தத்துவம்

உலகத்துல உன்னை விட பெரியவன் யாரும் இல்லை அதனால நீ யாருக்கும் பயப்படாதே! அதே மாதிரி உன்னை விட சின்னவன் யாரும் இல்லை அதனால நீ யாரையும் தாழ்வா நினைக்காதே!!! அய்யம்பேட்டை அறிவுடை நம்பி கலியபெருமாள் சந்திரன்

Wednesday, February 07, 2007

வீராச்சாமி - விஐபி கமெண்ட்ஸ்

வீராச்சாமியை பார்த்துவிட்டு வந்த பிரபலங்களின் கருத்துக்கள்!!!

கலைஞர்...
கழக கண்மணிகளே!!! எனக்கு மன தைரியம் போய்விட்டது அதனாலே சாய்பாபாவை சந்தித்தேன் என்று சந்து புந்து எல்லாம் போய் சொன்ன அந்த அராஜக அரக்கர்களை அடக்க நான் சிந்தித்த போது, எனக்கு தம்பி விஜய டி.ராஜேந்தரிடமிருந்து அழைப்பு வந்தது.

நம் பாச மிகு தம்பி தாய் கழகத்தை விட்டு வெளியே சென்றாலும் மற்ற புல்லுரிவிகளை போல் எதிர் முகாமில் சேராமல் மீண்டும் நம்முடனே இணைந்தவர். அவரை யாரும் சேத்து கொள்ளவில்லை என்பது வேறு விஷயமாக இருந்தாலும் மீண்டும் நம் அரவணைப்பில் வந்தவர் என்பதை மறக்காததே தமிழர் மரபு.

இந்த பட ட்ரைலரை நம் குடும்ப தொலைக்காட்சியில் பார்த்ததும், நம் வீரத்தை நிருபிக்க வீராச்சாமியை பார்த்தால் போதும் என்று உறுதியாக உணர்ந்தேன். அதை சற்றும் சறுக்காமல் செய்திருக்கிறார் அன்பு தம்பி விஜய டி.ராஜேந்தர். நான் இந்தி எதிர்ப்பு போராட்டத்திலே சிறையிலிருந்ததைவிட கொடுமையான நேரமாகவே அதை உணர்ந்தேன்.


























இப்போது எதிர் முகாமிலிருப்பவர்களை கேட்கிறேன், உங்கள் மனதில் துணிவிருந்தால் இந்த படத்தை முழுதும் பார்த்துவிட்டு பேசுங்கள் எங்கள் வீரத்தை பத்தி.

தம்பிகளே! இந்த சவால் எதிர் முனையிலிருப்பவர்களுக்குத்தான். கழக கண்மணிகள் மேல் எனக்கு எப்போதும் பாசமிருக்கிறது என்பதை இதன் மூலம் நீங்கள் உணர்வீர்கள்!!!


விஜயகாந்த்...
இது முழுக்க முழுக்க அரசியல் காரணத்திற்காக எடுத்த படம். நான் புதிதாக வந்தவன், என்னை மிரட்டி பணிய வைக்கலாமென்றே இந்த படத்தை கலைஞர் தூண்டுதலால் எடுத்திருக்கிறார் டி.ராஜேந்தர். படத்தில் நடித்து மக்களை கொடுமைப்படுத்தி "இவன ஜெயிக்க வெச்சா சினிமால நடிக்க மாட்டான் நம்ம தப்பிச்சிடலாம்" என்று மக்களை நினைக்க வைத்த என் ஃபார்முலாவை காப்பி அடித்திருக்கிறார்கள்.

இதற்கு கலைஞரும் அவர் குடும்ப சேனலுமே காரணம். எலக்ஷன் சமயத்தில் நான் பல நூற்றாண்டுகளுக்கு முன் நடித்த கேப்டன் பிரபாகரன், சின்ன கவுண்டர் போன்ற நல்ல படங்களை போட்டு என்னை சினிமா துறையிலே இருக்க வைக்க அவர்கள் முயற்சி செய்தும், மக்கள் நான் கடைசியில் நடித்த எங்கள் அண்ணா, கஜேந்திரா, தென்னவன், நரசிம்மா போன்ற படங்களை மனதில் வைத்து என்னை ஜெயிக்க வைத்தனர்.

தற்போது அதை இந்த டி. ஆரை வைத்து முறியடிக்க முயற்சி செய்கிறது இந்த தி.மு.க அரசு. இதை நான் ஒன்றும் சாட்சியில்லாமல் சொல்லவில்லை. டி.ராஜேந்தர் என்ற பெயரை விஜய டி.ராஜேந்தர் என்று மாற்றியதை மக்கள் பார்த்து கொண்டுதான் இருக்கிறார்கள். இதுவே பெரிய சாட்சி.

நான் யாருடனும் கூட்டணி வைக்க போவதில்லை. எனக்கு சாப்பாட்டில் பிடிக்காதது கூட்டு தான்...

வைகோ...
1960களிலே தமிழன் தென்னமெரிக்காவில் அருமையான படங்களை தயாரித்து ஆஸ்கர் அவார்டுகளை வாங்கினான் என்பது தமிழர் வீர வரலாறு. அதை நான் என்றும் மறந்தவனில்லை.

ஆனால் அதை இன்று இந்த திமுக அரசு மறந்து வீரத்தை விற்று கோழைகளாக இந்த படத்தை எடுத்திருக்கிறார்கள்.

இதை எதிர்த்து எங்கள் இளைஞர் படை கோவை கற்பகம் காம்ப்லக்ஸிலிருந்து நடை பயணத்தை ஆரம்பிக்க போகிறது என்பதை இப்போது தெரிவித்து கொள்கிறேன்.

