்தி படித்தால் வடநாட்டில் வேலை கிடைக்கும். ஆங்கிலம் படித்தால் அமெரிக்காவில் வேலை கிடைக்கும். ஆனால் வடமொழி படித்தால் கோயிலில் மணியாட்டும் வேலையும் தேங்காய் மூடியும்தான் கிடைக்கும். அதனால் வடமொழி ஆதிக்கம்,கீதிக்கம் என்பதெல்லாம் வெறும் பம்மாத்துதான். கோயிலையும், யாகசாலையையும் தாண்டி அதன் பயன்பாடு எங்கேயும் கிடையாது.

கோயிலில் தமிழ்வழிபாடு கூடாது என்று யாரும் சொல்லவில்லை. வில்லிபுத்தூரில் ஆண்டாள் பாசுரம் இன்றி பெருமாளுக்கு உணவிடப்படுவதில்லை.ஆந்திர மாநிலம் திருப்பதியில் கூட மார்கழி மாதத்தில் தமிழே தெரியாத தெலுங்கு பிராமனர்கள் திருப்பாவை பாடுவார்கள்.ஆழ்வார்,நாயன்மார் பிறந்த, பாடிய ஒவ்வொரு ஷேத்திரத்திலும் அவர்கள் பாடிய பாடல்களை பாடுவார்கள். நாயன்மார்களால் பாடப்பட்ட ஸ்தலம் என்று பெருமையாக சொல்வார்கள்.

திருக்கோயில் பொதுமொழி என்பதைத்தாண்டி சமஸ்கிருதத்துக்கு வேறு பயன்பாடு இல்லை.இது நம் முன்னோருக்கு நன்கு தெரிந்ததால் தான் அதை அப்படியே விட்டு விட்டார்கள்.தமிழில் நம்பர் ப்ளேட் வைத்துக்கொண்டு காரோட்டும் அளவு மொழிவெறி படைத்தவர்கள் தான் "எங்கும் தமிழ், எதிலும் தமிழ்" என்று குதிப்பார்கள்.அது சுத்தமாக காரியசாத்தியமற்ற ஒன்று என்பதை சொல்கிறவர்கள் எல்லாம் தமிழ்விரோதி, இனத்துரோகி என்று தாக்கப்படுகிறான்.அதனால் தான் நான் இப்படி பயந்து அனானியாக பின்னூட்டம் போட்டுவிட்டு போகிறேன்.

G.Ragavan said...

// வெட்டிப்பயல் said...
மன்னிக்க வேண்டுகிறேன்...
இந்த பதிவில் குறிப்பிட்டதை போல் தில்லையில் அந்த குறிப்பிட்ட இடத்தில் தமிழில் பாடுவது மட்டும் தடையல்ல... அந்த மேடையில் தீட்சகர்களை தவிர மற்றவர்கள் பாடுவதற்கு தடை விதிக்கப்பட்டுள்ளது. அங்கே நாம் சென்று சமஸ்கிரதத்திலும் பாட அனுமதியில்லையாம். அதனால் அது மொழி சம்பந்தப்பட்டது அல்லவென்று அறிகிறேன்...//

வெட்டி, இந்தப் பிரச்சனையை இப்படிப் பார்ப்பது சரியாகுமா என்று எனக்குத் தெரியவில்லை. அந்த மேடையில் இங்கிலீசில் பாடக்கூடாது, பிரெஞ்சில் பாடக்கூடாது, தெலுங்கில் பாடக்கூடாது என்று அடுக்கிக் கொண்டே போகலாமே. பிரச்சனை அதுவல்ல. தமிழகத்தில்...தமிழின் மையமான சைவ சமயம் துலங்கிய ஒரு திருக்கோயிலில் தீட்சிதர்கள் மட்டும் அந்த மேடையில் பாடலாம் என்றால் எப்படி? இந்த நிலை மாற வேண்டும். பாடச்செல்லும் நபர் பாபா பிளாக் ஷீப்பா பாடப் போகிறார்? நீ முன்பே சொன்னது போல திருக்கோயில்களிலும் வேண்டும் இடவொதுக்கீடு. அது தொடங்கினால்....அந்த மேடையில் நாமும் சென்று தேவாரம் பாடலாம். இதுதான் என்னுடைய கருத்து.

குமரன் (Kumaran) said...
This comment has been removed by the author.
பச்சை தமிழன் said...

/தமிழகத்தில்...தமிழின் மையமான சைவ சமயம் துலங்கிய ஒரு திருக்கோயிலில் தீட்சிதர்கள் மட்டும் அந்த மேடையில் பாடலாம் என்றால் எப்படி? இந்த நிலை மாற வேண்டும்./

ராகவன்

நீங்களோ அல்லது வேறு எந்த சாதியை சேர்ந்த யாராக இருந்தாலும் தமிழின் மையமான சைவ சமயம் துலங்கிய பழனி கோயில் கருவறையுள் நுழைந்து சஷ்டி கவசம் பாட முடியுமா என்று சொல்லுங்கள். கோயிலில் இட ஒதுக்கீடு வேண்டும் என்பது சரி. ஆனால் பரம்பரை பரம்பரையாக சில குடும்பங்கள் மட்டுமே பூசை செய்யும் உரிமை பெற்ற பழனி, சிதம்பரம் போன்ற கோயில்களுக்கு அந்த விதி பொருந்துமா?

திருவரங்கம் போன்ற பரம்பரை உரிமை இல்லாத கோயில்களுக்கு இடஒதுக்கீடு கொடுக்கலாம். பழனிக்கும், சிதம்பரத்துக்கும் கொடுப்பது ஆயிரம் ஆயிரம் ஆண்டுகளாக வந்த பாரம்பரியத்தை சிதைப்பதாகும்.

கோவி.கண்ணன் said...