அதிமுகவுடன் நாங்கள் கூட்டணி வைத்திருந்தாலும் எங்கள் கொள்கையிலிருந்து நாங்கள் விலகவில்லை என்பதை இதன் மூலம் நீங்கள் உணரலாம்.

இதுக்கு நான் போடால உள்ளேயே இருந்திருக்கலாம்...

ஜெயலலிதா...
மக்களே என்னை நீங்கள் ஆட்சியில் உட்கார வைத்திருந்தால் உங்களுக்கு இந்த கொடுமை நடந்திருக்குமா???

என்னுடன் சண்டை போட்டு போனவுடனே இந்த ஆளை சட்டம் ஒழுங்கு பாதிப்புக்கு காரணம்னு சொல்லி போடால உள்ள உக்கார வெச்சி உங்களை காப்பாற்றியிருப்பேன்!!!

அப்படியில்லைனா வனவிலங்குனு சொல்லி முதுமலைக்காட்டுல கட்டி போட்டிருப்பேன்...

தமிழ்நாட்டில் வன்முறை தலைவிரித்தாடுகிறது என்பதற்கு இந்த படமே பெரிய சாட்சி!!!

புரட்சி தலைவர் வாழ்க!!! அண்ணா நாமம் வாழ்க!!!

சிம்பு...
வல்லவனை விட அருமையாக வந்திருக்கிறது வீராச்சாமி. அப்பா அப்பாதான்னு நிருபிச்சிட்டாரு...
இந்த படத்த ஃப்ளாப் ஆக்க ஒரு பெரிய நடிகர் முயற்சி செய்யறது எனக்கு தெரியும். இந்த சின்ன வயசுல நான் டைரக்டரான பொறாமைல தான் இதையெல்லாம் அவுங்க செய்யறாங்க...

படத்துக்கு யாரு ஃபர்ஸ்ட் டிக்கட் வாங்கிட்டு வராங்கனு முக்கியமில்லை படத்தை யார் கடைசி வரைக்கும் பயப்படாம பாக்கறாங்கன்றது தான் முக்கியம்...

78 comments:

Boston Bala said...

தமிழ்ப்பதிவர்: இந்த மாதிரி திரைப்படம் இன்னும் நிறைய வர வேண்டும். அப்பொழுதுதான் என்னைப் போன்ற வலைஞர்கள் பதிவுகள் இட முடியும். 'குரு', போக்கிரி போன்ற வார்ப்புரு அவதாரங்களுக்கு வீராச்சாமி போன்ற எண்பதுகளை நினைவூட்டும் காவியங்கள் நல்ல மருந்து. மேலும், பெயர் பஞ்சத்தால் அவதியுறும் தமிழ் இணையத்தில் உலாவுபவர்களுக்கும் புதிய நாமங்கள் கிடைக்கும் ; )


உங்க கற்பனை நன்றாக இருந்தது.


---வல்லவனை விட அருமையாக வந்திருக்கிறது வீராச்சாமி. அப்பா அப்பாதான்னு நிருபிச்சிட்டாரு...---

கிட்டத்தட்ட இதே கருத்தை மெய்யாலுமே சன் டிவி பேட்டியில் சொல்லியிருக்கிறார்.

மணிகண்டன் said...

//படத்துக்கு யாரு ஃபர்ஸ்ட் டிக்கட் வாங்கிட்டு வராங்கனு முக்கியமில்லை படத்தை யார் கடைசி வரைக்கும் பயப்படாம பாக்கறாங்கன்றது தான் முக்கியம்...//

எப்படிங்க இதெல்லாம்??

பாவங்க டி.ஆர். இதையெல்லாம் படிச்சா குடும்பத்தோட தற்கொலை பண்ணிக்குவாரு.

அதுக்குதான இப்படி எழுதுறோங்கறீங்களா?

மணிகண்டன் said...

சுப்ரமணிய சுவாமி : எனக்கு கிடைச்ச தகவல்படி ராஜேந்தருக்கும் C.I.Aவுக்கும் தொடர்பு இருக்குது.இந்த மாதிரி படத்தை பார்த்து எல்லாரும் சாவாங்க,தமிழ்நாடே காலியாயிடும்கற எண்ணத்தோட C.I.A தான் இந்த படத்தை தயாரிச்சிருக்கு.நேரம் வரச்ச நானே அந்த ஆதாரங்களை சந்திரலேகாவோட சேர்ந்து வெளியிடுவேன்.அப்போ தெரியும் அவாளுக்கு இந்த சுவாமி யாருன்னு.

நெல்லை காந்த் said...

//படத்துக்கு யாரு ஃபர்ஸ்ட் டிக்கட் வாங்கிட்டு வராங்கனு முக்கியமில்லை படத்தை யார் கடைசி வரைக்கும் பயப்படாம பாக்கறாங்கன்றது தான் முக்கியம்..//

Superruuu.........

Santhosh Kumar said...

////படத்துக்கு யாரு ஃபர்ஸ்ட் டிக்கட் வாங்கிட்டு வராங்கனு முக்கியமில்லை படத்தை யார் கடைசி வரைக்கும் பயப்படாம பாக்கறாங்கன்றது தான் முக்கியம்..// //
கலக்கல் வெட்டி :))

ஜி said...

vetti touch....

endaapaa vetti... kuri vatchi ippadi TRa thaakureengale... ethavathu ul vivahaaram irukuthaa? Ravi maathiri... postera paathe intha effectaa illa padatha paathu keethu tholatchiteengala?