//இனி மேலாவது இல்லாத பெருச்சாளியைக் கட்டுச்சோற்றில் கட்டிவைக்க முயல்வது நிற்கட்டும். திரும்பத் திரும்ப இது 'மொழி'யின் பால் சார்ந்த பிரச்சனை இல்லை என்று சொன்ன பின்னாலும் தங்களைத் தாங்களே மடையன், வீணன், அயோக்கியன் என்று மற்றவர் மேல் காழ்ப்புடன் அழைத்துக் கொள்வது நிற்கட்டும். உண்மையான மறுமலர்ச்சி வேண்டும் என்ற விருப்பம் இருந்தால் கண்ணுக்கு நேராகத் தெரிவதைக் காணட்டும்.//

எங்கேயோ ? கேட்டக் குரலுக்கு மாற்றுக் குரல் இங்கே எதிரொலிக்குது ! அப்படி நானகத் தான் நினைத்துக் கொள்கிறேன். அருளியவர் அதைவைத்துச் சொன்னார் என்று சொல்லவில்லை.

வால்டர் வெற்றிவேல் said...

அருமையான பதிவு. நானும் சிதம்பரம் பிரச்னை பற்றி எழுதி இருக்கிறேன்.

குமரன் (Kumaran) said...

இங்கே சொன்ன மாற்றுக் குரல்களுக்கு வேறு எங்கேயோ திட்டு விழுகிறது. அதனை என்ன சொல்ல? :-)

எப்படியோ இது மொழிப்பிரச்சனை இல்லை என்பதை ஒத்துக்கொண்டார்களே. இனிமேல் அப்படி பேச மாட்டார்கள் என்று நினைக்கிறேன்.

தில்லையில் மட்டும் செய்யாதீர்கள்; எல்லாக் கோயில்களிலும் பரம்பரை உரிமை பேசப்படுகிறது. அங்கெல்லாமும் மாற்றம் வரவேண்டும் என்று சொன்னால், தில்லையில் செய்யப்படுவதற்கும் ஆதரவு சொல்லப்படுவதாக அவர்களாகவே என் மேல் ஏற்றிக் கூறித் திட்டுகிறார்கள். அப்படி நான் சொல்லாத கருத்தைச் சொன்னதாகச் சொன்னால் தானே என்னைத் திட்டமுடியும். திட்டிவிட்டுப் பின்னர் தாங்களே அனானிப் பின்னூட்டங்கள் இட்டுக் கொள்ளட்டும்.

எல்லாக்கோவில்களிலும் என்று தெளிவாகச் சொல்லியிருக்கிறேன். அவர்களே அதனைத் தனியார் கோவிலென்றும் அறநிலையத்துறையின் கீழ் இருக்கும் பொதுக் கோவிலென்றும் பிரித்துக் கொண்டு பேசுகிறார்கள் இப்போது. நான் எப்போது தனியார் கோவிலைப் பற்றிப் பேசினேன்? அறநிலையத்துறையின் கீழ் மாரியம்மன் கோவிலே இல்லையா? ஒரு எடுத்துக் காட்டு சொல்ல வேண்டுமென்றால் மதுரை தெப்பக்குளம் மாரியம்மன் கோவில் அறநிலையத்துறையின் கீழ் இருப்பது தானே?! அங்கேயும் மரபு பேணப்படுகிறதே?! எல்லா இடங்களிலும் மரபின் பெயரில் ஏற்றத்தாழ்வோ அனுமதி மறுப்போ கூடாது என்பது தான் என் கருத்து. அதனைப் புரிந்து கொள்ளாமலோ, புரிந்து கொண்டே புரியாத மாதிரி நடித்தோ பேசிக் கொண்டிருந்தால் என்ன செய்வது?

சைவத் தலைநகரான தில்லையில் முதலில் போராடுவோம்; பின்னர் மற்றக் கோவில்களுக்கு வருவோம் என்று சொன்னீர்கள் என்றால் அதில் அருத்தம் உண்டு. அது மரபினை எதிர்ப்பது மட்டுமே; அங்கே தமிழுக்கு இழிவில்லை என்பதையும் ஏற்றுக் கொண்டோம் என்று சொல்லுங்கள். அதனை விடுத்துத் தில்லையில் மட்டுமே மரபின் அடிப்படையில் அனுமதி மறுப்பு இருப்பதாகப் பேசுவது வேறு உள்நோக்கம் இருக்கிறதோ என்று ஐயப்பட வைக்கிறது. அத்துடன் அங்கே தமிழுக்கு இழிவு என்ற இல்லாத ஒன்றையும் இழுத்துக் கொண்டு சவடால்கள் விடுவது மேலும் ஐயத்தை வலுப்படுத்துகிறது.

தில்லையில் தொடங்கி போராட்டத்தை நடத்துவோம்; ஆனால் அது மரபினை எதிர்த்தப் போராட்டமே; தமிழுக்கு அங்கே இழிவில்லை; மரபினை எதிர்க்கும் போராட்டம் எல்லாக் கோவில்களிலும் நடத்தப்படவேண்டும்.

(தற்போது தனியார் வசம் இருந்து பிற்காலத்தில் நல்ல வருமானம் வந்தால் அப்போது அறநிலயத்துறை எடுத்துக் கொள்ளுமே - அந்தத் திருக்கோவில் அப்போது பொதுக் கோவில் ஆகிவிடும் - அங்கும் அந்தப் போராட்டம் நடத்தப்படும்).

G.Ragavan said...

// பச்சை தமிழன் said...
ராகவன்

நீங்களோ அல்லது வேறு எந்த சாதியை சேர்ந்த யாராக இருந்தாலும் தமிழின் மையமான சைவ சமயம் துலங்கிய பழனி கோயில் கருவறையுள் நுழைந்து சஷ்டி கவசம் பாட முடியுமா என்று சொல்லுங்கள். கோயிலில் இட ஒதுக்கீடு வேண்டும் என்பது சரி. ஆனால் பரம்பரை பரம்பரையாக சில குடும்பங்கள் மட்டுமே பூசை செய்யும் உரிமை பெற்ற பழனி, சிதம்பரம் போன்ற கோயில்களுக்கு அந்த விதி பொருந்துமா? //