Anonymous said...

//
படத்துக்கு யாரு ஃபர்ஸ்ட் டிக்கட் வாங்கிட்டு வராங்கனு முக்கியமில்லை படத்தை யார் கடைசி வரைக்கும் பயப்படாம பாக்கறாங்கன்றது தான் முக்கியம்...//


Superrrrr..
ha ha ha very funny :)

- unmai

Sundar said...

விஜய டி. ராஜேந்தர்
டேய். நீ பாத்தது வீராச்சாமி. நான் தின்னது காராச்சேவு.

தவளை டான்ஸ் ஆடுதுன்னு கிண்டல் பண்றியே. உன்கிட்ட ஒரு குவளையாவது இருக்கா?

வீராச்சாமி வல்லவனைவிட வல்லவன்டா. ஆனா நல்லவன்டா.

வல்லவன் தூங்கறது தொட்டில்லடா. நான் தூங்கறது கட்டில்லடா.

நான் காட்டறது மும்தாஜ் படம். நீ பாக்கறது கும்தாஜ் படம்.

நாளைக்கே நான் ஆவேன் எம்மெல்லே. நீ சொல்லாத குத்தம் எம்மேலே!

-அனானி சுந்தர்

Sundar said...

டிஆர்நா போடறேன் செட்டு. நீ வெட்டுடா துட்டு. படம் தர்றது பிளேடு வெட்டு. பாத்ததுக்கு போட்டுக்கடா கட்டு. கிடைச்சது குட்டு. கழண்டது நட்டு. ஓடுடா தியேட்டரை விட்டு.

-மறுபடியும் அனானி.

கோபிநாத் said...

வெட்டி..
நல்ல கற்பனை :)))

அதுவும் கலைஞர், சிம்பு..நச்சுன்னு இருந்தது உன் டச்..

வெட்டிப்பயல் said...

//Boston Bala said...

தமிழ்ப்பதிவர்: இந்த மாதிரி திரைப்படம் இன்னும் நிறைய வர வேண்டும். அப்பொழுதுதான் என்னைப் போன்ற வலைஞர்கள் பதிவுகள் இட முடியும். 'குரு', போக்கிரி போன்ற வார்ப்புரு அவதாரங்களுக்கு வீராச்சாமி போன்ற எண்பதுகளை நினைவூட்டும் காவியங்கள் நல்ல மருந்து. மேலும், பெயர் பஞ்சத்தால் அவதியுறும் தமிழ் இணையத்தில் உலாவுபவர்களுக்கும் புதிய நாமங்கள் கிடைக்கும் ; )
//
இத மிஸ் பண்ணிட்டனே :-))

சரி அதைதான் நீங்க சொல்லிட்டீங்களே :-)

//
உங்க கற்பனை நன்றாக இருந்தது.
//

மிக்க நன்றி பாபா!!!

// ---வல்லவனை விட அருமையாக வந்திருக்கிறது வீராச்சாமி. அப்பா அப்பாதான்னு நிருபிச்சிட்டாரு...---

கிட்டத்தட்ட இதே கருத்தை மெய்யாலுமே சன் டிவி பேட்டியில் சொல்லியிருக்கிறார். //
சிம்புவை பத்தி தெரியாதா???
பேப்பர் கத்தில தலைவர் தான் இப்ப நம்பர் ஒன் :-)

படியாதவன் said...

அதெப்படி உங்களால் மட்டும் முடிகிறது வெட்டி??

ரொம்ப நல்லாயிருக்கு

கானா பிரபா said...

prabaகமல் (குணா பட டைப்பில்) : எழுதிவைக்கப்பட்ட விதி,

வெட்டிப்பயல் said...

//மணிகண்டன் said...

//படத்துக்கு யாரு ஃபர்ஸ்ட் டிக்கட் வாங்கிட்டு வராங்கனு முக்கியமில்லை படத்தை யார் கடைசி வரைக்கும் பயப்படாம பாக்கறாங்கன்றது தான் முக்கியம்...//

எப்படிங்க இதெல்லாம்??
//
எல்லாம் தானா வரதுதான் :-))

//
பாவங்க டி.ஆர். இதையெல்லாம் படிச்சா குடும்பத்தோட தற்கொலை பண்ணிக்குவாரு.

அதுக்குதான இப்படி எழுதுறோங்கறீங்களா?//

ஐயய்யோ அவ்வளவு கொடுமையானவன் இல்லைங்க நான்...

படத்துல நடிக்கறதுக்கு முன்னாடி மக்களை கொஞ்சம் நினைச்சி பார்க்கனும்

வெட்டிப்பயல் said...

//மணிகண்டன் said...

சுப்ரமணிய சுவாமி : எனக்கு கிடைச்ச தகவல்படி ராஜேந்தருக்கும் C.I.Aவுக்கும் தொடர்பு இருக்குது.இந்த மாதிரி படத்தை பார்த்து எல்லாரும் சாவாங்க,தமிழ்நாடே காலியாயிடும்கற எண்ணத்தோட C.I.A தான் இந்த படத்தை தயாரிச்சிருக்கு.நேரம் வரச்ச நானே அந்த ஆதாரங்களை சந்திரலேகாவோட சேர்ந்து வெளியிடுவேன்.அப்போ தெரியும் அவாளுக்கு இந்த சுவாமி யாருன்னு. //

கலக்கல் மணிகண்டன்...

வெட்டிப்பயல் said...

//நெல்லைகாந்து said...