நண்பரே. பழநியோ சிதம்பரமோ..அவை பொதுக்கோயில்களாகி விட்டன. அவை இந்து சமய அறநிலையத்துறைகளால் பராமரிக்கப்படுகின்றன. யாராவது ஒரு முக்கில் தன்னுடைய ஒரு கோயில் கட்டினால் அங்கு போய் எல்லாருக்கும் பங்கு கொடு என்று சொல்ல முடியாது. சொல்ல வருவது என்னவென்றால் சாதி வேறுபாடுகள் ஒழிந்து எல்லாரும் எல்லாமும் பெற வேண்டும். திருச்செந்ந்தூர் கோயிலுக்குச் சென்று பாருங்கள்...காசு...காசு..காசு...அப்பப்பா! அவர்களுக்குள் போட்டுக்கொள்ளும் சண்டை. கோயிலுக்குப் போகும் ஆசையே போய் விடும். இந்த நிலையும் மாற வேண்டும். இங்கு இடவொதுக்கீடு இல்லை என்றால்...அப்படிச் சொல்கின்றவர்களுக்கு வேறு எங்கும் இடவொதுக்கீடு கொடுக்க முடியுமா?

// திருவரங்கம் போன்ற பரம்பரை உரிமை இல்லாத கோயில்களுக்கு இடஒதுக்கீடு கொடுக்கலாம். பழனிக்கும், சிதம்பரத்துக்கும் கொடுப்பது ஆயிரம் ஆயிரம் ஆண்டுகளாக வந்த பாரம்பரியத்தை சிதைப்பதாகும். //

இல்லை. நிச்சயமாக இல்லை. மாறுதல்கள் ஒவ்வொரு காலகட்டத்திலும் நடந்துகொண்டிருந்திருக்கின்றன. நடக்கும். அவைகளை ஏற்றுக்கொண்டுதான் இருக்கிறது வரலாறு. பழநியைப் பற்றிச் சொன்னீர்கள். புலிப்பாணிச் சித்தர்கள் வசம் மட்டும் இருந்த கோயிலின் நிலை இன்று அப்படியில்லை. கோர்ட்டு கேஸ் இருந்தது. இப்பொழுது பாதி உரிமைதான் அவர்களுக்கு.

சைவ வைணவச் சண்டையைப் போக்க மதுரைச் சித்திரைத் திருவிழாவை உண்டாக்கவில்லையா திருமலை நாயக்கர். அப்போழுது மாற்றங்கள் ஏற்றுக்கொள்ளப்பட்டனவே. துலுக்க நாச்சியாரும் மாற்றந்தானே. இது போல நிறைய மாற்றங்களைச் சொல்லிக் கொண்டே போகலாம்.

இன்னும் சொல்கிறேன். திருமுருகாற்றுப்படை, சிலப்பதிகாரம், குறுந்தொகை...என்று பல பழைய நூல்களில் முருகன் கோயில்களில் எப்படிக் கும்பிட்டார்கள் என்று இருக்கிறது. அட...ஆற்றுப்படை வீடுகளிலும் மற்ற முருகன் கோயில்களிலும். அதுதான் பழைய முறை. அப்படிப் பண்பாட்டைச் சீர்குலைக்காமல் வெறியாடி வெள்ளாடு அறுத்து நெல்லும் மலரும் தூவி வழிபட்டு அங்கேயே சமைத்து உண்போமா? இன்றைக்கு அப்படியா இருக்கிறது நிலை? மாறியிருக்கிறது அல்லவா. மாற்றம் என்பது மனிததத்துவம். அது தேவைப்படும் பொழுது மாறவில்லை என்றால் நாறத்தான் வேண்டும்.

சமூகநீதியை விடப் பாரம்பரியம் பெரிதல்ல என்பதே என் கருத்து.

G.Ragavan said...

// தமிழ் வழிபாட்டு மொழியாவதில் என்ன சிக்கல் என்றால் தமிழன் ஆந்திராவிலுள்ல திருப்பதி காலஹஸ்தி கோயிலுக்கு போகிறான் என்று வைத்துக்கொள்ளுங்கள். அங்கே தெலுங்கில் மந்திரம் பாடினால் இவனுக்கு புரியாது. ஐயப்பன் கோயிலில் மலையாளத்தில் பாடினால் இவனுக்கு புரியாது. ராமேஸ்வரத்தில் தமிழில் பாடினால் வடநாட்டானுக்கு புரியாது.மேலும் அக்னி, நவகிரகங்கள், எமதர்மன், இந்திரன் முதலிய பலதேவதைகளுக்கு தமிழில் வழிபாட்டு மந்திரங்கள் இல்லை. //

நண்பரே, இப்பொழுது மட்டும் எதும் புரிகிறதா என்ன? உள்ளே போய் அவர்கள் சொல்வது அப்படியே காதில் விழுந்து புரிந்து விடுகிறதா என்ன? அப்படியானால் புரிந்து கொள்ள வடமொழியைக் கற்க வேண்டுமாக்கும்.

எமனுக்கு, இந்திரனுக்கு மட்டுமல்ல ஏதீனா, வீனஸ் ஆகியோருக்கும் தமிழில் மந்திரமில்லை. இல்லாததை விட்டுத்தள்ளுவோம். இருக்குறதப் பாப்போமய்யா...எனக்குத் தெரிஞ்சு எந்தக் கோயில்லயும் எமதருமனன் சந்நிதியும் இந்திரன் திருவறையும் இருக்குற மாதிரியும் வழிபடுற மாதிரியும் தெரியலை. நடக்க வேண்டியதைப் பார்க்கலாங்க.

Anonymous said...

ராகவன்,

பல்லாயிரம் ஆண்டுகளாக சிதம்பரத்தையும், பழனியையும் நன்றாகத்தான் பராமரித்து வந்திருக்கின்றனர் தீட்சிதர்களும் புலிப்பாணி சித்தர்களும். அன்னிய நாட்டு மன்னர்கள் துவங்கி, பிரிட்டிஷ்காரன், முகலாயன் என்று எத்தனை ஆட்சி மாறியபோதும் கோயிலை நல்லபடி தான் பார்த்துக் கொண்டிருக்கிறார்கள்.உலகில் வேறு எந்த நாட்டிலும் இந்தமாதிரி எந்த ஒரு திருக்கோயிலுக்கும் இப்படி ஒரு குடும்பம் காவல் நின்றதாக பாரம்பரியமோ, மரபோ இருந்ததில்லை.