//படத்துக்கு யாரு ஃபர்ஸ்ட் டிக்கட் வாங்கிட்டு வராங்கனு முக்கியமில்லை படத்தை யார் கடைசி வரைக்கும் பயப்படாம பாக்கறாங்கன்றது தான் முக்கியம்..//

Superruuu.........//

மிக்க நன்றி நெல்லைகாந்த்...

வெட்டிப்பயல் said...

//Santhosh Kumar said...

////படத்துக்கு யாரு ஃபர்ஸ்ட் டிக்கட் வாங்கிட்டு வராங்கனு முக்கியமில்லை படத்தை யார் கடைசி வரைக்கும் பயப்படாம பாக்கறாங்கன்றது தான் முக்கியம்..// //
கலக்கல் வெட்டி :))//

வாங்க சந்தோஷ்...
ரொம்ப பிஸியா??? பதிவ பார்த்தே ரொம்ப நாளாச்சு...

வெட்டிப்பயல் said...

//ஜி said...

vetti touch....

endaapaa vetti... kuri vatchi ippadi TRa thaakureengale... ethavathu ul vivahaaram irukuthaa? Ravi maathiri... postera paathe intha effectaa illa padatha paathu keethu tholatchiteengala?//

இந்த மாதிரி போஸ்டரை பார்த்தா மனசனுக்கு எப்படி இருக்கும்... நீயே சொல்லு...

படம் கண்டிப்பா பார்ப்பேன்!!! எப்படியும் பல காமெடி சீன்ஸ் இருக்கும் :-)))

வெட்டிப்பயல் said...

//Anonymous said...

//
படத்துக்கு யாரு ஃபர்ஸ்ட் டிக்கட் வாங்கிட்டு வராங்கனு முக்கியமில்லை படத்தை யார் கடைசி வரைக்கும் பயப்படாம பாக்கறாங்கன்றது தான் முக்கியம்...//


Superrrrr..
ha ha ha very funny :)

- unmai//

மிக்க நன்றி உண்மை...
இப்பவாவது பனி வந்துச்சா????

வெட்டிப்பயல் said...

//Sundar said...

விஜய டி. ராஜேந்தர்
டேய். நீ பாத்தது வீராச்சாமி. நான் தின்னது காராச்சேவு.

தவளை டான்ஸ் ஆடுதுன்னு கிண்டல் பண்றியே. உன்கிட்ட ஒரு குவளையாவது இருக்கா?

வீராச்சாமி வல்லவனைவிட வல்லவன்டா. ஆனா நல்லவன்டா.

வல்லவன் தூங்கறது தொட்டில்லடா. நான் தூங்கறது கட்டில்லடா.

நான் காட்டறது மும்தாஜ் படம். நீ பாக்கறது கும்தாஜ் படம்.

நாளைக்கே நான் ஆவேன் எம்மெல்லே. நீ சொல்லாத குத்தம் எம்மேலே!

-அனானி சுந்தர்//

கலக்கறீங்களே தலைவா!!! சீக்கிரம் நீங்க எம்மெல்லே ஆகி தமிழ் திரையுலகை விட்டு விலகி அதை காப்பாற்ற ஆண்டவனை பிரார்த்திக்கிறேன்!!!

வெட்டிப்பயல் said...

//Sundar said...

டிஆர்நா போடறேன் செட்டு. நீ வெட்டுடா துட்டு. படம் தர்றது பிளேடு வெட்டு. பாத்ததுக்கு போட்டுக்கடா கட்டு. கிடைச்சது குட்டு. கழண்டது நட்டு. ஓடுடா தியேட்டரை விட்டு.

-மறுபடியும் அனானி.///

ஆஹா,
நீங்க டீஆர்க்கே வசனம் எழுதி கொடுக்கலாம் போல இருக்கே!11

வெட்டிப்பயல் said...

///கோபிநாத் said...

வெட்டி..
நல்ல கற்பனை :)))

அதுவும் கலைஞர், சிம்பு..நச்சுன்னு இருந்தது உன் டச்..//

ரொம்ப நன்றி கோபி...

நம்ம Gaptain டயலாக் பிடிக்கலையா???

வெட்டிப்பயல் said...

//படியாதவன் said...

அதெப்படி உங்களால் மட்டும் முடிகிறது வெட்டி??

ரொம்ப நல்லாயிருக்கு//

எல்லாம் தங்களை போன்றவர்கள் கொடுக்கும் உற்சாகம்தாங்க...

மிக்க நன்றி!!!

வெட்டிப்பயல் said...

//கானா பிரபா said...

prabaகமல் (குணா பட டைப்பில்) : எழுதிவைக்கப்பட்ட விதி,//

பிரபா,
கமல் இவ்வளவு சிம்பிளாவா சொல்லிடுவாரு.... இன்னும் நிறைய சொல்ல மாட்டாரு???

CVR said...

சூப்பர் சூப்பர்!!!!
கலக்கிட்டீங்க பாஸ்!! :D

Arunkumar said...

செம காமெடி வெட்டி , நல்ல ரசிச்சேன் :)

சின்ன தாடியும் பெரிய தாடியும் செய்ற லூட்டிக்கு அளவே இல்ல :(

சிவபாலன் said...

பாலாஜி

நல்லா நகைச்சுவையாக எழுதுகிறீர்கள்!!

இரசித்தேன்!!

நன்றி

ராசுக்குட்டி said...

//எங்கள் இளைஞர் படை கோவை கற்பகம் காம்ப்லக்ஸிலிருந்து நடை பயணத்தை ஆரம்பிக்க போகிறது // ஆஹா அங்கயும் வந்துட்டாங்களா...

ஒவ்வொண்ணுலயும் ஒவ்வொரு பஞ்ச்... கலக்கற வெட்டி!