இப்படிப்பட்ட மரபை அழியாமல் காப்பாற்றி அடுத்த சந்ததிக்கு விட்டு செல்லவேண்டியது நமது கடமையா அல்லது சமூகநீதி என்ற பெயரில் அதை அழிப்பது முறையா? இப்போது அந்த இரண்டு குடும்பங்களும் கோயிலில் பூஜை செய்வதால் நாட்டுக்கு என்ன பெரிய நஷ்டம் வந்துவிட்டது?

சமூகநீதியை அரசு வேலைகளிலும், கல்விக்கூடங்களிலும் அரசு நிதிஉதவி பெறும் பொதுவான கோயில்களிலும் அமுல்படுத்துங்கள். வரவேற்கிறேன்.

மைனாரிட்டி இனத்தவர் நடத்தும் கல்லுரிகளில் எல்லாம் சமூகநீதியை அமுல்படுத்த முடியாது என்று அரசு கைவிரித்து விட்டதே? அதுபோல் இந்த இரண்டு கோயில்களுக்கும் ஒரு விதிவிலக்கு கொடுத்தால் என்ன ஆகிவிடும்?

Green tamilan said...

/நண்பரே, இப்பொழுது மட்டும் எதும் புரிகிறதா என்ன? உள்ளே போய் அவர்கள் சொல்வது அப்படியே காதில் விழுந்து புரிந்து விடுகிறதா என்ன? அப்படியானால் புரிந்து கொள்ள வடமொழியைக் கற்க வேண்டுமாக்கும்./

ராகவன்,

முருகனை "பழனியப்பா, குமரா" என்று அர்ச்சனை செய்தால் தமிழரை தவிர யாருக்கும் புரியாது. சுப்ரமணியா, கார்த்திகேயே என்று அர்ச்சனை செய்தால் எல்லோருக்கும் புரியும். திருப்பதி பெருமாலை சகஸ்ரமாநத்தில் உள்ள பெயர்களில் அர்ச்சனை செய்தால் சொல்வது பகவான் பெயர் என்று புரிந்துகொண்டு மொழிதெரியாத தமிழரும் பக்தி செலுத்துவார்கள். மாயோன், மாலவன் என்பது போன்ற பெயர்களில் அர்ச்கனை செய்தால் திராவிட இயக்கத்தினரை தவிர சராசரி தமிழனுக்கே புரியாது.அப்புறம் மற்ற மாநிலத்துக்காரனுக்கு எப்படி புரியும்?

இதுபோன்ற புத்தகங்கள் ஏராளம் அச்சிடப்பட்டு இந்தியா முழுக்க ஆன்மிகர்களிடையே புழக்கத்தில் இருக்கிறது. ஓரளவு ஆன்மிக சிரத்தையுள்ளவர்கள் இந்த பெயர்களை புரிந்துகொள்ள முடியும். ஊருக்கொரு பெயரில் கடவுளை அர்க்சனை செய்தால் அந்தந்த ஊர்காரகளை தவிர யாருக்கும் புரியாது.

அதனால் தான் தமிழ்/வடமொழி இரண்டிலும் அர்க்சனை செய்யவேண்டும் என்கிறது.முருகனை பழனியப்பன் என்பதுடன் சுப்பிரமணீயன் என்றும் சொல்வதால் யாருக்கு என்ன நஷ்டம் வந்துவிடுகிறது?

/எமனுக்கு, இந்திரனுக்கு மட்டுமல்ல ஏதீனா, வீனஸ் ஆகியோருக்கும் தமிழில் மந்திரமில்லை. இல்லாததை விட்டுத்தள்ளுவோம். இருக்குறதப் பாப்போமய்யா...எனக்குத் தெரிஞ்சு எந்தக் கோயில்லயும் எமதருமனன் சந்நிதியும் இந்திரன் திருவறையும் இருக்குற மாதிரியும் வழிபடுற மாதிரியும் தெரியலை. நடக்க வேண்டியதைப் பார்க்கலாங்க./

ஏதினா, வீனஸ் ஆகியோர் இந்துகடவுள்கள் அல்லவே? அவர்களோடு எப்படி இந்திரனையும், எமனையும் ஒப்பிட முடியும்?

நவக்கிரக வழிபாடு எல்லா கோயில்களிலும் இருக்கிறது. ஒவ்வொரு தேவதைக்கும் தனி மந்திரம் இருக்கிறது. எமனுக்கு தஞ்சை திருச்சி பகுதிகளில் பல கோயில்கள் இருக்கின்றன. சித்திரகுப்தனுக்கும் தான்.

இவர்களை நீங்கள் கும்பிடாமல் இருக்கலாம்.ஆனால் கும்பிடுகிறவர்கள் நம்பிக்கையை மதிக்க வேண்டும்.

Anonymous said...

கடவுளுக்கு மந்திரம் தேவையிருக்கிறது. அதுவும் குறிப்பிட்ட மொழியில்தான் தேவையிருக்கின்றது.

அப்புறம் ஏன் அவரை எல்லாம் கடந்தவர்னு சொல்லறாங்க. ஒரு மொழியை கூட அவரால கடக்க முடியலியே?

ஒரு காலத்தில உடன்கட்டை ஏறுறதும்தான் மரபா இருந்திச்சு. அதுவும் பல ஆயிரம் வருஷம் மரபா இருந்திச்சு. அதனால இன்னைக்கும் அதை கடைபிடிக்கிறோமோ.

கைம்பெண்ணுக்கு மொட்டையடிச்சு வெள்ளை புடவை கட்டும்போதும் மரபு மண்ணாங்கட்டி வியாக்யானந்தான் கொடுத்தோம்.

மரபு என்பது ஒரு வித அடக்குமுறைதான்.

ஆயிரம் வருஷமா இருக்கறதுனால எதுக்கும் சிறப்பு கிடையாது. கரப்பான் பூச்சி கூடதான் டைனாசரஸ் காலத்தில இருந்து இருக்கு. பாத்தா செருப்பை எடுத்து ஒரு போடுதான் போடறோம். தூக்கி வைச்சா ஆடறோம்.