Syam said...

எப்பவும் போல சூப்பர் வெட்டி...

//"இவன ஜெயிக்க வெச்சா சினிமால நடிக்க மாட்டான் நம்ம தப்பிச்சிடலாம்" என்று மக்களை நினைக்க வைத்த என் ஃபார்முலாவை காப்பி அடித்திருக்கிறார்கள்.//

ஆகா கேப்டன் இந்த ஐடியாலதான் எலக்சன்ல நின்னாறா :-)

Syam said...

//இதுக்கு நான் போடால உள்ளேயே இருந்திருக்கலாம்...//

இப்போ போய் வைகோ கிட்ட..இன்னொரு தடவை ஜெயிலுக்கு போறீங்களா..இல்ல ரெண்டாவது தடவை வீராச்சாமி பாக்கறீங்களானு கேட்டா தூக்கு மாட்டிக்குவார் :-)

Syam said...

//வல்லவனை விட அருமையாக வந்திருக்கிறது வீராச்சாமி. அப்பா அப்பாதான்னு நிருபிச்சிட்டாரு...
இந்த படத்த ஃப்ளாப் ஆக்க ஒரு பெரிய நடிகர் முயற்சி செய்யறது எனக்கு தெரியும்//

சொன்னாலும் சொல்வாய்ங்க...இவனுகள திருத்த முடியாது :-)

வெட்டிப்பயல் said...

//CVR said...

சூப்பர் சூப்பர்!!!!
கலக்கிட்டீங்க பாஸ்!! :D//

மிக்க நன்றி தலைவா!!!
எல்லாம் உற்சாகம் தான்...

வெட்டிப்பயல் said...

//சிவபாலன் said...

பாலாஜி

நல்லா நகைச்சுவையாக எழுதுகிறீர்கள்!!

இரசித்தேன்!!

நன்றி//

மிக்க நன்றி சிபா...

Mani said...

இந்த படத்தை தெலுங்கிலிம் வெளியிட்டு எங்களின் கலை தாகத்தை தீர்க்க வேண்டும்.
முழு நீள நகைச்சுவை படம் பார்த்து ரெம்ப நாள் ஆச்சு.

மு.கார்த்திகேயன் said...

நல்ல கற்பனை வெட்டிபயலே.. அருமையா இருந்தது..

Anonymous said...

நான் கடந்தமுறை ஊருக்கு சென்றபோது, பஸ்ஸில் பெங்களூரில் இருந்து போகும் ஐடி மக்கள் சிலர் உட்கார்ந்திருந்தாங்க..

அவங்கள் பேச்சில் இடையே தமிழ்மணம் அடிபட்டபோது, 'அட' என்று காதை கொடுத்தேன்.

பேச்சினிடையே, ஒருவர், தமிழ்மணம் என்று ஒரு வெப் சைட் இருக்குப்பா, அதில் கலக்கலாக தமிழில் நம்ம மக்கள் எழுதறாங்க...என்றார்...

அதுக்கு பிறகு ஒருவன் சொன்னான், "வெட்டிப்பயல்" என்று ஒருவர் எழுதுறார், சூப்பர் காமெடியாக எழுதுவார் என்றான்...

நான் மனதுக்குள் நினைச்சுக்கிட்டேன் " சும்மாவா 2006 பெஸ்ட் ப்லாகர்யா"

- செந்தழல் ரவி ( பீட்டா சொதப்பல்)

வெட்டிப்பயல் said...

//Arunkumar said...

செம காமெடி வெட்டி , நல்ல ரசிச்சேன் :)
//
அருண்,
மிக்க நன்றி!!!

// சின்ன தாடியும் பெரிய தாடியும் செய்ற லூட்டிக்கு அளவே இல்ல :(//
இப்படி எல்லாம் சொல்ல கூடாது.. தப்பு

பெரிய கரடியும் சின்ன கரடியும்னு சொல்லனும் :-)

ஜொள்ளுப்பாண்டி said...

//நான் யாருடனும் கூட்டணி வைக்க போவதில்லை. எனக்கு சாப்பாட்டில் பிடிக்காதது கூட்டு தான்...//
//படத்துக்கு யாரு ஃபர்ஸ்ட் டிக்கட் வாங்கிட்டு வராங்கனு முக்கியமில்லை படத்தை யார் கடைசி வரைக்கும் பயப்படாம பாக்கறாங்கன்றது தான் முக்கியம்... //

:)))))))))))))))))))))))))
இன்னமும் சிரிச்சுகிட்டு இருக்கேன் வெட்டி :))))) கலக்கல் !!

சென்ஷி said...

கமல்: இதை ஒரு படம்ன்னு ஒத்துக்க என்னை சொன்னா நான் அதை அப்படியே ஒத்துக்கமாட்டேன். ஏன்னா இவர விட மோசமா நான் எடுத்த எவ்வளவோ படம் இங்க ஓடியிருக்கறது உங்களுக்கு நல்லா தெரியும். இதை gods gift சொல்லலாம். ஆனா எனக்கு கடவுள் நம்பிக்கை இல்லைங்கறத நானே சொன்னா நல்லாயிருக்காதுங்கறதால நான் சொல்லல. பெரியாரும் இதையே சொல்லியிருக்காரு..

தப்பில்ல..நாலு பேரு நக்கலா பதிவு எழுத முடியும்னா இது தப்பில்ல..இத மாதிரி இன்னொரு படம் கூட வரலாம்.
கண்கலங்கியபடி...ஆ.ஆவ்..
தென்பாண்டி சீமையிலே...