தொடர்ந்து வேற்று மொழியை பயன்படுத்தி வழிபாடு பண்றதாலதான் அப்பிராந்திய மொழியில் கடவுளை குறிக்க பயன்படுத்தும் சொற்கள் நிறைய பேருக்கு புரியாம போயிடுச்சு. அதனால அதுவே காரணமா சொல்லறது சரியல்ல. தொடர்ந்து பிராந்திய மொழி பதங்களை பயன்படுத்தும் போது மக்கள் தன்னால அந்த சொற்களை புரிஞ்சிப்பாங்க.

ஒரு பிராந்தியத்துல இருக்க வெகுவாரியான மக்களுக்கு புரியகூடிய மொழியில இறைவன் வழிபாடு ஏத்துக் கொள்ள முடியாத இறைவன் இறைவனா?

இலவசக்கொத்தனார் said...

ராகவண்ணா, ஒரு பேங்கில் நாம் கவுண்டருக்கு வெளியே இருந்துதான் காசை எடுக்கிறோம். நம்ம காசே இருந்தாலும் கூட. அங்க போயி இல்லை நான் உள்ளதான் வருவேன்னு சொல்ல முடியுமா? அது அதுக்குன்னு இருக்கிற ஆளுங்கதான் அந்த வேலையைப் பார்க்கணும். நம்ம ஊரில் சில கோவில்களில் பூசை செய்பவர்கள் பண்டாரம் எனப் படுபவர்கள் அங்கு போய் நான் பூசை செய்கிறேன் என ஒரு அய்யர் கிளம்பினால் பொலிதான் விழும். அதனால அதெல்லாம் மரபு. அதற்குண்டான தகுதி பெற்றவர்கள்தான் செய்ய முடியும். அர்ச்சகருக்கு உண்டான தகுதியை பெற்றார்களானால் அவர்கள் அதற்கான கோயிலுக்குச் சென்று பூசை செய்யலாம்.

வட இந்தியாவில் எத்தனையோ கோயில்களில் நாமே அபிஷேகம் செய்யலாம். ஆனால் எனக்கு அங்குள்ள கோயில்களும் அதிலிருக்கும் மார்பிள் சிலைகளும் பார்த்தால் பொம்மை பார்ப்பது போல்தான் இருக்கிறது. பக்தியே வருவதில்லை. அது அங்குள்ள பாரம்பரியம். மாற்றவா முடியும்?

மலையாள கோயில்கள் பலவற்றில் ஆண்கள் மேற்சட்டை அணியக் கூடாதென்பது சட்டம். அதை நீங்கள் தட்டிக் கேட்கறீர்கள். ஆனால் இன்று சென்னையில் பல பார்களில் காற்சட்டையும் ஷூவும் இல்லை என்றால் அனுமதி இல்லை. அங்கு போய் போராட்டமா செய்கிறோம்? அங்கு நாம் போவதில்லை. அது போல் நமக்கு ஒத்து வரும் இடங்களுக்கு நாம் போய்க் கொள்ள வேண்டியதுதான்.

எல்லாவற்றையும் மாற்றித்தான் ஆக வேண்டும் என்பது சரியான வாதம் இல்லை என்பது என் எண்ணம்.

Green tamilan said...

/கடவுளுக்கு மந்திரம் தேவையிருக்கிறது. அதுவும் குறிப்பிட்ட மொழியில்தான் தேவையிருக்கின்றது.

அப்புறம் ஏன் அவரை எல்லாம் கடந்தவர்னு சொல்லறாங்க. ஒரு மொழியை கூட அவரால கடக்க முடியலியே?/

அண்ணா,

கடவுளுக்கு மந்திரம் வேண்டாம்னா. அவர் பேரை உச்சரிச்சோலோ கேட்டாலோ புண்ணியம் மனுஷனுக்கு என்பதால் தான் மந்திரம் சொல்வதும் அர்ச்சனை செய்வதும். அர்ச்சனை செய்யும்போது கேட்கிறவனுக்கு சாமி பெயர் தான் சொல்கிறார்கள் என்பதும் சொல்லும்போது அவனும் திருப்பி சொல்வதும் நடக்கணும் இல்லையா? அதற்குத்தான் பொதுமொழியில் ஸ்லோகங்களும், சகஸ்ரநாமம் மாதிரியும் வைத்திருக்கிறார்கள்.

உலகம் முழுக்க இருக்கும் இந்து கோயில்களில் வடமொழி பொதுமொழியா இருக்கிறது. நேபாள் அல்லது பாலியில் இருந்து வரும் இந்துகூட அவன் மொழியில் வடமொழியை எழுதி படிக்க முடியும்.இது ஒரு convenince தானே தவிர உள்ளூர் மொழியை பயன்படுத்தவே கூடாதுன்னு யாரும் சொல்லலை. தமிழில் தேவாரமும் ஓதுங்க, சவுந்தர்ய லஹரியும் சொல்லுங்க. ஒரு மொழியே வேண்டாம்னு அடம் பிடிப்பதுதான் வேண்டாம்.

//ஒரு காலத்தில உடன்கட்டை ஏறுறதும்தான் மரபா இருந்திச்சு. அதுவும் பல ஆயிரம் வருஷம் மரபா இருந்திச்சு. அதனால இன்னைக்கும் அதை கடைபிடிக்கிறோமோ.

கைம்பெண்ணுக்கு மொட்டையடிச்சு வெள்ளை புடவை கட்டும்போதும் மரபு மண்ணாங்கட்டி வியாக்யானந்தான் கொடுத்தோம்.

மரபு என்பது ஒரு வித அடக்குமுறைதான்.//

வேட்டிகட்டுவதும், சேலை கட்டுவதும் மரபுதான். கல்யாணம் செய்வதும் மரபுதான்.இதெல்லாம் வேண்டாம்னு தூக்கியா போட்டோம்?