சென்ஷி

வெட்டிப்பயல் said...

//ராசுக்குட்டி said...

//எங்கள் இளைஞர் படை கோவை கற்பகம் காம்ப்லக்ஸிலிருந்து நடை பயணத்தை ஆரம்பிக்க போகிறது // ஆஹா அங்கயும் வந்துட்டாங்களா...
//
கொங்கு மண்டலம் தானே பாக்கி!!! அதனால தான் :-))

//
ஒவ்வொண்ணுலயும் ஒவ்வொரு பஞ்ச்... கலக்கற வெட்டி!//

மிக்க நன்றி ராசுக்குட்டி...
அப்படியே கோக்கோவை விசாரித்ததாக கூறவும்...

வெட்டிப்பயல் said...

//Syam said...

எப்பவும் போல சூப்பர் வெட்டி...
//
ரொம்ப நன்றி நாட்டாமை!!!

//
//"இவன ஜெயிக்க வெச்சா சினிமால நடிக்க மாட்டான் நம்ம தப்பிச்சிடலாம்" என்று மக்களை நினைக்க வைத்த என் ஃபார்முலாவை காப்பி அடித்திருக்கிறார்கள்.//

ஆகா கேப்டன் இந்த ஐடியாலதான் எலக்சன்ல நின்னாறா :-)//
ஆமாம்... இது தெரியாதா நாட்ஸ்

வேணும்னா தர்மபுரி பாருங்க...

வெட்டிப்பயல் said...

//Syam said...

//இதுக்கு நான் போடால உள்ளேயே இருந்திருக்கலாம்...//

இப்போ போய் வைகோ கிட்ட..இன்னொரு தடவை ஜெயிலுக்கு போறீங்களா..இல்ல ரெண்டாவது தடவை வீராச்சாமி பாக்கறீங்களானு கேட்டா தூக்கு மாட்டிக்குவார் :-)//

நாட்டாமை,
கண்டிப்பா அந்த கொடுமைக்கு யாரா இருந்தாலும் அதை தான் செய்வாங்க :-)

வெட்டிப்பயல் said...

//Syam said...

//வல்லவனை விட அருமையாக வந்திருக்கிறது வீராச்சாமி. அப்பா அப்பாதான்னு நிருபிச்சிட்டாரு...
இந்த படத்த ஃப்ளாப் ஆக்க ஒரு பெரிய நடிகர் முயற்சி செய்யறது எனக்கு தெரியும்//

சொன்னாலும் சொல்வாய்ங்க...இவனுகள திருத்த முடியாது :-)//

நாட்டாமை,
இந்த பெரிய கரடியும் குட்டி கரடியும் பண்ற அட்டகாசம் தாங்க முடியல :-(

மணியன் said...

நல்ல அங்கதம். நல்ல கற்பனை.அதுவும் சிம்புவின் பஞ்ச் டயலாக் சூப்பர்.

Dyeaneshwaran K said...

"எனக்கு சாப்பாட்டில் பிடிக்காதது கூட்டு தான்..."

Aahaa... Aahaa...Arumayaana Sindhanai... Naanum indha padatha poi paakkalaamnu irukken.. Ippallaam heart test pannuradhukku indha padatha paakka solraangalaam....

Enakku vandha sila joke'sayum poduren..

Vijayakanth: Naan Jaya TV mela Case podanum..!

Police: Yedhuku Captian?

VK: Naan Katchi arambichathai "Vilaiyaattu Seithiyila pottu irukiraanga"

** *******************************************
Thondan: Thalaivaa..! Naama moosam poittomm..!

Vijayakanth: en? yenna aachu?

Thondan: Unga latest padam "Dharmapuri" ya indha vaaram "POGO TV" la pooduraangalam..!

Aani Pidunganum said...

adra adra adra sakkai, super , kalakitinga.....

கப்பி பய said...

:)))))))))

இராம் said...

இங்கே ஒரு தனிமனித தாக்குதல் நடந்து உள்ளது என்பதை உலகநீதி மன்றத்திலே புகார் செய்வேன்..

இராம் said...

//மக்கள் நான் கடைசியில் நடித்த எங்கள் அண்ணா, கஜேந்திரா, தென்னவன், நரசிம்மா போன்ற படங்களை மனதில் வைத்து என்னை ஜெயிக்க வைத்தனர்.//

இதுதாம்பா அல்டிமேட் காமெடி :)

இராம் said...

அஞ்சாத சிங்கம், எந்த பழிபாவத்துக்கும் துஞ்சாத சிங்கம் TR அண்ணனை பற்றி எழுதிய பதிவுக்கு 50 பின்னூட்டங்கள் தானா??

வாட்டா சேம் :(

தம்பி said...

பார்சல் விரைந்து வந்து சேரும் என்று கழகத்தின் தொண்டர்கள்(???) சார்பில் தெரிவித்துக்கொள்கிறோம்.

வெட்டிப்பயல் said...

//Mani said...

இந்த படத்தை தெலுங்கிலிம் வெளியிட்டு எங்களின் கலை தாகத்தை தீர்க்க வேண்டும்.
முழு நீள நகைச்சுவை படம் பார்த்து ரெம்ப நாள் ஆச்சு.//

மணி,
தெலுகுல இதைவிட பயமுறுத்துற ஆள் எல்லாம் இருக்காங்க :-)

பாலைய்யா படம் பார்த்திருக்கீங்களா???

வெட்டிப்பயல் said...

//மு.கார்த்திகேயன் said...

நல்ல கற்பனை வெட்டிபயலே.. அருமையா இருந்தது..//

மிக்க நன்றி கார்த்திகேயன்...

வெட்டிப்பயல் said...

//Anonymous said...

நான் கடந்தமுறை ஊருக்கு சென்றபோது, பஸ்ஸில் பெங்களூரில் இருந்து போகும் ஐடி மக்கள் சிலர் உட்கார்ந்திருந்தாங்க..

அவங்கள் பேச்சில் இடையே தமிழ்மணம் அடிபட்டபோது, 'அட' என்று காதை கொடுத்தேன்.

பேச்சினிடையே, ஒருவர், தமிழ்மணம் என்று ஒரு வெப் சைட் இருக்குப்பா, அதில் கலக்கலாக தமிழில் நம்ம மக்கள் எழுதறாங்க...என்றார்...

அதுக்கு பிறகு ஒருவன் சொன்னான், "வெட்டிப்பயல்" என்று ஒருவர் எழுதுறார், சூப்பர் காமெடியாக எழுதுவார் என்றான்...

நான் மனதுக்குள் நினைச்சுக்கிட்டேன் " சும்மாவா 2006 பெஸ்ட் ப்லாகர்யா"

- செந்தழல் ரவி ( பீட்டா சொதப்பல்)//

ஆஹா,
இதையெல்லாம் கேட்க நான் பெங்களூர்ல இல்லாம போயிட்டனே!!!

தமிழ் ப்ளாக்ஸ் பாப்புலராவது ரொம்ப சந்தோஷமா இருக்கு :-)

வெட்டிப்பயல் said...

//ஜொள்ளுப்பாண்டி said...

//நான் யாருடனும் கூட்டணி வைக்க போவதில்லை. எனக்கு சாப்பாட்டில் பிடிக்காதது கூட்டு தான்...//
//படத்துக்கு யாரு ஃபர்ஸ்ட் டிக்கட் வாங்கிட்டு வராங்கனு முக்கியமில்லை படத்தை யார் கடைசி வரைக்கும் பயப்படாம பாக்கறாங்கன்றது தான் முக்கியம்... //

:)))))))))))))))))))))))))
இன்னமும் சிரிச்சுகிட்டு இருக்கேன் வெட்டி :))))) கலக்கல் !!//

ரொம்ப்ப டாங்கிஸ் ஜொள்ளு...

வெட்டிப்பயல் said...

//சென்ஷி said...

கமல்: இதை ஒரு படம்ன்னு ஒத்துக்க என்னை சொன்னா நான் அதை அப்படியே ஒத்துக்கமாட்டேன். ஏன்னா இவர விட மோசமா நான் எடுத்த எவ்வளவோ படம் இங்க ஓடியிருக்கறது உங்களுக்கு நல்லா தெரியும். இதை gods gift சொல்லலாம். ஆனா எனக்கு கடவுள் நம்பிக்கை இல்லைங்கறத நானே சொன்னா நல்லாயிருக்காதுங்கறதால நான் சொல்லல. பெரியாரும் இதையே சொல்லியிருக்காரு..

தப்பில்ல..நாலு பேரு நக்கலா பதிவு எழுத முடியும்னா இது தப்பில்ல..இத மாதிரி இன்னொரு படம் கூட வரலாம்.
கண்கலங்கியபடி...ஆ.ஆவ்..
தென்பாண்டி சீமையிலே...

சென்ஷி//

கலக்கிட்டீங்களே சென்ஷி...

ஆனாலும் கரடி படத்தை கமல் படத்தோட ஒப்பிடறது ரொம்ப ஓவர்...

வெட்டிப்பயல் said...

//மணியன் said...

நல்ல அங்கதம். நல்ல கற்பனை.அதுவும் சிம்புவின் பஞ்ச் டயலாக் சூப்பர்.//

மிக்க நன்றி மணியன்...

வெட்டிப்பயல் said...

//Dyeaneshwaran K said...

"எனக்கு சாப்பாட்டில் பிடிக்காதது கூட்டு தான்..."

Aahaa... Aahaa...Arumayaana Sindhanai... Naanum indha padatha poi paakkalaamnu irukken.. Ippallaam heart test pannuradhukku indha padatha paakka solraangalaam....
//
இருந்தாலும் இவ்வளவு கொடுமையான சோதனை வைக்க கூடாதுங்க...

சரி மக்கள் தொகை குறையும்...

//
Enakku vandha sila joke'sayum poduren..

Vijayakanth: Naan Jaya TV mela Case podanum..!

Police: Yedhuku Captian?

VK: Naan Katchi arambichathai "Vilaiyaattu Seithiyila pottu irukiraanga"

** *******************************************
Thondan: Thalaivaa..! Naama moosam poittomm..!

Vijayakanth: en? yenna aachu?

Thondan: Unga latest padam "Dharmapuri" ya indha vaaram "POGO TV" la pooduraangalam..!//

Gaptainai காமெடி பண்றதே எல்லாருக்கும் பொழப்பா போச்சி ;)

வெட்டிப்பயல் said...

//Aani Pidunganum said...

adra adra adra sakkai, super , kalakitinga.....//

ரொம்ப நன்றிங்கோவ்!!!

வெட்டிப்பயல் said...

//கப்பி பய said...

:)))))))))//

நல்ல சிரிப்பா...
சீக்கிரம் லீவ் எல்லாம் முடிச்சிட்டு வா!!!

வெட்டிப்பயல் said...

//இராம் said...

இங்கே ஒரு தனிமனித தாக்குதல் நடந்து உள்ளது என்பதை உலகநீதி மன்றத்திலே புகார் செய்வேன்..//

தனி மனிதனு சொல்லி காமெடி பண்ணாதீங்க...