மரபு என்பதால் எதுவும் மோசமல்ல, புதுமை என்பதால் எதுவும் நல்லதல்ல. இரண்டிலும் நல்லதும் உண்டு, கெட்டதும் உண்டு

/ஆயிரம் வருஷமா இருக்கறதுனால எதுக்கும் சிறப்பு கிடையாது. கரப்பான் பூச்சி கூடதான் டைனாசரஸ் காலத்தில இருந்து இருக்கு. பாத்தா செருப்பை எடுத்து ஒரு போடுதான் போடறோம். தூக்கி வைச்சா ஆடறோம்./

அப்புறம் ஏண்ணா "கல்தோன்றி மண்தோன்றா காலத்து இனம்னு" பெருமை பேசறோம்? மிசுசியத்தில் ஏண்ணா பழம்பொருளை தூக்கி வெச்சு ஆடறோம்? போட்டு உடைக்க வேண்டியதுதானே?

/தொடர்ந்து வேற்று மொழியை பயன்படுத்தி வழிபாடு பண்றதாலதான் அப்பிராந்திய மொழியில் கடவுளை குறிக்க பயன்படுத்தும் சொற்கள் நிறைய பேருக்கு புரியாம போயிடுச்சு. அதனால அதுவே காரணமா சொல்லறது சரியல்ல. தொடர்ந்து பிராந்திய மொழி பதங்களை பயன்படுத்தும் போது மக்கள் தன்னால அந்த சொற்களை புரிஞ்சிப்பாங்க./

வெளிநாட்டு, வெளியூர் பக்தர்களைத்தான் இங்கே சொல்கிறேன்.உள்ளூரில் ஒரு சாமிக்கு ஆயிரம் பேர் இருக்கலாம். பொதுவான பெயர் சொன்னால்தானே எல்லோருக்கும் புரியும்? உதாரனத்துக்கு பட்டிதொட்டராயசாமி என்பது எந்த சாமி பெயர்ன்னு அந்த ஊர்க்காரனைத்தவிர வேற ஊர்க்காரனுக்கே தெரியாது.இதற்கும் அது தமிழ்ப்பெயர்தான். ஒரு ஊரில் தொட்டராயசாமி என அழைக்கப்படுகிறவர் இன்னொரு ஊரில் பட்டிவீரன் என அழைக்கப்படுவார். தமிழ்நாடு தாண்டி அந்த பெயர் புரியணும்ணா கிருஷ்ணன் என்று சொன்னால் உலகம் முழுக்க புரியும். கண்ணன் என்றால் தமிழ்நாடு முழுக்க புரியும்.

/ஒரு பிராந்தியத்துல இருக்க வெகுவாரியான மக்களுக்கு புரியகூடிய மொழியில இறைவன் வழிபாடு ஏத்துக் கொள்ள முடியாத இறைவன் இறைவனா?/

பிரச்சனை இறைவனைப்பற்றியது இல்லை. பக்தனின் convenience தான்.

Anonymous said...

பச்சை.

பொதுமொழி வடமொழி அப்படினு ஏன்னா நீங்க முடிவு பண்ணிக்கிட்டு அத எங்களுக்கும் ஊத்தி விடறிங்க.

எங்களுக்கு உள்ளூர் மொழி மட்டுமே பழக்கம். நீங்க சொல்லற பொது மொழி அரிச்சுவடி கூட வெகுவாரிக்கு தெரியாதுன்னா.


நாங்களும் மொழி வேண்டாம்னு சொல்லிலண்ணா. அந்த மொழி தெரிஞ்சவங்க மத்தியில நீங்க தாரளமா அந்த மொழில உரையாடுங்கன்னா. மந்திரம் போடுங்கன்னா. ஆனா உள்ளூர் மொழி அதிகம் பேசற இடத்தில உள்ளூர் மொழி உபயோகம் பண்ணுங்கன்னா.

அர்த்தம் புரியாம ஆமாம் சாமி போடறது உங்க கடவுளுக்கு அடுக்குமாண்ணா?

உள்ளூர் மொழி மட்டும் தெரிஞ்சவங்க மத்தியில பீட்டர் விட்டு இங்கிலிஸ் பேசி உள்ளுர்காரனுக்கு மேதாவிதனம் காட்டி பயத்தை கிளப்புற அதே லாஜிக்தான்னா உங்க பொதுமொழி மட்டும் வச்சி சாமி கும்பிடும்போது உணர்வு வருது.

வெளியூர் பக்தர்கள்,மக்கள் மேல நீங்க காட்டற கரிசனம் டச் பண்ணுதுண்ணா. அதே கரிசனம் உள்ளூர் மக்கள் மேல வைங்கன்னா. நாங்களும் மக்கள்தான்னா.
நாங்களும் சிறப்பு தரிசனம், அபிஷேகம், அர்ச்சனை எல்லாத்துக்கும் காசு கட்டறோம்னா.
நீங்களே பிரச்சனை சாமி பத்தினது இல்ல சாமி கும்பிடறவன் பத்தினதுதான்னு சொல்லி இருக்கிங்கன்னா. ஆனா இது சாமி கும்பிடறவன் முடிவு செய்யாம,சாமியோட ஏஜேன்ட்டா தன்னை நெனைக்கறவங்க முடிவு பண்ணாறாங்கன்னா

பட்டி வீரனும், தொட்டராயசாமியும் ஏன் பட்டி வீரனாகவும், தொட்டராயசாமியாகவும் இருக்க கூடாதுன்னா? உங்க பொதுமை படுத்தும் குணத்தால எல்லாருக்கும் ஏன்னா கிருஷ்ண்ண் வண்ணம் பூசறிங்க.
அதுதானே பிரச்சனை. செயமோகன் மாடன் மோட்சந்தான்னா நியாபகம் வருது.

வேற்றுமையில் ஒற்றுமை காண்பதுன்னா சுயத்தை இழக்கறதில்லன்னா. பட்டி வீரன், தொட்டராயன், கிருஷ்ண்ண் அப்படினு மூனு பேரும் அவங்க அவங்களா இருந்தாலே போதும்னா.

Green Tamil said...

அனானின்னா,

/பொதுமொழி வடமொழி அப்படினு ஏன்னா நீங்க முடிவு பண்ணிக்கிட்டு அத எங்களுக்கும் ஊத்தி விடறிங்க.

எங்களுக்கு உள்ளூர் மொழி மட்டுமே பழக்கம். நீங்க சொல்லற பொது மொழி அரிச்சுவடி கூட வெகுவாரிக்கு தெரியாதுன்னா./

இந்தியா முழுக்க ஆகமப்படி நடக்கும் இந்து கோவில்களில் ஆயிரம் ஆயிரம் ஆண்டுகளாக பொது வழிபாட்டுமொழி வடமொழிதான்னா. நீங்க இல்லை அப்படின்னா அது இல்லைன்னு ஆயிடுமான்னா?

/நாங்களும் மொழி வேண்டாம்னு சொல்லிலண்ணா. அந்த மொழி தெரிஞ்சவங்க மத்தியில நீங்க தாரளமா அந்த மொழில உரையாடுங்கன்னா. மந்திரம் போடுங்கன்னா. ஆனா உள்ளூர் மொழி அதிகம் பேசற இடத்தில உள்ளூர் மொழி உபயோகம் பண்ணுங்கன்னா./

உள்ளூர் மொழி, பொது மொழி இரண்டையும் தான் உபயோகப்படுத்த சொல்றோம்னா.உள்ளூர் மொழி சுத்தமா வேண்டாம்னு சொல்லலீங்னா.அதே மாதிரி நீங்களும் ஆயிரம்,ஆயிரம் வருஷமா இருக்கும் பொதுமொழியை வேண்டாம்னு சொல்லாதீங்க்னா.

/உள்ளூர் மொழி மட்டும் தெரிஞ்சவங்க மத்தியில பீட்டர் விட்டு இங்கிலிஸ் பேசி உள்ளுர்காரனுக்கு மேதாவிதனம் காட்டி பயத்தை கிளப்புற அதே லாஜிக்தான்னா உங்க பொதுமொழி மட்டும் வச்சி சாமி கும்பிடும்போது உணர்வு வருது./

எந்த கோயிலுக்கும் போயி பாருங்க்ணா..வடமொழி ஸ்லோகத்தை தமிழில் எழுதி பல்லாயிரம் பக்தர்கள் படித்துக் கொண்டிருப்பார்கள்.அவர்கள் எல்லாம் பயப்பட்டதா தெரியலையே?உங்களுக்கு பயம்னா நீங்க படிக்காதிங்க.படிக்கறவங்களை தடுக்காதீங்க.

/வெளியூர் பக்தர்கள்,மக்கள் மேல நீங்க காட்டற கரிசனம் டச் பண்ணுதுண்ணா. அதே கரிசனம் உள்ளூர் மக்கள் மேல வைங்கன்னா. நாங்களும் மக்கள்தான்னா.
நாங்களும் சிறப்பு தரிசனம், அபிஷேகம், அர்ச்சனை எல்லாத்துக்கும் காசு கட்டறோம்னா. நீங்களே பிரச்சனை சாமி பத்தினது இல்ல சாமி கும்பிடறவன் பத்தினதுதான்னு சொல்லி இருக்கிங்கன்னா. ஆனா இது சாமி கும்பிடறவன் முடிவு செய்யாம,சாமியோட ஏஜேன்ட்டா தன்னை நெனைக்கறவங்க முடிவு பண்ணாறாங்கன்னா/

தமிழில்ல அர்ச்சனை சீட்டு வாங்கி தமிழில் அர்ச்சனை பண்ன விருப்பம்னா பண்ணிக்கலாம். வடமொழியில் பண்ன விருப்பமிருப்பவர்கள் பண்ணிக்கலாம்னு தெளிவா அரசானை இருக்கேண்ணா?அப்புறம் உங்க பிரச்சனை என்னண்ணா?

/பட்டி வீரனும், தொட்டராயசாமியும் ஏன் பட்டி வீரனாகவும், தொட்டராயசாமியாகவும் இருக்க கூடாதுன்னா? உங்க பொதுமை படுத்தும் குணத்தால எல்லாருக்கும் ஏன்னா கிருஷ்ண்ண் வண்ணம் பூசறிங்க.அதுதானே பிரச்சனை. செயமோகன் மாடன் மோட்சந்தான்னா நியாபகம் வருது./

இப்படித்தான் ஆரம்பிப்பீங்க.அப்புறம் பழனி முருகன் வேறு, செந்தூர் குமரன் ,மருதமலை ஆண்டி வேறும்பீங்க.சிவன் வேற சென்னிமலையப்பன் வேற, அண்ணாமலை வேறம்பீங்க.கடைசியில் தமிழ்நாட்டில் இருக்கும் எல்லாம் கோயிலும் சம்பந்தம் இல்லாதவை..ஒவ்வொண்ணும் ஒவ்வொரு மதம்னு சொல்லுவீங்க..

பக்தர்களுக்கு எல்லாமே ஒரே கடவுள்தான்னா. நீங்க புதுசா வந்து இல்லைனா ஆயிடுமாண்ணா?

குமரன் (Kumaran) said...

வடமொழி மட்டுமே கோவிலில் ஓத உகந்தது; ஏனெனில் அது இந்து மதத்தினர் எல்லோருக்கும் பொதுவானது - இந்த வாதம் அடிப்படையே இல்லாத வாதம்; ஏற்றுக் கொள்ளக் கூடியது இல்லை. வடமொழி பொது மொழி என்பவர்கள் தமிழகத்தைத் தாண்டிச் சென்று கோவில்களில் வடமொழி எப்படி சொல்லப்படுகிறது என்று கேட்டதில்லை என்பது நன்றாகத் தெரிகிறது. வடமொழிச் சொற்கள் தமிழ்நாட்டில் எப்படி சொல்லப்படுகிறதோ அந்த முறையில் கேரளத்திலோ கருநாடகத்திலோ ஆந்திரத்திலோ வங்காளத்திலோ சொல்லப்படுவதில்லை (இந்த மாநிலத்தவர் வடமொழி சொல்லித் தான் கேட்டிருக்கிறேன்). ஒவ்வொரு மாநிலத்தவரும் வெவ்வேறு பாணியில் தான் வடமொழியில் மந்திரங்கள் சொல்கிறார்கள். மிக மிக உன்னிப்பாகக் கேட்டால் தான் அவர்கள் என்ன சொல்கிறார்கள் என்பது வடமொழி நன்கு தெரிந்தவருக்கே புரியும். அப்படி இருக்க பக்தனை முன்னிட்டு வடமொழி பொதுமொழி என்பதெல்லாம் நேரான வாதம் இல்லை. புரியாத மொழியை வைத்துக் கொண்டால் தான் பாரதியார் சொன்னது போல் 'கால் கழுவச் செல்கிறேன்' என்பதையும் மந்திரமாக வைத்துக் கொள்ள முடியும் என்று எண்ணுவதாகத் தோன்றுகிறது.