தனி கரடினு சொல்லுங்க :-)

வெட்டிப்பயல் said...

//இராம் said...

//மக்கள் நான் கடைசியில் நடித்த எங்கள் அண்ணா, கஜேந்திரா, தென்னவன், நரசிம்மா போன்ற படங்களை மனதில் வைத்து என்னை ஜெயிக்க வைத்தனர்.//

இதுதாம்பா அல்டிமேட் காமெடி :)//

அப்பறம் அதுதானே உண்மை ;)

வெட்டிப்பயல் said...

//இராம் said...

அஞ்சாத சிங்கம், எந்த பழிபாவத்துக்கும் துஞ்சாத சிங்கம் TR அண்ணனை பற்றி எழுதிய பதிவுக்கு 50 பின்னூட்டங்கள் தானா??

வாட்டா சேம் :(//

கவலை வேண்டாம்... மக்கள் அனைவரும் அதைவிட மிக மிக முக்கியமான ஒரு பிரச்சனையில் முழுகியுள்ளனர்...

வெட்டிப்பயல் said...

//தம்பி said...

பார்சல் விரைந்து வந்து சேரும் என்று கழகத்தின் தொண்டர்கள்(???) சார்பில் தெரிவித்துக்கொள்கிறோம்.//

எலேய்,
நாங்க எல்லாம் நரசிம்மா படத்தையே பார்த்தவங்க... அனுப்பி வை!!!

கார்த்திக் பிரபு said...

romba nall vandhruku thaliva ..romba nalu kalichu oru sooper padhivu potrukeenga(he he
)

Anonymous said...

Great show. Keep it up.

.:: மை ஃபிரண்ட் ::. said...

சூப்பரா இருக்கு.. நானும் அவர் அவர் மோடுலேஷனில் படித்துப் பார்த்தேன். சிரித்தேன்.

வெட்டி, வீராசாமிக்கு ஒரு கவுண்டர் டெவில் ஷோ நடத்தலாமே!

இராம் said...

/வெட்டி, வீராசாமிக்கு ஒரு கவுண்டர் டெவில் ஷோ நடத்தலாமே! //

நோட் திஸ் பாயிண்ட் :)

Anonymous said...

Inga oru miruga vadhai nadakkirathu :(((

Menaha Gandhiyidam pugaar alikka pogiraen

Ippadikku
Agila ulaga Veerasaamy rasigargal
Phoenix kilai
Arizona

kannabiran, RAVI SHANKAR (KRS) said...

பாலாஜி

நீங்கள் நயன்தாராவின் நண்பர் தானே?
அவர் சொல்லித் தானே, லிட்டில் சூப்பர் ஸ்டார் சிம்புவை மறைமுகமாக மிரட்ட இந்தப் பதிவை போட்டீர்கள்? :-))))

சரி, எது எப்படி இருந்தாலும்....
நயனின் orkut Idஐ எனக்கு மட்டும் அனுப்பி வைக்கவும்! :-)))

ஆதவன் said...

கலக்கிறீங்க வெட்டி

//மணிகண்டன் said...

//படத்துக்கு யாரு ஃபர்ஸ்ட் டிக்கட் வாங்கிட்டு வராங்கனு முக்கியமில்லை படத்தை யார் கடைசி வரைக்கும் பயப்படாம பாக்கறாங்கன்றது தான் முக்கியம்...//

எப்படிங்க இதெல்லாம்??

பாவங்க டி.ஆர். இதையெல்லாம் படிச்சா குடும்பத்தோட தற்கொலை பண்ணிக்குவாரு.

அதுக்குதான இப்படி எழுதுறோங்கறீங்களா? //

அப்படியாவது போய்த்தொலையட்டுமே... நாங்களாவது அவனுங்க படம் பாக்காம நிம்மதியா இருப்பமே... என்ன வெட்டி நான் சொல்றது சரிதானே??

SurveySan said...

இப்பதான் படிச்சேன். சூப்பரு.

சிநேகிதன் said...

//படத்துக்கு யாரு ஃபர்ஸ்ட் டிக்கட் வாங்கிட்டு வராங்கனு முக்கியமில்லை படத்தை யார் கடைசி வரைக்கும் பயப்படாம பாக்கறாங்கன்றது தான் முக்கியம்...//

சூப்பர்பு...

Anonymous said...

ivanum, ivan pullaiyum, tamilnaadu perai kedukka vandha peedainga..

Parameswaran said...

kandipaa intha padam oscar award vangum..enna sir..kamal evalu try panninar..ippa parunga TR oh sorry vijaya Rajender kandipa namma thamilnatu manatha kappatha porar...

antha paatu,style,sensational nadippu.... ippa antha trailora pathalummmm..yemma..nejamalume ..kannula thanniya vanthruchu... Jayatvla kuda intha padathu trailor odrana pathukonga..avanga intha vishyathula ottrumaya irukanga....

SRINIVASAN BOSE said...

நல்ல கற்பனை வெட்டி.இதை T.R படிச்சா வீராச்சாமி "வாரா"சாமியாவே இருந்திருக்கலாம்னு பீல பண்ணுவார்.

Anonymous said...

Hi Mr Vetti,

First time I am visiting your blogspot. I laughed heartfully by reading this. Keep it up

Kalai

செந்தில் said...

பதிவுல பதிக்கப்பட்டிருக்குற போஸ்டர்ல பாருங்க, ரெண்டு பேருக்கும் வித்தியாசமே தெரியல...
ஒரே வித்தியாசம் மும்தாஜ்-க்கு தாடி இல்ல...