வடமொழிக்கு ஈடாக (சில இடங்களில் அதற்கும் மேலாக) தமிழில் வழிபாட்டுப் பாடல்கள் ஆன்றோர்களால் இயற்றப்பட்டிருக்க இயம்பபட்டிருக்க அதனை விடுத்து பொது மொழி என்ற நேரில்லாத வாதத்தால் வடமொழியே கோவிலில் புழங்கவேண்டும் என்பது ஏற்றுக் கொள்ளத்தக்கதில்லை. வடமொழியில் மந்திரம் சொன்னாலும் வங்காளனுக்கு தமிழ்நாட்டில் சொல்லப்படும் முறையால் அது விளங்கப் போவதில்லை. அப்படி இருக்க தமிழகத்தில் தமிழால் வழிபாடு செய்வதால் வேறு என்ன குறை நேர்ந்துவிடுகிறது? தமிழுக்காக சொன்ன வண்ணம் செய்த பெருமானும் தமிழுக்காக நெற்றிக்கண்ணைத் திறந்து விளையாடிய பெருமானும் தமிழில் வழிபட்டால் மிக மகிழ்வார்களே. அவர்கள் மகிழ்ச்சி தானே பக்தர்களுக்கும் மகிழ்ச்சி?!

வடமொழியில் அருச்சிப்பது மரபாக இருந்து வந்தமையால் 'இங்கு தமிழிலிலும் அர்ச்சனை செய்யப்படும்' என்று எழுதிவைத்தார்கள். ஆனால் அது தமிழன்பர்கள் மனத்தைக் குறுகச் செய்கிறது; துணுக்குறச் செய்கிறது என்பது உண்மை. 'தமிழ், வடமொழி இரண்டிலும் அர்ச்சனை செய்யப்படும்' என்று எழுதி வைக்கலாம். அல்லது அப்படி எழுதியே வைக்காமல் இருக்கலாம்.

'செந்தமிழும் ஆரியமும் ஆனான் தன்னை' என்று செந்தமிழை முதலாக வைத்துத் தான் ஆன்றோர்களும் பாடியிருக்கிறார்கள் என்பதை அன்பர்கள் மறந்துவிட வேண்டாம்.

Anonymous said...

இந்தி ஜாதிகளை ஆதரிக்கும் 'தமிழ்' பற்றாளர்கள்!!!

தற்போதைய தமிழக அரசின் இடஒதுக்கீடு கொள்கை தமிழ் என்கிற அடிப்படையில் அல்லாமல் வெறும் ஜாதி என்கிற அடிப்படையில் உள்ளது.

நீங்கள் பிற்பட்டோர் பட்டியலை பார்த்தால் தமிழ் தவிற்று பிறமொழிகள் பேசும் ஜாதிகள் உள்ளன.

இதில் இந்தி பேசும் முஸ்லிம்கள், ஸவுராஷ்டிரியர்கள்; தெலுங்கு பேசும் ரெட்டியார்கள்,நாயுடுகள், கன்னடம் பேசும் கவுண்டர்கள் ஆகியோர்க்கெல்லாம் இடஒதுக்கீடு வழங்கப்படுகிறது.

தமிழ் பிராமிணர்களை அயோக்கியர்கள் என கருதும் தி மு க இந்தி பேசும் வடக்கர்கள் வாக்குகளை பெற இந்தி மொழி தேர்தல் பிரசுரங்களை வெளியிட்டது.

தமிழகத்தில் தமிழ் பிராமணர்கள் தமிழர்கள் அல்ல என பிரச்சாரம் செய்கின்றன ப ம க, தி மு க ஆகியோர்.

கர்ணாநிதிக்கு தமிழ் பிராமணர்கள் வெறுப்பு இந்தி மொழிக்கு மேலானது போலுள்ளது.

எனது வகுப்பில் இந்தி பேசும் மாணாக்கர் விலைக்கொடுத்து OBC சான்றிதழ் வாங்கி அண்ணா பல்கலைக்கழகம் சேர்ந்தார். இந்தி/உருது மட்டும் பேசும் முஸ்லிம் தமிழகத்தில் ஜாதிகள் இடஒதுக்கீடு பெறுகின்றனர்.

சென்னை விமானகத்தில் தமிழ் ஊழியர்கள் அவ்வளவு இல்லை. எல்லாமே இந்தி பேசுபவர்கள் தான்.

தமிழக CBSE பள்ளிகள் இந்தி திணிப்பு தான்.

இந்தி, கன்னடம், தெலுங்கு பேசும் ஜாதிகள் வருக; தமிழ் பிரமாணர் ஒழிக என கொள்கை வைத்துள்ளது தற்போதைய இடஒதுக்கீடு சட்டம்.

கர்நாடகத்தில் கன்னடத்திற்கு பிரதானம் அளிக்கப்படுகிறது. கன்னட பிராமணர் கன்னடர் ஆவார். தமிழகத்தில் தமிழ் பிராமணர் வெளியாள் எனவு இந்தி, உருது, கன்னடம், தெலுங்கு ஜாதிகள் தமிழர்கள் என்கிற பெயரில் இடஒதுக்கீடு வாங்குகின்றனர்.

தமிழக தமிழர்களுக்கா வெறும் ஜாதி கணக்கில் உகுந்தவருக்கா?